"Uşağın 12 yaşı var bu günə qədər bir dəfə də olsun şorba yeməyib?! Anası da deyir ki, ancaq “abur cubur” adlandırdığımız məhsulları yeyir".
Bu sözləri pediatr Vaqif Qarayev deyib.
Onun sözlərinə görə, Sovetin dövründə zərərli paket qidaları adlanan nəsnə yox idi, amma uşaqlar daha sağlam böyüyürdü:
"Uşaqları körpə vaxtından müxtəlif yeməklərə öyrətmək lazımdır. Aybaay, ilbəil! Sonra gec olur. Biz deyirik ki, enegetik içkilər, "fast food" yeməkləri verməyin. Amma verirlər, hətta şəklini də çəkib paylaşırlar. Qəribə dövrana gəlib çıxmışıq. Uşaqları qınamaq olmur. Valideynlər qəribə olub".
