ABŞ prezidenti Donald Tramp ən yaxın tərəfdarlarından biri hesab edilən, xüsusən də gənclər arasında populyar olan fəal və sosial media fenomeni Çarli Kirki öldürən şəxsin saxlanılması istiqamətində aparılan istintaqla bağlı açıqlama verib.
“The Hill” xəbər verir ki, Tramp bu istiqamətdə işlərin davam etdiyini bildirib.
“Eşitdim ki, onlar böyük irəliləyiş əldə edirlər və nə baş verəcəyini görəcəyik”, – deyə o vurğulayıb.
Kirkin qatilini “heyvan” adlandıran Tramp əlavə edib: “Çarli Kirk hər cəhətdən gözəl və böyük insan idi, xüsusən də gənclər üçün. Bu adamın etdiyi utancvericidir. Ümid edirəm ki, onu yaxalayacağıq və onunla çox uyğun şəkildə davranacağıq”.
