Elm və təhsil naziri Emin Əmrullayev yeni tədris ili ilə bağlı keçirdiyi media brifinqində məktəbəqədər təhsilin əhatəliliyi barədə məlumat verib.
Nazirin sözlərinə görə, 2013-cü ildə 3–5 yaşlı uşaqların məktəbəqədər təhsilə cəlb olunma faizi 16,2 olubsa, bu göstərici 2025-ci ildə 40 faizə çatdırılıb.
Hazırda məktəbəqədər təhsilə 226 minə yaxın uşaq cəlb olunub.
Onlardan:
115 min nəfəri məktəbəqədər təhsil müəssisələrinə,
85 min nəfəri məktəbəhazırlıq qruplarına,
22 min nəfəri icma əsaslı qruplara,
4 min nəfəri isə valideyn-dövlət-özəl tərəfdaşlığı ilə yaradılan qruplara daxildir.
Emin Əmrullayev bildirib ki, dövlətin həyata keçirdiyi layihələr nəticəsində son illər məktəbəqədər təhsilin əhatəlilik səviyyəsi əhəmiyyətli dərəcədə yüksəlib.
