Tiflisdə yeni tramvay xəttinin layihələndirilməsi və tikintisi ilə bağlı müqavilə imzalanıb.
Saziş Tiflis Nəqliyyat Şirkəti ilə Türkiyənin EYE konsorsiumu (Emre Ray + Yüksel + Erk) arasında bağlanıb.
Tiflis meri Kaxa Kaladzenin sözlərinə görə, layihənin icrası 4 il davam edəcək və üç mərhələdən ibarət olacaq: konsepsiyanın hazırlanması, ətraflı layihələndirmə və tikinti.
Yeni tramvay xəttinin uzunluğu 7,5 kilometr olacaq və marşrut boyunca 11 dayanacaq yaradılacaq. Xətt Didi Diğomi yaşayış massivini “Didube” metro stansiyası ilə birləşdirəcək.
