Bazarlarda qızıl küləyi yenidən güclənib. ABŞ Federal Ehtiyat Sisteminin (FED) faiz qərarı ilə bağlı gözləntilər fonunda qram qızıl yüksəliş trendinə keçib. Yığımını “təhlükəsiz liman”da dəyərləndirmək istəyənlərin isə ən böyük narahatlığı qızılı satarkən yaranan itkilərdir.
Bəs alarkən və satarkən dəyərini ən yaxşı qoruyan qızıl hansıdır?
Bir çox kiçik investor qızıl alarkən alış və satış qiymətləri arasındakı fərqi nəzərə almadığı üçün sonradan ciddi itkilərlə üzləşə bilir.
Qızıl sektorunda illərdir tətbiq olunan qaydaya görə, satış zamanı işçilik xərci yaratmayan qızıl növləri paketlənmiş qram qızıl və kiçik ölçülü külçə qızıllardır.
Üzük, bilərzik və digər zinət əşyalarında məhsulun hazırlanmasına görə işçilik haqqı qiymətə əlavə olunur. Buna görə də həmin qızılı satarkən alış qiyməti ilə müqayisədə nəzərəçarpacaq məbləğdə fərq yarana bilər.
Standart külçə və ya sertifikatlı qram qızılda isə işçilik xərci, demək olar ki, yoxdur. Bu səbəbdən məqalədə bu məhsulların satış zamanı dəyər itkisini minimuma endirən seçim olduğu bildirilir.
Məqalədə qeyd olunan son qiymətlərə görə, uns qızıl günə 4 605 dollar səviyyəsində başlayıb. Gün ərzində 4 600 dollara qədər geriləyən qiymət daha sonra toparlanaraq 4 643 dollara yüksəlib və son olaraq 4 619 dollar ətrafında olub.
