Çikaqo Ticarət Birjasında (CBOT) qarğıdalı və buğda qiymətləri üç ilin ən yüksək həddinə çatıb.
Qarğıdalı qiymətləri ABŞ məhsulunun azalması ilə bağlı narahatlıqlar səbəbindən yüksəlir. Ayova və İllinoys ştatlarından gələn ilkin məlumatlar bu ilki məhsulun keçən ilkindən daha aşağı olacağını göstərir. Ölkənin aparıcı qarğıdalı istehsalçıları olan bu iki ştat həm həddindən artıq isti, həm də şiddətli qasırğalarla üzləşib.
Avqsutun 24-də ABŞ Kənd Təsərrüfatı Nazirliyi (USDA) ölkə daxilində qarğıdalı məhsulu şəraitinin analitiklərin gözlədiyindən daha çox pisləşdiyini bildirib.
Ən çox ticarət edilən qarğıdalı fyuçerslərinin qiyməti ticarət zamanı 2023-cü ilin iyul ayından bəri ən yüksək həddə - buşel üçün 5,30 dollardan yuxarı qalxıb.
Buğda qiymətlərinin artması Rusiya-Ukrayna münaqişəsi nəticəsində gəmiçilik problemləri və liman infrastrukturuna dəyən ziyan səbəbindən Qara dəniz limanlarından taxıl ixracının kəskin məhdudlaşması ilə əlaqədardır.
Qeyd edək ki, Ukrayna limanlarının və Rusiyanın Azov limanlarının ardınca, Novorossiysk Taxıl Zavodu da 12 avqust 2026-cı ildə dron hücumundan sonra taxıl ixracını dayandırıb. İnfrastrukturun bərpası bir aydan dörd aya qədər vaxt apara bilər.
Bunların nəticəsi ilaraq buğda qiymətləri də son 3 ilin ən yüksək həddinə – 1 buşel üçün 7,2175 dollara yüksəlib.
