Bu ilin yanvar-iyul aylarında Azərbaycanın MDB ölkələri ilə ticarət dövriyyəsi 3 milyard 239 milyon 89 min ABŞ dolları təşkil edib.
Valyuta.az xəbər verir ki, bu müddətdə MDB ölkələrinə ixracın həcmi 1 milyard 199 milyon 505 min ABŞ dolları olub ki, bu da ümumi ixracın 6.20%-ni təşkil edir.
Müqayisə üçün ötən ilin eyni dövründə bu göstərici 1 milyard 37 milyon 489 min ABŞ dolları (ümumi ixracın 6.81%-i) idi. Beləliklə, illik müqayisədə MDB ölkələrinə ixrac 162 milyon 16 min ABŞ dolları artıb.
İdxala gəlincə, cari ilin ilk yeddi ayında MDB ölkələrindən idxalın həcmi 2 milyard 39 milyon 584 min ABŞ dolları olub.
Bu, ümumi idxalın 20.64%-nə bərabərdir. Ötən ilin eyni dövründə isə bu göstərici 3 milyard 566 milyon 242 min ABŞ dolları (ümumi idxalın 26.19%-i) olub. İllik idxal dəyərində MDB ölkələri üzrə 1 milyard 526 milyon 685 min ABŞ dolları həcmində azalma qeydə alınıb.
Ölkələr İxrac (min ABŞ dolları) İdxal (min ABŞ dolları)
Rusiya 749 549.74 1 360 207.26
Ukrayna 153 960.65 170 185.21
Özbəkistan 79 506.62 121 227.30
Qazaxıstan 70 241.70 109 268.33
Belarus 44 401.00 245 998.80
Türkmənistan 39 162.68 24 191.30
Qırğızıstan 30 030.09 4 034.77
Ermənistan 17 372.10 0.96
Tacikistan 11 178.76 999.53
Moldova 4 102.03 3 470.80
17.08.2026
