Manset.az xəbər portalının baş redaktoru Əli Vəliyev ilə Binəqədi Rayon İcra Hakimiyyətinin başçısı Elxan Allahverdiyev arasında baş tutan telefon danışığının audioyazısı sosial şəbəkələrdə geniş müzakirələrə və qızğın mübahisələrə yol açıb.
Tərəflər arasında gedən sərt və gərgin dialoqda iddialar, ittihamlar və sərt cavablar bir-birini əvəz edib:
Baş redaktor icra başçısına mənzil istismar sahəsinin (MİS) rəisinin təyinatı ilə bağlı səslənən 200 min manatlıq rüşvət iddialarını və səhvləri ünvanlayıb.
Elxan Allahverdiyev həmin şəxsi tanımadığını, barəsində heç bir məlumatın yayılmadığını və məsələ ilə bağlı açıq şəkildə görüşüb müzakirə aparmağa hazır olduğunu bildirib.
Gərgin anlarla yadda qalan həmin səs yazısını təqdim edirik:
Redaksiyadan qeyd: Material yalnız ictimaiyyəti məlumatlandırmaq məqsədi daşıyır. Tərəflərin mövqeləri qarşılıqlı şəkildə dinlənilir və məsələ redaksiyanın nəzarətindədir.
