İmişli İcra Hakimiyyəti ilə “Orion-E” şirkəti ilə necə anlaşdı?

21-11-2025, 10:16 78

İmişli rayon İcra Hakimiyyəti növbəti tenderinə yekun vurub.

Tribunainfo.az xəbər verir ki, müsabiqəyə əsasən İmişli şəhər küçələrində avtomobil yollarının əsaslı təmir işləri həyata keçiriləcək.
Qeyd edək ki, tenderin qalibi “ORİON-E” MMC-dir. Şirkətlə İcra Hakimiyyəti arasında 608 min 808 manat dəyərində satınalma müqaviləsi imazalanıb.
Tribunainfo.az-ın açıq mənbələr üzərindən apardığı araşdırma zamanı məlum olub ki, “Orion-E” MMC şirkəti 2024-2025—ci illərdəm cəmi 3 tenderdə iştirak edib. Maraqlıdır ki, hər üç tender İmişli rayon İcra Hakimiyyətinin keçirdikləri olub. Yəni, şirkət yalnız bir İcra Hakimiyyətinin tenderlərinin qalibi olub.
Belə ki, “Orion-E” MMC ötən ilin dekabrında İmişli şəhər küçələrində avtomobil yollarının əsaslı təmirini həyata keçirərək, 582 min 399 manat pul alıb. Bundan başqa şirkət həmin ilin sonlarında İmişli rayonunda Şəhid ailələrinin yaşadığı və şəhid adı verilmiş küçələrdə yolların əsaslı təmirini də həyata keçirib. Bu müqavilənin dəyərim isə 491 min 469 manat təşkil edib.
Onu da xatırladaq ki, bu sirli şirkət 2023-cü ildə də İmişli Rayon İcra Hakimiyyətinin yol təmiri ilə bağlı 583 971,97 manatlıq, 2022-ci ildə isə 1 149 853, 74 manatlıq tenderlərinin qalibi olub.
İqtisadiyyat Nazirliyi yanında Dövlət Vergi Xidmətinin reyestr məlumatlarına əsasən, “Orion-E” MMC 10 dekabr 2003-cü ildə qeydiyyata alınıb. Nizamnamə kapitalı 1 730 030 AZN olan şirkətin hüquqi ünvanı İmişli şəhəri, Ziya Bünyadov küçəsi, ev 8-də yerləşir. MMC-nin qanuni təmsilçisi isə Qasımov Mürsəl İsa oğludur.
Açıq mənbələrdə şirkət və qanuni təmsilçisi haqqında heç bir məlumata rast gəlinmir.
Bildirək ki, İmişli Rayon İcra Hakimiyyətinin başçısı Elçin Rzayevdir. O, icra başçısı vəzifəsinə 21 may 2020-ci il tarixdə təyin edilib.
Tərəflərin də mövqeyini dinləməyə hazırıq.

Xəbər xoşunuza gəlib? Sosial şəbəkələrdə paylaşın