Nepalda xilasedicilər avqustda daşqınlar zamanı itkin düşdüyü bildirilən qadını tapıblar.
"Report"un məlumatına görə, bu barədə "Reuters" xəbər verib.
Agentlik qadının ailəsinin artıq yas mərasiminə başladığını bildirib.
Çandiki Kumari Şresta daşqın sularının dağıtdığı evində su və palçıq arasında 10 gün kiçik kisədə qalıb.
"Dörd mərtəbəli bina daşqınlar tərəfindən yuyulub. "Ətrafda gəzərkən "Məni xilas edin!" deyə çağıran bir səs eşitdik", - polis zabiti Mahendra Darnal agentliyə bildirib. O, qadının 45 dəqiqə sonra xilas edildiyini və xəstəxanaya aparıldığını bildirib.
Avqustun 26-da Lanqtanq-Lirunq dağında buzlaq çökərək daşqına səbəb olub. Hadisə nəticəsində 1 300-dən çox insan ölüb, daha 5 000 nəfər itkin düşüb. Qeyd olunur ki, 274 əcnəbi də daxil olmaqla 13 mindən çox insan xilas edilib.
