Mətbəxdə edilən xırda səhv elektrik xərclərini sürətlə artırır. Qidaların vaxtından əvvəl xarab olmasına da məhz bu amil səbəb olur. Soyuducunun ən ideal dərəcəsi açıqlanıb.
Məişət texnikası mütəxəssisləri və qida mühəndisləri vacib məqama diqqət çəkirlər. Evlərin ən çox işləyən avadanlığının temperaturu əksər hallarda yanlış təyin edilir. Təsadüfən seçilən dərəcələr həm ərzaqları korlayır, həm də büdcəyə zərər vurur.
Soyuducunun alt hissəsi üçün ideal temperatur müsbət 4 dərəcə hesab olunur. Temperatur müsbət 2 dərəcədən aşağı düşdükdə tərəvəzlər donur. Müsbət 5 dərəcədən yuxarı qalxdıqda isə bakteriyalar sürətlə çoxalır.
Dondurucu bölmə üçün standart göstərici mənfi 18 dərəcədir. Bu hissəni mənfi 22 və ya mənfi 24 dərəcədə saxlamaq yanlışdır. Həddindən artıq soyuq rejim elektrik sərfiyyatını kəskin artırır. Mühərrik fasiləsiz işləyir və əlavə xərc yaradır.
Beləliklə, soyuducunu doğru dərəcədə saxlamaq həddən artıq vacibdir. Bu addım həm ərzaqları təravətli saxlayır, həm də elektrik xərclərini azaldır.//Demokrat.az
