Şər və Böhtan yazanlara tutarlı cavab - Mingəçevir Şəhər İcra Hakimiyyətinin başçısı İlham İsmayılov haqqında jurnalistlərin ağlına nə gəldi onu da qələmi ələ alır

2-06-2021, 11:08 721

HƏQİQƏTƏ UYĞUN YAZILAR DƏRC EDİN. YOXSA ŞANTAJ XARAKTERLİ YAZILARDAN ƏL ÇƏKİN.......

Mən isə çalışacam ki, bəziləri kimi eşitdiklərimə yox, gördüklərimə əsaslanım, eşitdiklərimdən vaz keçim. Özünə jurnalist deyən hər kəs də gərək belə etsin. Gördüklərini, müşahidə etdiklərini yazsın: “Etibarlı mənbə”yə etibar etməsin. Əsas məqsədə keçmədən onu qeyd etmək istərdim ki, sosial şəbəkələrdə sayt, portal, informasiya agentliyi adına çirkli yuva quran bir sıra jurnalistikaya ləkələr gətirənlər Mingəçevir Şəhər İcra Hakimiyyətinin başçısı İlham İsmayılovda, ümumilikdə ölkəmizdə müsbət bir şey görmürlər. Guya "Mingəçevirdə tender maxinasiyaları - İlham İsmayılov dövlət büdcəsini belə dağıdır" Çünki onlar mənəvi kordular. Divin canı şüşədə olan kimi, onların təsisçiləri, baş redaktorları və bütün əməkdaşlarının canı da şərdə, böhtanda, iftirada, mənəviyyatsızlıqda, satqınlıqda, goreşənəlikdə, ayaq altı qazımaqda, maddi hərislikdədir.

Onlar yerlərə inkişafı, yüksəlişi, hər bir bölgənin hərtəfli tərəqqəsini görmək üçün getmirlər. Bəzən də xeyirxah, tərəfdaş cildinə girib, əncir yarpağı boyda qəzetində boğazdan yuxarı sözlərdən ibarət dərc etdiyi bir yazını götürüb əvəzini almağa rayonlara cumurlar. Burada M.F.Axundzadənin “Hacı qara” komediyası.

Mətləbi deyəsən bir az uzatdım. Obyektiv oxuculardan üzr istəyirəm. Məqsədə gəlirəm. Mingəçevir Şəhər İcra Hakimiyyətinin başçısı İlham İsmayılovun fəaliyyətinə kölgə salmaq istəyənlərin mənəviyyatı, keçmişi, bu günü kölgəlidir, əxlaqı ləkəlidir. Rəhbərliyin tutduğu yol isə çox aydın və düzdür. Məramı, məqsədi cənab Prezidentin sərəncam, tapşırıq, göstəriş və tövsiyələrini məsuliyyətlə icra etməklə rayon əhalisinə xidmət göstərməkdir. Nəticələr isə göz qabağındadır .

Mingəçevir şəhər İcra Hakimiyyəti və YAP Mingəçevir şəhər təşkilatının 1 iyun Uşaqların Beynəlxalq Müdafiə Gününə həsr etdiyi “Dünya Bizim evimizdir!” adlı onlayn musiqi festivalı keçirilib

Onlayn formatda keçirilən tədbirdə çıxış edən Mingəçevir şəhər İcra Hakimiyyətinin başçısı İlham İsmayılov qeyd edib ki, bilirsiniz ki, bu gün bütün dünyada «Uşaqların Beynəlxalq Müdafiə Günü» kimi qeyd edilir:” Ölkəmizdə uşaqlara qayğı göstərilməsi, onların hüquqlarının qorunması həmişə diqqət mərkəzində olub. Ümummilli lider Heydər Əliyev həmişə öz çıxışlarında deyirdi: "Uşaqlar bizim gələcəyimizdir, gələcəyimizi nə cür tərbiyə edəcəyiksə, ölkəmizin, millətimizin, dövlətimizin sabahı bundan asılı olacaqdır".
Bu gün də ümumilli ledirin davamçısı, ölkə Prezidenti cənab İlham Əliyevin bu sahəyə diqqəti böyükdür. Təsadüfi deyil ki, cənab Prezidentin sərəncamı ilə ölkəmizdə uşaq problemlərinin həlli ilə bağlı müxtəlif Dövlət proqramları hazırlanmışdır. "Azərbaycan Respublikasının Uşaqlara dair 2020-2030-cu illər üçün Strategiyası" və həmin Strategiyadan irəli gələn məsələlərin həlli üçün 2020-2025-ci illər üzrə Fəaliyyət Planının qəbul edilməsi bir daha göstərir ki, uşaqlar daim dövlət başçımızın diqqət mərkəzindədir.
Respublikamızda bu proqramlardan irəli gələn vəzifələrin icrası istiqamətində Azərbaycan Respublikasının Birinci vitse-prezidenti Mehriban xanım Əliyevanın rəhbərlik etdiyi Heydər Əliyev Fondu, elecə də bütün dövlət və qeyri-dövlət təşkilatları çox uğurlu əməkdaşlıq qurur, bir sıra layihələri reallaşdırırlar”.
Başçı onuda vurğulayıb ki,Mingəçevir şəhərində də bu sahəyə daima diqqət yetirilir:” Şəhərdə fəaliyyət göstərən İnternat məktəbində, Uşaq nevroloji sanatoriyasında olan uşaqlara qayğı şəhərin idarə, müəssisə və təşkilatları tərəfindən həmişə diqqətdə saxlanılır. Şəhərdə fəaliyyət göstərən 4 uşaq bağçası, 15 məktəb əsaslı təmir edilmiş və ya yenidən tikilmiş, 12 №-li tam orta məktəbdə isə əsaslı təmir işləri aparılır. Şəhərdə aparılan abadlıq və quruculuq işləri nəticəsində uşaqların asudə vaxtlarının səmərəli keçirmələri üçün salınmışyeni parklarda, məhəllələrdə əyləncə yerləri yaradılmış, onların istifadəsinə verilmişdir.
Uşaqlara diqqət və qayğı göstərilməsi bizim hamımızın mənəvi borcumuzdur. Çünki uşaq həyatın davamı, xoş gələcəyimiz, varlığımızın əbədi sevincidir. Harada uşaq varsa, orada səmimiyyət, gələcəyə ümid var. Biz uşaqlarımızı həmişə qorumalı, yaşatmalı və gələcəyə inamla aparmalıyıq”.

Daha sonra videoçarx nümayiş etdirilib.

Uşaq-Gənclər İnkişaf Mərkəzinin və körpələr evi-uşaq bağçalarının uşaqlarının videoçarxda çıxışları nümayiş olunub.

Şəhər İcra Hakimiyyətinin başçısı cənab İlham İsmayılov görüşə yekun vuraraq dedi ki,bildiyiniz kimi əvvəlki illərdə biz bu günü böyük konsert proqramları, müxtəlif müsabiqələr şəkilində qeyd edirdik*” Təəssüflər olsun ki, son iki ildə bayramın keçirilməsində məlum səbəblərdən dəyişiklər olmuşdur. Lakin buna baxmayaraq bu gün izlədiyimiz video çarxlardan da görünür ki, həyat davam edir, yenə istedadlı, bacarıqlı uşaqlarımız öz uğurları ilə bizləri sevindirir. “Dünya bizim evimizdir” adlanan musiqi festivalında iştirakınıza görə sizlərə təşəkkür edirəm”.
Günün ikinci yarsında festivalın keçirilməsində fərqləndiklərinə görə 10, 12 və 17 saylı körpələr evi-uşaq bağçalarının və həmçinin Uşaq Gənclər İnkişaf Mərkəzinin kollektivləri şəhər İcra Hakimiyyəti tərəfindən Heydər Əliyev Mərkəzində diplomla təltif olunublar.

Xəbər xoşunuza gəlib? Sosial şəbəkələrdə paylaşın