Dünya Müsəlman Alimləri Birliyi Türkiyə, Səudiyyə Ərəbistanı və Pakistan arasında imzalanan müdafiə sazişinə dəstəyini açıqlayıb.
Birlik bu razılaşmanı İslam dünyasının birliyi və müstəqilliyi istiqamətində mühüm addım kimi qiymətləndirib.
Bəyanatda bildirilib ki, saziş ortaq təhdidlər qarşısında İslam dünyasının potensialının gücləndirilməsinə imkan verəcək.
Dünya Müsəlman Alimləri Birliyi üç ölkə arasındakı əməkdaşlığın yalnız müdafiə və təhlükəsizlik sahələri ilə məhdudlaşmamasına ümid etdiyini bildirib. Qeyd olunub ki, gələcəkdə bu əməkdaşlıq siyasi, iqtisadi, ictimai və elmi sahələri də əhatə etməlidir.
Birliyin bəyanatında Türkiyə, Səudiyyə Ərəbistanı və Pakistanın birgə fəaliyyətinin müsəlman ümmətinin birliyinin və əməkdaşlığının gücləndirilməsi üçün möhkəm nüvə yaradacağı vurğulanıb.
