ABŞ kəşfiyyatı və Ağ Ev rəsmiləri Donald Trampın İran üzərində qələbəsini elan etməsi və müharibəyə son qoyması ssenarisini araşdırırlar.
Bu barədə “Reuters”ə tanış mənbələr məlumat verilib.
Nəşrin yazdığına görə, kəşfiyyat agentliyi təhlili ABŞ administrasiyasının yüksək vəzifəli rəsmilərinin xahişi ilə aparır və məqsədi İranın Trampın belə bir mümkün addımına necə reaksiya verəcəyini proqnozlaşdırmaqdır.
Bir sıra rəsmilər onu neft və benzin qiymətlərinin artmasına səbəb olan müharibənin qarşıdan gələn aralıq konqres seçkilərində respublikaçılar üçün böyük itkilərə səbəb ola biləcəyinə inandırırlar.
Tramp İranla bağlı növbəti addımı atmaq barədə hələlik yekun qərar verməyib. “Reuters” bildirib ki, İranın hərbi və siyasi liderlərinə qarşı yeni hava hücumları da daxil olmaqla, hərbi əməliyyatların daha da şiddətlənməsi mümkündür.
“Ən iddialı ssenari quru işğalı getdikcə daha az ehtimal olunur və Trampa müharibəni dayandırmaq üçün göstərilən siyasi təzyiq böyükdür”, - nəşr qeyd edib.
