Texnologiya milyarderi, “SpaceX” və “Tesla”nın qurucusu İlon Mask insanlığın əslində kompüter oyununun içərisində olduğunu iddia edib.
İndependent Türkçe” xəbər verir ki, Mask bu dəfə iddiasına sübut kimi 1970-cı illərdə populyar olan “Ponq” oyununu misal çəkib.
Maskın iddiasına görə, həqiqət əslində birbaşa başımızın arxasına qoşulan kabel vasitəsilə yaşadığımız simulyasiyadır.
Onun sözlərinə görə, oyunun buraxılışından sonrakı illərdə qrafika və oynanış sahəsindəki irəliləyiş bəşəriyyətin real dünyadan fərqlənməyən rəqəmsal dünyalar yaratmağa doğru getdiyini göstərir.
İ.Mask daha əvvəl də fizik Nik Bostromun 2003-cü ildə dərc olunan məqaləsində irəli sürülən fərziyyələrə qatıldığını ddemişdi
Fərziyyə ondan ibarətdir ki, gələcəkdə hesablama gücündə irəliləyişlər növbəti nəsillərə çox yüksək rəqəmlər və əcdadlarının son dərəcə təfərrüatlı simulyasiyalarını idarə etməyə imkan verəcək.
Bostrom iddia edirdi ki, əgər bu baş verərsə, "o zaman bizimki kimi ağılların böyük əksəriyyəti ilkin irqə deyil, orijinal irqin qabaqcıl nəsilləri tərəfindən simulyasiya edilmiş insanlara aid ola bilər".
Mask bu məqaləyə əsaslanaraq, yaşadığımız kainatın 99,99 faiz ehtimalla kompüter simulyasiyası olduğunu ifadə edib.
