https://fim.az/ az https://fim.az/tehsil/59909-emin-mrullayev-drslrl-bal-mr-imzaladi.html https://fim.az/tehsil/59909-emin-mrullayev-drslrl-bal-mr-imzaladi.html 59909 Wed, 16 Sep 2026 07:29:40 +0000 native-yes

Azərbaycanın ümumi təhsil müəssisələrinin 2026-2027-ci tədris ili üçün tədris planları təsdiqlənib.
Bu barədə elm və təhsil naziri Emin Əmrullayev müvafiq əmr imzalayıb.

Əmrə əsasən, dövlət ümumi təhsil müəssisələrində yaradılan məktəbəhazırlıq qrupları, tədris Azərbaycan dilində və digər dillərdə aparılan I-XI siniflər, eləcə də azsaylı xalqların dillərinin öyrədildiyi siniflər üçün tədris planları təsdiqlənib.

Sənədlə uzun müddət təhsildən kənarda qalmış şəxslərin ümumi təhsil müəssisələrində təşkil olunan fərdi təhsili üçün də tədris planları müəyyənləşdirilib.

Bundan əlavə, “Bakı şəhəri “Vətən” idman liseyi”, “Bakı şəhəri 1 nömrəli idman liseyi” və “Gəncə şəhəri idman liseyi”ndə ümumtəhsil fənlərinin tədrisinin təsdiq olunmuş planlara uyğun təşkili nəzərdə tutulub.

Əmrə əsasən, Naxçıvan Muxtar Respublikası Təhsil Nazirliyi və Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyi ümumi təhsil müəssisələrinin fəaliyyətinin müvafiq tədris planları əsasında təşkilinə nəzarət edəcək.

Əmrin icrasına nəzarət elm və təhsil nazirinin müavini Həsən Həsənliyə həvalə olunub.]]> https://fim.az/tehsil/59873-azrbaycanda-bilik-gndr.html https://fim.az/tehsil/59873-azrbaycanda-bilik-gndr.html 59873 Tue, 15 Sep 2026 09:00:33 +0000 native-yes

Bu gün Azərbaycanda Bilik Günü qeyd olunur.
Sentyabrın 15-dən ölkənin bütün təhsil müəssisələrində tədris başlayır.

Azərbaycanda yeni tədris ilində 2,2 milyon təhsilalan olacaq.

2026/2027-ci tədris ilində 130 mindən çox uşaq 1-ci sinifdə təhsil alacaq.

Yeni tədris ilində ali təhsilin bütün səviyyələrinə 75 min tələbə qəbul olunub.

Elm və Təhsil Nazirliyinin ümumi təhsil müəssisələrində 2026/2027-ci tədris ilinin təşkili barədə müvafiq əmrinə əsasən, yeni tədris ilinin ilk dərsi ölkə üzrə bütün II–XI siniflərdə "Şəhərsalma və Memarlıq İli" mövzusuna həsr olunacaq.]]> https://fim.az/tehsil/59884-bu-gn-onlar-n-d-drs-ilinin-ilk-gndr-fotolar.html https://fim.az/tehsil/59884-bu-gn-onlar-n-d-drs-ilinin-ilk-gndr-fotolar.html 59884 Tue, 15 Sep 2026 07:10:57 +0000 native-yes

Əmək və Əhalinin Sosial Müdafiəsi Nazirliyinin (ƏƏSMN) tabeliyində Sosial Xidmətlər Agentliyinin uşaq evi sosial xidmət müəssisələrindən bu gün 39 uşaq birinci sinfə gedir.

“Bununla bağlı ƏƏSMN məlumat yayıb.

Bildirilib ki, Sosial Xidmətlər Agentliyi müəssisələrdə yaşayan uşaqların təhsil hüquqlarının təmin olunması, onların məktəbə hazırlığı və təhsil prosesinə uyğunlaşması istiqamətində mütəmadi tədbirlər həyata keçirir.

Hazırda Agentliyin uşaq evi sosial xidmət müəssisələrində valideyn himayəsindən məhrum olan 476 uşaq yaşayır.

]]> https://fim.az/tehsil/59883-xankndi-xocal-v-adrd-179-agird-birinci-sinf-getdi-foto.html https://fim.az/tehsil/59883-xankndi-xocal-v-adrd-179-agird-birinci-sinf-getdi-foto.html 59883 Tue, 15 Sep 2026 06:38:38 +0000 native-yes

Sentyabrın 15-də Xankəndi şəhərində, Xocalı və Ağdərə rayonlarındakı ümumtəhsil məktəblərində yeni tədris ilinin başlanması ilə əlaqədar tədbirlər keçirilib.
Xankəndi şəhərində, Ağdərə və Xocalı rayonlarında Bərpa,Tikinti və İdarəetmə Xidmətinin ictimaiyyətlə əlaqələr şöbəsindən verilən xəbərə görə, bu il Xankəndi şəhəri, Nizami Gəncəvi adına 4 nömrəli orta məktəbin 1-ci sinfinə 110 şagird qəbul olunub və hazırda məktəbdə 1052 şagird təhsil alır.

Xankəndi şəhərinin Kərkicahan qəsəbəsində fəaliyyət göstərən 1 nömrəli tam orta məktəbdə də keçirilən Bilik Günü tədbiri, doğma yurda qayıdan keçmiş məcburi köçkün ailələrin övladları üçün xüsusi əhəmiyyət daşıyıb. Məktəb rəhbərliyi çıxışında Kərkicahanda məktəb zənginin yenidən səslənməsinin illər sonra qəsəbədə həyatın yenidən canlanmasının göstəricilərindən biri olduğunu deyib. Bildirilib ki, ötən il istifadəyə verilən orta məktəbdə 323 şagird təhsil alır, bu il birinci sinfə 14 şagird qəbul edilib.

Xocalı şəhər 1 nömrəli tam orta məktəbdə keçirilən tədbir də ilk dərs gününün sevinc və həyəcanı ilə yadda qalıb.Məktəb rəhbərliyi şagirdlərə müraciət edərək, onların azad Xocalının gələcəyini formalaşdıracaq nəsil olduğunu bildirib. Ümumilikdə təhsil ocağında 248 şagird təhsil alır, onlardan 11-i bu il birinci sinfə qədəm qoyub.Xocalı rayonunun Balllca kənd tam orta məktəbində keçirilən Bilik günündə də məlumat verilib ki, burda ümumilikdə 192 şagird təhsil alır və bu il 11 uşaq birinci sinfə qəbul olunub.Yeni dərs ilinin başlandığı gün Ağdərə rayonunun Suqovuşan kənd tam orta məktəbində də böyük coşqu ilə keçirilib.

Qeyd olunub ki, bu məktəbdə 87 şagird təhsil alır, bu il birinci sinfə 14 şagird qəbul olunub.Ağdərə rayonunun Vəngli kəndində də yeni dərs ilinə həsr olunmuş tədbirdə bildirilib ki, Vəngli kənd tam orta məktəbində hazırda 93 şagird təhsil alır və bu il 4 şagird birinci sinfə qəbul olunub.Həsənriz kəndində fəaliyyət göstərən tam orta məktəbdə isə ümumilikdə 159 şagird təhsil alır, bu il 15 şagird birinci sinfə gedəcək.

]]> https://fim.az/tehsil/59879-bilik-gnn-bel-baladlar-fotolar.html https://fim.az/tehsil/59879-bilik-gnn-bel-baladlar-fotolar.html 59879 Tue, 15 Sep 2026 05:48:12 +0000 native-yes

Bu gün Azərbaycanda Bilik Günüdür. Sentyabrın 15-dən etibarən ölkənin bütün təhsil müəssisələrində 2026–2027-ci tədris ili başlayır.

Yeni tədris ilində 124 mindən çox uşaq birinci sinfə qəbul olunub. Onlar bu gün məktəb yollarına ilk addımlarını atacaqlar.
Elm və Təhsil Nazirliyinin ümumi təhsil müəssisələrində 2026–2027-ci tədris ilinin təşkili ilə bağlı müvafiq əmrinə əsasən, yeni tədris ilinin ilk dərsi ölkə üzrə bütün II–XI siniflərdə “Şəhərsalma və Memarlıq İli” mövzusuna həsr olunacaq.

2026–2027-ci tədris ilində ümumilikdə 2,2 milyon təhsilalanın tədrisə başlaması gözlənilir. Onlardan 1,6 milyonu ümumi təhsil, 260 mini ali təhsil, 226 mini məktəbəqədər təhsil, 64 mini orta ixtisas və 44 mini peşə təhsili üzrə təhsil alacaq.

Azad edilmiş ərazilərdə yeni məktəblər

“Böyük Qayıdış” proqramı çərçivəsində işğaldan azad edilmiş ərazilərdə də təhsil infrastrukturu genişləndirilir.

Əvvəlki illərdə həmin ərazilərdə 12 məktəbəqədər təhsil müəssisəsi fəaliyyət göstərirdisə, bu il daha 11 müəssisə fəaliyyətə başlayacaq. Beləliklə, azad edilmiş ərazilərdə məktəbəqədər təhsil müəssisələrinin sayı 23-ə çatacaq. Bu müəssisələrdə ümumilikdə 458 uşağın təhsil alması nəzərdə tutulur.

Sentyabrın 15-nə olan məlumata əsasən, azad edilmiş ərazilərdə daha 4 ümumi təhsil müəssisəsi fəaliyyətə başlayır. Bununla da həmin ərazilərdə ümumi təhsil müəssisələrinin sayı 29-a çatır.

Köç proqramına uyğun olaraq oktyabr, noyabr və dekabr aylarında da yeni məktəblərin istifadəyə verilməsi planlaşdırılır.

600 məktəbdə təmir aparılıb

Son illər ərzində 1 milyondan çox şagirdin təlim şəraiti yaxşılaşdırılıb. Son 20–25 il ərzində isə Azərbaycanda 4 minədək məktəb binası tikilib.
Bu il 600 məktəbdə təmir işləri aparılıb. Yeni tədris ilində 37 yeni təhsil müəssisəsi fəaliyyətə başlayır. Daha 41 müəssisədə təmir-tikinti işləri davam etdirilir, 125 müəssisədə isə layihələndirmə işləri aparılır.

]]> https://fim.az/tehsil/59878-sentyabrn-15-i-bakda-nqliyyat-imtahani-avtobus-gzlyn-insanlarn-sbri-dad-fotolar.html https://fim.az/tehsil/59878-sentyabrn-15-i-bakda-nqliyyat-imtahani-avtobus-gzlyn-insanlarn-sbri-dad-fotolar.html 59878 Tue, 15 Sep 2026 05:39:04 +0000 native-yes

Bu gün, sentyabrın 15-də Azərbaycanda yeni tədris ili başlayıb. Ali təhsil müəssisələri və orta məktəblərdə dərslərin başlaması paytaxt Bakının nəqliyyat sistemini də ciddi sınaq qarşısında qoyub. Səhər saatlarından etibarən paytaxtın müxtəlif ərazilərində nəqliyyat sıxlığı, avtobusların gecikməsi ilə bağlı narazılıqlar səngimək bilmir.

Musavat.com-un əməkdaşının verdiyi məlumata görə, “Gənclik” metrostansiyasının yaxınlığındakı avtobus dayanacağında insanlar artıq 40 dəqiqədir avtobus gözləyirlər.

Dayanacaqda tələbələr, işə gedənlər və digər sərnişinlərdən ibarət böyük izdiham yaranıb. Sərnişinlərin ümumi narazılığı isə eynidir: avtobuslar ya gecikir, ya da ümumiyyətlə görünmür.

“40 dəqiqədir gözləyirəm, artıq dərsimə gecikirəm”, – deyə bir tələbə gileylənib.

“Metroda basa-bas olsa da, heç olmasa qatarlar gəlir”, deyə işə gecikən digər paytaxt sakini giley-güzar edir.

Paytaxtın metro stansiyalarında da səhər saatlarında sıxlıq müşahidə olunur. Xüsusilə “Gənclik” stansiyasında sərnişinlərin qatarlara minməsi çətinləşib.

Bununla belə, sərnişinlər metro ilə avtobus xidməti arasındakı fərqə diqqət çəkirlər:

“Metroda nə qədər basa-bas olsa da, heç olmasa qatarların gəldiyini görürük. Amma avtobus ümumiyyətlə yoxdur”.

]]> https://fim.az/tehsil/59876-emin-mrullayev-agirdlri-tbrik-etdi.html https://fim.az/tehsil/59876-emin-mrullayev-agirdlri-tbrik-etdi.html 59876 Tue, 15 Sep 2026 05:27:22 +0000 native-yes

Bu gün 124 minə yaxın uşaq yeni dərs ilinə qədəm qoyur.
Bunu elm və təhsil naziri Emin Əmrullayev Bilik Günü münasibətilə keçirilən tədbirdə deyib.

Nazir birinci sinfə qədəm qoyan şagirdlərin timsalında bütün şagirdləri yeni dərs ilinin başlanması münasibətilə təbrik edib, onlara təhsildə uğurlar arzulayıb.

Emin Əmrullayev bildirib ki, təhsildə əldə olunan nəticələrin əsasında müəllimlərin fəaliyyəti dayanır. O, müəllimləri də yeni tədris ilinin başlanması münasibətilə təbrik edib.

Nazir valideynlərə də təşəkkürünü bildirib. O qeyd edib ki, valideynlər bütün tədris prosesi boyunca övladlarının yanında olsalar və məktəblə yaxından əməkdaşlıq etsələr, təhsildə daha böyük irəliləyişlərə nail olmaq mümkündür.]]> https://fim.az/tehsil/59831-baalara-nvby-yazlma-prosesi-balayr.html https://fim.az/tehsil/59831-baalara-nvby-yazlma-prosesi-balayr.html 59831 Wed, 09 Sep 2026 08:17:58 +0000 native-yes

Sabah saat 15:00-dan etibarən 2026–2027-ci tədris ili üzrə məktəbəqədər təhsil müəssisələrinə növbəyə yazılma prosesinə yenidən start verilir.

Bu barədə “Məktəbəqədər və Ümumi Təhsil üzrə Dövlət Agentliyindən məlumat verilib.
Bildirilib ki, qəbul prosesi myGov portalı vasitəsilə elektron formada həyata keçirilir. Məktəbəqədər təhsil müəssisələrinə qəbul sistemində növbə yaradarkən bir uşaq üçün maksimum üç məktəbəqədər təhsil müəssisəsini seçmək mümkündür.

Mövcud növbələrin boş yer olduğu halda sorğuya çevrilməsi prosesi minimum beş gündən sonra həyata keçiriləcək.

Qeyd edək ki, uşaqların məktəbəqədər təhsil müəssisələrində boş yerlərə qəbulu il boyu davam etdiriləcək.]]> https://fim.az/tehsil/59811-bu-xanmlara-yksk-vzif-verildi.html https://fim.az/tehsil/59811-bu-xanmlara-yksk-vzif-verildi.html 59811 Tue, 08 Sep 2026 08:12:11 +0000 native-yes

Elm və Ali Təhsil üzrə Dövlət Agentliyinin müvafiq əmri ilə Lətifə Sadıqova Şamaxı Dövlət Regional Kollecinə tərbiyə işləri üzrə, Fatimə Məmmədova isə Astara Pedaqoji Kollecinə tədris işləri üzrə direktor müavini vəzifəsinə təyin edilib.

Lətifə Sadıqova Azərbaycan Dövlət Pedaqoji Universitetində “Riyaziyyat və informatika müəllimliyi” ixtisası üzrə bakalavr təhsili alıb, hazırda ADA Universitetində “Təlim və tədrisin təşkili metodikası” ixtisası üzrə magistratura təhsilini davam etdirir. 2021-ci ildən Qobustan şəhər A. Çernyayevski adına 1 nömrəli tam orta ümumtəhsil məktəbində riyaziyyat və rəqəmsal bacarıqlar müəllimi kimi fəaliyyət göstərib. 2025-ci ildən son təyinatadək Bakı İlahiyyat Kollecində riyaziyyat və informatika müəllimi kimi çalışıb. Rəqəmsal bacarıqların tədrisi və STEAM layihəsi üzrə bir çox təlimlərdə iştirak edib. Həmçinin, Dağlıq Şirvan Regional Təhsil İdarəsi tərəfindən keçirilən ümumi təhsil müəssisələrinin direktor müavinlərinin işə qəbulu müsabiqəsində uğurlu nəticə göstərib.

Fatimə Məmmədova Bakı Slavyan Universitetində “Rus dili və ədəbiyyatı” ixtisası üzrə bakalavr təhsili alıb.

Bundan əlavə, 2023–2026-cı illərdə Azərbaycan Respublikasının Prezidenti yanında Dövlət İdarəçilik Akademiyasında “Menecment” ixtisası üzrə ikinci bakalavr təhsili alıb. Bir sıra özəl təhsil müəssisələrində, həmçinin Bakı İstanbul Liseyində rus dili və ədəbiyyatı fənninin tədrisi ilə məşğul olub. Təhsilalanların inkişafının qiymətləndirilməsi, tədris proqramlarının hazırlanması və qrup idarəetməsi istiqamətlərində fəaliyyət göstərib .]]> https://fim.az/tehsil/59786-qurumdan-drslrin-balamas-il-bal-birg-xbrdarliq-yenilndi.html https://fim.az/tehsil/59786-qurumdan-drslrin-balamas-il-bal-birg-xbrdarliq-yenilndi.html 59786 Mon, 07 Sep 2026 11:16:11 +0000 native-yes

Daxili İşlər Nazirliyinin Nəqliyyatı İntellektual İdarəetmə Mərkəzi də yeni tədris ili ilə bağlı sürücülərə müraciət edib. Bildirilib ki, yeni tədris ilinin başlanması ilə əlaqədar paytaxt yollarında, xüsusilə təhsil müəssisələrinin yerləşdiyi ərazilərdə nəqliyyat vasitələrinin hərəkət intensivliyinin artması gözlənilir. Qeyd olunub ki, övladlarını təhsil ocaqlarına avtomobillə gətirən bəzi valideynlər və özü sürücü olan tələbələr əksər hallarda yol hərəkəti qaydalarına əməl etmirlər. Bu səbəbdən də təhsil müəssisələrinin yaxınlığında olan yollarda, eləcə də həmin yollara bitişik digər küçə və prospektlərdə süni nəqliyyat sıxlıq yaranır. Belə hallar ictimai nəqliyyatdan istifadə edən digər hərəkət iştirakçılarının da yollarda əlavə vaxt itirməsinə gətirib çıxarır. DİN-in Nəqliyyatı İntellektual İdarəetmə Mərkəzi valideynlərə və tələbələrə müraciət edərək, xüsusilə təhsil müəssisələrinin ətrafında yol hərəkəti qaydalarına ciddi əməl etməyə çağırır: “Onlardan xahiş olunur ki, nəqliyyat vasitələrini dayanma və durmanın qadağan edildiyi yerlərdə, yolun hərəkət hissəsinin ikinci cərgəsində, ictimai nəqliyyatın dayanacaq məntəqələrində və digər hərəkət iştirakçılarına maneə yaradacaq şəkildə saxlamasınlar. Avtomobillərin mümkün qədər yerüstü və yeraltı dayanacaqlarda, eləcə də müəyyən edilmiş parklanma yerlərində saxlanılması tövsiyə olunur”. Qeyd edək ki, Nəqliyyatı İntellektual İdarəetmə Mərkəzi tərəfindən yol polisi əməkdaşları ilə birgə paytaxtda yerləşən təhsil müəssisələrinin qarşısı və digər küçə və prospektlərdə yollar nəzarətdə saxlanılacaq. Süni nəqliyyat sıxlığının yaranmasına səbəb olan hallar müşahidə edildikdə, onların aradan qaldırılması istiqamətində zəruri tədbirlərin görülməsi təmin olunacaq. Eyni zamanda, nəqliyyat axınının fasiləsizliyini təmin etmək məqsədilə müxtəlif istiqamətlər üzrə svetoforlara “yaşıl dalğa” rejimi tətbiq ediləcək.
***

09:51

Yeni tədris ili ərəfəsində məktəb ətrafında təhlükəsizlik tədbirləri gücləndirilir.

Bu barədə Baş Dövlət Yol Polisi İdarəsi və Azərbaycan Yerüstü Nəqliyyat Agentliyi (AYNA) birgə məlumat yayıb.

Bildirilib ki, yeni tədris ilinin başlanmasına sayılı günlər qaldıqca paytaxtın küçə və prospektlərində, xüsusilə təhsil müəssisələrinin yerləşdiyi ərazilərdə yol hərəkətinin təhlükəsizliyinin təmin olunması istiqamətində tədbirlər davam etdirilir.

Tədris ilinin başlaması ilə məktəblərin ətrafında nəqliyyat vasitələrinin və piyadaların hərəkət intensivliyinin əhəmiyyətli dərəcədə artacağı nəzərə alınaraq, DYP və AYNA əməkdaşları tərəfindən təhsil müəssisələrinin ətrafındakı yol şəraitinə nəzarət gücləndirilir.

Məktəblərin yerləşdiyi ərazilərdə yol hərəkətinin təşkili vəziyyəti diqqətlə araşdırılır, mövcud yol nişanları və nişanlanma xətləri nəzərdən keçirilir, aşkar olunan çatışmazlıqların aradan qaldırılması ilə bağlı müvafiq addımlar atılır.

Eyni zamanda, məktəblərin qarşısında piyada keçidlərinin, yol nişanlarının və digər texniki vasitələrin vəziyyətinə xüsusi diqqət yetirilir. Məqsəd şagirdlərin məktəbə gediş-gəlişi zamanı onların təhlükəsizliyinin yüksək səviyyədə təmin edilməsidir.]]>