https://fim.az/ sou - Fakt İnformasiya Mərkəzi true https://fim.az/sou/59963-afra-saraolu-da-saxlanld.html vasif sou Fri, 18 Sep 2026 12:24:53 +0400

Türkiyədə aparılan narkotik istintaqı çərçivəsində məşhur aktrisa Afra Saraçoğlu da saxlanılıb.

“Bununla bağlı Türkiyə KİV məlumat yayıb.

Bildirilib ki, A.Saraçoğlu ilə yanaşı idman jurnalisti Yağız Sabuncuoğlu da saxlanılıb.

Xatırladaq ki, Türkiyədə daha 18 məşhur barəsində saxlanılma qərarı verilib, onlardan 15-i saxlanılıb. Saxlanılanların arasında Aras Bulut İynemli, Sefo, Melis Sezen, Nilperi Şahinkaya, Hande Demir, Hasan Şaş, Melis İşiten, Yeliz Yeşilçimen, Anıl Durmuş, Hazal Filiz Küçükköse, Volkan Akçıray, Zeynep Akçıray, Eda Güzelcik, Sezer Çakır, Sayat Zurnacı var.

Məlumat üçün bildirək ki, Türkiyədə ötən ildən narkotiklə bağlı həyata keçirilən əməliyyat çərçivəsində bir çox məşhur simalar saxlanılıb və daha sonra sərbəst buraxılıb.]]> true https://fim.az/sou/59799-cem-ylmazdan-sonra-gndm-oldu-qulaqdak-bu-xtt-infarkt-xbrisidir-ok.html vasif sou Tue, 08 Sep 2026 13:17:43 +0400

Sosial mediada son günlər “qulaqdakı xətt infarktın xəbərçisidirmi?” sualı müzakirə olunur.

Mütəxəssislər qulaqda yaranan diaqonal xəttin təkbaşına infarkt əlaməti olmadığını, lakin orqanizmdə bəzi göstəricilərin yüksəkliyinə işarə edə biləcəyini bildirirlər.

Qulaqda yaranan xəttin ürək-damar xəstəlikləri ilə əlaqəli olduğu barədə paylaşımlar xüsusilə bəzi insanlarda infarkt zamanı oxşar görüntülərin müşahidə edilməsindən sonra yenidən gündəmə gəlib.

Qulaqdakı xətt nə deməkdir?

Mütəxəssislərin fikrincə, qulaqdakı xətt birbaşa infarkt keçiriləcəyini göstərmir. Lakin bu dəyişiklik orqanizmin verdiyi müəyyən siqnal kimi qiymətləndirilə bilər.

Xüsusilə yüksək xolesterin və lipid səviyyələrinin belə fiziki əlamətlərlə birlikdə müşahidə oluna biləcəyi bildirilir. Göz ətrafında yaranan ağmtıl görünüşlər və bəzi oynaqlarda meydana çıxan dəyişikliklər də orqanizmdə lipid mübadiləsi ilə bağlı problemlərin göstəricisi ola bilər.

“Orqanizmin verdiyi siqnaldır”

Kardioloq Erdal Aktürk qulaqdakı xəttin qəti şəkildə infarkt əlaməti hesab edilə bilməyəcəyini bildirib.

Mütəxəssis bu görüntünün daha çox orqanizmin verdiyi xəbərdarlıq kimi qiymətləndirilməli olduğunu deyib. Onun sözlərinə görə, belə bir əlamət müşahidə edilən şəxslərdə xüsusilə xolesterin və lipid göstəriciləri araşdırılmalıdır.

Qulaqda bu cür dəyişiklik olan şəxslərin ürək-damar sağlamlığı ilə bağlı müayinələri də diqqətdən kənarda qoymaması tövsiyə edilir.

Cem Yılmazdan sonra daha çox müzakirə edildi

Qulaqdakı xətt məsələsi Cem Yılmazın yaşadığı sağlamlıq probleminin ardından sosial mediada daha geniş müzakirə olunmağa başlayıb. Məşhur komediyaçının görüntülərində də oxşar xəttin görünməsi insanların mövzuya marağını artırıb.

Lakin mütəxəssislərə görə, yalnız bu görüntüyə əsaslanaraq insanın infarkt keçirəcəyini söyləmək mümkün deyil. Bunun əvəzinə xolesterin və lipid səviyyələri, qan təzyiqi və ümumi ürək-damar sağlamlığı birlikdə qiymətləndirilməlidir.

İnfarktın əsas risk faktorları hansılardır?

İnfarkt riskini artıran əsas amillər arasında yüksək xolesterin, siqaret istifadəsi və güclü stress yer alır. Bundan əlavə, şəkərli diabet, yüksək qan təzyiqi, ailədə ürək xəstəliyi tarixçəsinin olması və hərəkətsiz həyat tərzi də mühüm risk faktorları hesab edilir.

Mütəxəssislər bildirirlər ki, insanda ürək-damar xəstəlikləri ilə bağlı risk faktorlarının sayı artdıqca infarkt ehtimalı da yüksəlir.

Bu səbəbdən qulaqdakı xətt kimi fiziki dəyişikliklərə yalnız bir xəstəlik əlaməti kimi yanaşmaq düzgün deyil. Lakin xüsusilə yüksək xolesterin, hipertoniya, diabet və ailədə ürək xəstəlikləri olan şəxslərin mütəmadi tibbi müayinələrdən keçməsi vacibdir.]]> true https://fim.az/sou/59809-son-dqiq-ehdiparfumun-videosunu-yayanlar-bu-cza-gzlyir-ok.html vasif sou Tue, 08 Sep 2026 08:03:25 +0400

Sosial şəbəkələrdə, xüsusilə “TikTok” platformasında tanınmış simaların və ictimai şəxslərin şəxsi həyatına dair iddia edilən intim görüntülərin yayılması halları cəmiyyətdə ciddi rezonans doğurur. Geniş auditoriyaya malik “Ehdiparfum” ləqəbi ilə tanınan fenomen Əhdiman Osmanov ətrafında yaranan son müzakirələr bir daha göstərdi ki, saxta profillər və ya şəxsi mənbələrdən qanunsuz əldə edilən materialların gizli və ya açıq şəkildə tirajlanması kütləvi xarakter almaqdadır. Şəxsi həyatın toxunulmazlığı prinsipinin tapdandığı bu cür hallarda qanunvericiliyin sərt tələbləri və tətbiq olunan məsuliyyət mexanizmləri qaçılmazdır.

Virtual məkanda bu cür neqativ halların qarşısının alınması üçün istifadəçilər qanunsuz videolarla qarşılaşdıqda dərhal platformaların idarəetmə panellərinə şikayət göndərməli və həmin məzmunlar bloklanmalıdır. Vətəndaşlar şəxsi hesablarının təhlükəsizliyinə diqqət etməli, ikimərhələli doğrulama mexanizmlərindən istifadə etməlidirlər. Cəmiyyətdə bu cür materialların izlənilməsi və paylaşılması qınanılmalı, vətəndaşlar bunun hüquqi məsuliyyət yaratdığını dərk etməlidirlər.

Məsələ ilə bağlı NOCOMMENT.az-a danışan hüquqşünas Natiq Ələsgərov qeyd edib ki, şəxsi həyatın toxunulmazlığı və intim görüntülərin icazəsiz yayılması qanunla sərt şəkildə tənzimlənir: "Hər bir şəxsin şəxsi və ailə həyatının sirrini saxlamaq hüququ Konstitusiya ilə qorunur. Sosial şəbəkələrdə, o cümlədən 'TikTok' kimi platformalarda saxta profillər vasitəsilə intim videoların yayılması, onların özəl mesajlarda ötürülməsi açıq-aşkar cinayət tərkibi yaradır. Bu əməlləri törədən, paylaşımlara şərait yaradan və ya materialları tirajlayan şəxslər qanun qarşısında tam məsuliyyət daşıyırlar və Cinayət Məcəlləsinin müvafiq maddələri ilə ciddi cəzalarla üzləşə bilərlər".

Onun sözlərinə görə, saxta profillər arxasında gizlənmək heç kimə məsuliyyətdən yayınmaq imkanı vermir: "Kiberqəsdlərin və şəxsi həyata müdaxilələrin qarşısının alınması üçün hüquq-mühafizə orqanları tərəfindən zəruri tədbirlər görülür. Vətəndaşlar başqalarının hüquqlarını pozan bu cür hallara qarşı həssas olmalı, hüquqi nəticələrin ağır olacağını unutmamalıdırlar".

Hüquqşünasın sözlərinə görə, hər bir vətəndaşın Azərbaycan Respublikasının Konstitusiyası ilə qorunan şəxsi və ailə həyatının sirri hüququ var: "Şəxsin razılığı olmadan onun intim xarakterli foto və ya video görüntülərinin çəkilməsi, saxlanılması, həmçinin müxtəlif sosial media platformalarında, o cümlədən özəl mesaj bölmələrində başqalarına ötürülməsi və yayılması birbaşa qanunazidd əməldir. Azərbaycan Respublikasının qanunvericiliyinə əsasən, bu cür əməllər yalnız mülki hüquqi məsuliyyət deyil, eyni zamanda Cinayət Məcəlləsinin müvafiq maddələri ilə tənzimlənən ağır hüquqpozmalara daxildir. Şəxsi həyatın sirrinin yayılması, xüsusilə də intim məlumatların və ya videoların qanunsuz olaraq nümayiş etdirilməsi qadağan olub və bu hərəkətləri törədən şəxslər məsuliyyətə cəlb edilirlər. Sosial şəbəkələrdə saxta profillər açaraq və ya mövcud səhifələr vasitəsilə bu cür videoları yayan, başqalarına göndərən və ya tirajlanmasına zəmin yaradan şəxsləri ciddi hüquqi təqiblər gözləyir. Şəxsi həyatın sirrinin pozulması və qanunsuz materialların yayılması cinayət tərkibi yaradır, bu əməlləri törədənlər cərimə, azadlığın məhdudlaşdırılması və ya azadlıqdan məhrumetmə cəzaları ilə üzləşə bilərlər. Məsuliyyətdən yayınmaq üçün saxta profillərdən istifadə edilsə də, hüquq-mühafizə orqanlarının apardığı araşdırmalar nəticəsində həmin səhifələrin arxasında duran şəxslər müəyyən edilir. Hüquqları pozulan şəxslərin məhkəmə qaydasında mənəvi və maddi zərərin ödənilməsi ilə bağlı iddia qaldırmaq hüququ tam təmin olunur".]]> true https://fim.az/sou/59797-nikosaya-buna-gr-qol-transplantasiyas-etdirmyib.html vasif sou Tue, 08 Sep 2026 05:46:10 +0400

“Nikosayağı” kimi tanınan bloger Nicat Şakirli qol transplantasiyası etdirməməsinin səbəbini açıqlayıb.

O, bu barədə sosial şəbəkədə paylaşım edib.

“Bu videonu bəzi bədən üzvlərini itirmiş qazi qardaşlarım üçün çəkirəm. Son vaxtlar mənə çoxsaylı mesajlar gəlir. Bildirilir ki, xaricdə iki qolunu itirmiş bir gəncə əməliyyat zamanı iki qol transplantasiya edilib. Bununla bağlı Türkiyəyə getdim və araşdırma apardım.

Dünyanın heç bir yerində bir qolun transplantasiyası həyata keçirilmir, yalnız iki qolun köçürülməsi mümkündür. Türkiyədə belə əməliyyatlar yalnız öz vətəndaşlarına tətbiq olunur və ölkədə bu prosedur dövlət tərəfindən ödənişsiz həyata keçirilir. Həmçinin hər bir ölkə öz vətəndaşlarına orqan köçürməsi edə bilər.

Transplantasiya həyata keçirildikdən sonra insan ömürboyu hormonal bir dərmanlardan istifadə etməlidir. Bu dərmanlar immun sisteminin fəaliyyətini zəiflədir. Çünki transplantasiya olunmuş orqanı orqanizm yad toxuma kimi qəbul edə və onu rədd edə bilər. Bu səbəbdən immun sisteminin reaksiyasının qarşısını almaq üçün tətbiq olunur.

Belə dərmanlardan istifadə edən insanların immun sistemi zəiflədiyindən infeksiyalara qarşı daha həssas olurlar. Barmaq kəsilsə, əlin biləkdən amputasiyasına gətirib çıxara bilər. Sağlam insan qrip olanda 5 gün evdə isti çay içib, özünə qulluq edib düzələ bilirsə, bu hormonal dərmanı qəbul edənlər qrip olsalar belə, xəstəxanada uzunmüddətli müalicə olunmalıdır.

Qısa şəkildə demək istəyirəm ki, bədənə hər hansı bir üzvün transplantasiya edilməsi qətiyyən məsləhətli bir şey deyil.

Allah hər birimizi var eləsin. Allah qazilərimizə və bütün xəstələrimizə şəfa versin” deyə, Nicat bildirib.

Qeyd edək ki, 2023-cü ilin avqustunda N.Şakirli idarə etdiyi “Porsche” markalı avtomobillə yük maşınına çırpılıb. Qəza nəticəsində avtomobildə olan blogerin dostu Ruslan Məmmədov vəfat edib. N.Şakirli isə ağır xəsarət alıb, onun sağ qolu dirsəkdən amputasiya olunub. (Axşam.az)]]> true https://fim.az/sou/59760-survivorda-ayan-itirmidi-acundan-100-milyon-dollar-tlb-etdi.html vasif sou Sat, 05 Sep 2026 05:49:06 +0400

“Survivor Yunanıstan” yarışmasının iştirakçısı Stavros Floros Dominikan Respublikasında qayıq qəzası nəticəsində sol ayağını itirdikdən sonra Acun Ilıcalı və onun şirkəti “AcunMedya”, eləcə də, yayımçı SKAI TV-yə qarşı 100 milyon dollardan çox təzminat iddiası qaldırıb.

“Survivor Yunanıstan”ın 13-cü mövsümündə iştirak edən 22 yaşlı Florosun sözlərinə görə, qəza Dominikan Respublikasının Bayahibe bölgəsi yaxınlığında açıq dənizdə balıq ovu zamanı qeydə alınıb.

O, tur qayığının pərvanəsinə ilişərək ağır xəsarət alıb və sol ayağını itirib.

Floros qaldırdığı iddiada proqramın prodüserlərini kobud səhlənkarlıqda ittiham edib.

İştirakçı yarışma formatının açıq dənizdə balıq ovunu tələb etdiyini, lakin turistlərin çox olduğu sularda lazımi təhlükəsizlik tədbirləri görülmədən dənizə göndərildiyini iddia edib.

Onun iddiasına görə, hadisə zamanı ərazidə təhlükəsizlik qayıqları, müşahidə məntəqələri, qorunan sahələr və xəbərdarlıq nişanları olmayıb. Floros həmçinin həmin sularda daha əvvəl də qəzaların baş verdiyini və ölüm hadisəsinin qeydə alındığını bildirib.

May ayında baş verdiyi bildirilən qəza zamanı Florosun sol ayağı qayığın pərvanəsinin zərbəsi nəticəsində kəsilib. Onun sözlərinə görə, əza sudan çıxarılmayıb.

Floros qanaxmanın qarşısının alınmasına qayıqdakı başqa bir sərnişinin tətbiq etdiyi turniket sayəsində nail olunduğunu bildirib. Daha sonra o, təcili tibbi yardım üçün Mayamidəki xəstəxanaya aparılıb.

İki ay xəstəxanada müalicə alan Floros sol ayağının amputasiyası ilə yanaşı, ağır xəsarət alan sağ ayağının bərpası üçün də çoxsaylı əməliyyatlar keçirib.

İddiada tələb olunan 100 milyon dollardan artıq təzminatın fiziki ağrı, psixoloji travma və həyat keyfiyyətinin itirilməsi də daxil olmaqla müxtəlif zərərləri əhatə etdiyi bildirilir.

İddiada adı çəkilən “AcunMedya” qəzanın çəkiliş zamanı, yarış iştirakçısının nizə ilə balıq tutduğu vaxt baş verdiyini, lakin hadisənin yarış prosesindən kənarda olduğunu bildirib.

Şirkət yaralı iştirakçıya dərhal tibbi yardım göstərildiyini və onun təhlükəsiz şəkildə xəstəxanaya çatdırıldığını açıqlayıb. Liman rəhbərliyinin isə qəzanın bütün hallarını müəyyənləşdirmək üçün araşdırma apardığı qeyd olunub.

Hadisədən sonra “Survivor Yunanıstan”ın yayımını dayandıran SKAI TV istehsal prosesinin tamamilə “AcunMedya”nın nəzarəti və məsuliyyəti altında olduğunu bildirib. Kanal Florosun sağlamlıq vəziyyətini yaxından izlədiyini, onun müalicəsi və reabilitasiyası üçün bütün mümkün dəstəyi göstərəcəyini açıqlayıb.]]> true https://fim.az/sou/59527-nura-toylardak-qapal-evrni-ifa-etdi-hr-ks-z-faizini-alr.html vasif sou Mon, 24 Aug 2026 09:06:33 +0400

“Sovet dövründə hamının eyni cür yaşaması təşviq edilirdi. Kiminsə digərlərindən artıq nəyisə olan kimi “donos” yazılır, malı-mülkü müsadirə edilirdi. Geyimlər bir-birindən çox fərqlənmirdi, ərzaq mağazalarında eyni məhsullar satılır, çeşid az olurdu. SSSRİ-nin dağılmasından 35 il vaxt keçib, amma bizdə insanlar hələ də bu mentalitetdən çıxa bilməyiblər. Sanki heç kim seçilmək, fərqli olmaq, fərdiyyətini göstərmək istəmir. Xüsusilə də toylarda".

Bunu müğənni Nura Suri bildirib.

O qeyd edib ki, hansısa vəzifəli şəxsin övladının toyunda filankəs oxuyub, filankəs təşkilatçı və ya fotoqraf olubsa, hamı mütləq həmin adamları dəvət etməyə çalışır:

“Hər gün eyni tipli toylar, eyni musiqiçilər, eyni müğənnilər, eyni repertuar, eyni videoqraf, eyni fotoqraf, eyni təşkilatçı, eyni şadlıq sarayı…

Hansısa vəzifəli şəxsin övladının toyunda filankəs oxuyub, filankəs təşkilatçı və ya fotoqraf olubsa, hamı mütləq həmin adamları dəvət etməyə çalışır. Guya bunu etməsələr, geri qalacaqlar.

Bu sistem təşkilatçıya da sərf edir. Çünki həmişə eyni adamlarla işləyəndə müğənnidən tutmuş tort bişirənə qədər hər kəsdən öz dolyasını - faizini alıb cibinə qoyur. Bir-birini yemləyən qapalı çevrə yaranır. Şadlıq sarayları da eyni sistemlə işləyir: toyun özündən qazandıqları bəs etmir, təşkilatçı ilə də faiz bölüşürlər. İnhisar tam gücü ilə işləyir.

Yaxşı, bəs toy sahibinin öz ağlına, zövqünə və seçiminə nə olub?

Toy sahibi təşkilatçıya deyir ki, filan müğənnini və ya fotoqrafı istəyirəm. Təşkilatçı isə dərhal başlayır: “Onları neynirsiniz? Filankəsləri çağıraq”. Çünki toy sahibinin zövqü yox, təşkilatçının qazancı əsasdır”.

İfaçı qeyd edib ki, başqalarını təkrarlamaq sizi bənzəmək istədiyiniz insanlarla eyni pilləyə qaldırmır:

“Gündə iki-üç tədbirə gedib ən azı 20–30 min qazanan müğənninin nə qədər vergi ödədiyini bilmirəm, amma təşkilatçıya yaxşı faiz verdiyi bəllidir. Ayda bir-iki toya gedib qəpik-quruş qazanan müğənnilər isə vergilərini vaxtında ödəyirlər.

Nə isə, uzun-uzadı yazıb sizi yormayım. Onsuz da hamının bildiyini, amma deməyə cəsarət etmədiyini deyəndə sonda pis adam yenə mən oluram.

Başqalarını təkrarlamaq sizi bənzəmək istədiyiniz insanlarla eyni pilləyə qaldırmır. “Filankəs etdi, mən də edim” prinsipi ilə yaşamaq isə çox maraqsızdır”./yenisabah/]]> true https://fim.az/sou/59508-bu-xstlik-onu-da-apard.html vasif sou Mon, 24 Aug 2026 05:16:03 +0400

Xalq artisti Faiq Ağayev kədərli itki ilə üzləşib.
aia.az xəbər verir ki, müğənninin 15 il ərzində evində çalışan köməkçisi vəfat edib. F.Ağayev bu barədə sosial şəbəkə hesabında yazıb.

O, mərhumun uzun müddət ağır xəstəliklə mübarizə apardığını bildirib:

“15 il evimdə canla-başla çalışmış, bütün məişət məsələlərimi vicdanla, doğmalıqla həll edən köməkçim bu gün torpağa tapşırıldı… Uzun sürən ağır həyat mücadiləsindən sonra apardı onu bu zəhrimar xəstəlik…

Rahat uyu, o dünyadakı yerin-yurdun gözəl olsun, Elçin! Allah rəhmət eləsin!”.(axsam.az)]]> true https://fim.az/sou/59202-onu-grmk-n-avtomobilin-qarsn-ksdilr-video.html vasif sou Thu, 06 Aug 2026 10:26:44 +0400

Artıq bir neçə gündür film çəklişlərinə görə Bakıda olan Hollivudun məşhur aktyoru Ceki Çan ötən gün şəhəri gəzib.

“aia.az” xəbər verir ki, xüsusi mühafizənin müşayiətində avtomobillə İçərişəhərdə gəzən aktyor pərəstişkarlarını salamlayıb.

Ceki Çanı yaxından görmək istəyən, əsasən gənclər və uşaqlardan ibarət olan pərəstişkarları avtomobilin qarşısını kəsərək onu yaxından görməyə çalışıb və xatirə fotoları çəkiblər.

Xatırladaq ki, Ceki Çan avqustun 4-də “Armour of God IV: Ultimatum” (“Tanrının zirehi: Ultimatum”) adlı filmin 4-cü hissəsinin çəkilişlərinə görə Azərbaycana gəlib.

Aktyor premyerası 2027-ci ilə planlaşdırılan filmdə məşhur “Asian hawk” (“Asiya qartalı”) obrazını canlandıracaq. Kadrlarda İçərişəhər, Dağüstü park, Bakı funikulyoru, Yaşıl teatr və Fəvvarələr meydanı görünəcək.Qafqazinfo


]]> true https://fim.az/sou/59177-burak-zivit-qurulu-osmanla-vidalad-hr-blm-4-milyon-istyirmi.html vasif sou Wed, 05 Aug 2026 09:57:03 +0400

“Quruluş Osman” serialının ulduzu Burak Özçivit aylardır davam edən iddialara ilk dəfə münasibət bildirib. Məşhur aktyorun paylaşdığı vida mesajı onun layihədən ayrıldığını faktiki olaraq təsdiqləyib.

Son günlər Türkiyə mediasında Burak Özçivitin yeni mövsüm üçün hər bölümə 4 milyon lirə qonorar tələb etdiyi, bu səbəbdən də prodüser şirkəti ilə razılığa gələ bilmədiyi barədə xəbərlər yayılmışdı. İddialara görə, tərəflər arasında yaranan maliyyə anlaşılmazlığı nəticəsində aktyor altı mövsümdür baş rolunu canlandırdığı “Quruluş Osman” serialı ilə yollarını ayırıb.

Mövzu ətrafında uzun müddət susqunluğunu qoruyan Burak Özçivit nəhayət sosial şəbəkə hesabında paylaşım edərək diqqətçəkən açıqlama verib.
Aktyor yazıb:

“Vidalaşmaq böyük bir fəzilətdir. Altı illik sevginin və zəhmətin üzərində süni rəy formalaşdırmağa çalışanlara baxmayaraq, tamaşaçılarımıza təşəkkür edərək vidalaşmaq istəyirəm. Yeni hekayələrdə görüşmək ümidi ilə.”

Bu paylaşım Türkiyə şou-biznesində geniş rezonans doğurub. Bir çox media orqanı bunu Burak Özçivitin “Quruluş Osman”la yollarını rəsmən ayırmasının təsdiqi kimi qiymətləndirib.
Hazırda serialın istehsalçıları Burak Özçivitin yerinə kimin çəkiləcəyi barədə rəsmi açıqlama verməyiblər. Bununla belə, Türkiyə mətbuatında yeni baş rol ifaçısı ilə bağlı müxtəlif iddialar səsləndirilir.

Burak Özçivit 2019-cu ildən etibarən “Quruluş Osman” serialında Osman Bəy obrazını canlandırırdı və bu rol onun karyerasının ən uğurlu layihələrindən biri hesab olunur. Altı mövsüm davam edən əməkdaşlığın bu şəkildə başa çatması Türkiyə televiziya sənayesində ilin ən çox müzakirə olunan hadisələrindən biri kimi qiymətləndirilir.]]> true https://fim.az/sou/59151-ceki-an-bakda-film-kililrin-balayr.html vasif sou Tue, 04 Aug 2026 09:21:27 +0400

Əfsanəvi aktyor Ceki Çan Bakıdadır və burada "Tanrının zirehi 4: Ultimatum" beynəlxalq macəra filminin bəzi səhnələrinin çəkilişləri başlayır.
Qazaxıstanın Bakıdakı səfirliyi xəbər verir ki, aktyor Azərbaycanın paytaxtında təxminən on gün keçirəcək.

Filmin əsas çəkiliş meydançası Qazaxıstandır. Manqistau və Almatı vilayətlərində, eləcə də Almatıda çəkilişlər baş tutub. Qazaxıstan tərəfinin təklifi ilə çəkilişlər üçün ikinci ölkə olaraq Azərbaycan seçilib. Filmin istehsalı ilə Qazaxıstanın "Salem Entertainment" kinokompaniyası məşğul olur. Layihənin prodüseri şirkətin qurucusu Rüstəm Omarov, rejissoru isə namizədliyini şəxsən Ceki Çanın təsdiqlədiyi qazaxıstanlı quruluşçu və kaskadyor Robert Kundur. Bakıdakı çəkilişlərə Qazaxıstanın Azərbaycandakı səfirliyi dəstək göstərir.

Bakıdakı çəkilişlər üçün şəhərin ən çox tanınan görməli yerlərindən bəziləri seçilib. Kadrlarda İçərişəhər, Dağüstü park, Bakı funikulyoru, Yaşıl teatr və Fəvvarələr meydanı görünəcək.

Filmin premyerası 2027-ci ilə planlaşdırılıb.]]>