https://fim.az/ az https://fim.az/medeniyyet/59875-bu-yollarda-yal-dala-rejimi-ttbiq-edilir.html https://fim.az/medeniyyet/59875-bu-yollarda-yal-dala-rejimi-ttbiq-edilir.html 59875 Tue, 15 Sep 2026 05:21:15 +0400 native-yes

Yeni tədris ilinin başlanması ilə əlaqədar paytaxt yollarında nəqliyyatın intensivliyini artırmaq məqsədilə səhər saatlarından başlayaraq paytaxtın 7 prospektində və 11 küçəsində “Yaşıl dalğa” rejimi tətbiq edilir.

“Bu barədə Daxili İşlər Nazirliyi Nəqliyyatı İntellektual İdarəetmə Mərkəzi məlumat yayıb.

Bildirilib ki, NİİM və yol polisi əməkdaşları ilə birgə süni sıxlığın yaranmasına səbəb olan hallar müşahidə edildikdə, dərhal zəruri tədbirlər görülür.

“Yaşıl dalğa” rejiminin tətbiq edildiyi küçə və prospektlər bunlardır:

1. Rəşid Behbudov küçəsi;

2. Mikayıl Müşfiq küçəsi;

3. 28 May küçəsi;

4. Bülbül prospekti;

5. Yusif Səfərov küçəsi;

6. Məhəmməd Füzuli küçəsi;

7. Akademik Həsən Əliyev küçəsi;

8. Əhməd bəy Ağaoğlu küçəsi;

9. Şah İsmayıl Xətai prospekti;

10. Fətəli xan Xoyski prospekti;

11. Atatürk prospekti;

12. Üzeyir Hacıbəyli küçəsi;

13. Azadlıq prospekti;

14. Əbduləzəl Dəmirçizadə küçəsi;

15. Əsəd Əhmədov küçəsi;

16. Abbas Mirzə Şərifzadə küçəsi;

17. Qara Qarayev prospekti;

18. 8 Noyabr prospekti.]]> https://fim.az/medeniyyet/59822-mehriban-liyevadan-xalq-artistinin-vfat-il-bal-paylaim.html https://fim.az/medeniyyet/59822-mehriban-liyevadan-xalq-artistinin-vfat-il-bal-paylaim.html 59822 Wed, 09 Sep 2026 06:03:37 +0400 native-yes

Azərbaycanın Birinci vitse-prezidenti, Heydər Əliyev Fondunun prezidenti Mehriban Əliyeva xalq artisti Aleksandr Şarovski vəfatı ilə bağlı paylaşım edib.
Bunun bağlı Birinci vitse-prezident bunun bağlı öz "X" sosial media hesabında paylaşıb.

]]> https://fim.az/medeniyyet/59821-azrbaycann-mhur-xalq-artisti-vfat-etdi.html https://fim.az/medeniyyet/59821-azrbaycann-mhur-xalq-artisti-vfat-etdi.html 59821 Wed, 09 Sep 2026 05:59:03 +0400 native-yes

Azərbaycanın Xalq artisti Aleksandr Şarovski vəfat edib.
Bunu rejissor Mehriban Ələkbərzadə bildirib.

A.Şarovski 78 yaşında dünyasını dəyişib.]]> https://fim.az/medeniyyet/59777-25-min-manata-yaxn-pul-yb-yol-kdirdilr-gn-sonra-dald-sakinlrdn-ikayt-video.html https://fim.az/medeniyyet/59777-25-min-manata-yaxn-pul-yb-yol-kdirdilr-gn-sonra-dald-sakinlrdn-ikayt-video.html 59777 Mon, 07 Sep 2026 05:54:38 +0400 native-yes

25 min manata yaxın pul verib yol çəkdirdilər, amma üç gündən sonra yol çökdü.

"Xəzər" TV xəbər verir ki, Lerik rayonun Zövnə kənd sakinləri yaşadıqları kəndin yolunu öz şəxsi hesablarına düzəltmək məqsədi ilə 24 700 manat vəsait toplayıblar və paytaxda fəaliyyət göstərən özəl şirkətlərdən biri ilə danışıb razılığa gəliblər.

Sakinlərin sevinci isə çox çəkməyib. Belə ki, şirkət nümayəndləri kəndə gəlib yolun təmirinə başlayıblar. Lakin görülən işdən bir necə gün sonra yol dağılıb.

Kənd sakinləri bildirirlər ki, işə başlamamışdan əvvəl iş görən şəxs Elşad Qarayev onlara yollarının uzunömürlü olacağını və yolda yarana biləcək problemləri özləri qarşılayacağını bildirsə də, sonra işlərdən boyun qaçırıb.

Məsələdə adı hallanan Elşad Qarayev ittihamları qəbul etməyib.

]]> https://fim.az/medeniyyet/59654-teatr-skd-yerind-22-mrtbli-gydln-tikdi-polad-blblolu-il-bal-yeni-iddialar.html https://fim.az/medeniyyet/59654-teatr-skd-yerind-22-mrtbli-gydln-tikdi-polad-blblolu-il-bal-yeni-iddialar.html 59654 Mon, 31 Aug 2026 13:17:15 +0400 native-yes

Tanınmış jurnalist, Rəşid Behbudov Fondunun direktoru və “Space” TV-nin sabiq icraçı direktoru Kamil Şahverdi Xalq artisti, tanınmış bəstəkar və müğənni, ictimai-siyasi xadim Polad Bülbüloğlu ilə bağlı bir sıra iddialar irəli sürüb.


Kamil Şahverdi Polad Bülbüloğlunun mədəniyyət naziri olduğu dövrlə bağlı indiyədək ictimaiyyətə açıqlamadığı məlumatları paylaşıb.

Jurnalist iddia edir ki, Polad Bülbüloğlunun 1988-2006-cı illərdə mədəniyyət naziri olduğu dövrdə milli mədəniyyətə ciddi zərər vurulub. K. Şahverdi xüsusilə Bakı Xoreoqrafiya Məktəbinin teatr binasının sökülməsi və ərazisinin satılması ilə bağlı iddialar səsləndirib:

“1988-ci ildə Əbdürrəhman Vəzirov tərəfindən mədəniyyət naziri təyin edilən Polad Bülbüloğlu 18 il bu postda çalışdı. Onun milli mədəniyyətimizə vurduğu zərbələri sadalamaq üçün cildlərlə kitab yazmaq olar. 1980-ci illərə qədər Bakı Xoreoqrafiya Məktəbi Nizami Kino Mərkəzinin yanında, AzərTAc binasının arxasında yerləşirdi. Məktəb Əzim Əzimzadə adına Rəssamlıq Məktəbi ilə eyni binada fəaliyyət göstərirdi. Bina çox köhnə və darısqal olduğundan, sənətə və sənətkarlara yüksək qiymət verən, onların qayğılarına diqqətlə yanaşan, yaradıcılıqlarını izləyən və hər vasitə ilə dəstək olan Heydər Əliyev Bakı Xoreoqrafiya Məktəbi üçün yeni binanın tikilməsi barədə göstəriş verdi.

Binanın layihələndirilməsinə ən yaxşı mütəxəssislər cəlb olundu. Bu, adi məktəb binası deyildi. Bütün infrastrukturu ilə bəlkə də dünyanın nadir xoreoqrafiya mərkəzlərindən biri idi.
1985-ci ildə Bakı Xoreoqrafiya Məktəbi yeni, müasir və həsəd aparılacaq binaya köçdü. Keçmiş SSRİ-nin digər respublikalarında məhz xoreoqrafiya sənəti üçün nəzərdə tutulmuş belə bir binaya malik məktəb yox idi. Heydər Əliyev Bakı Xoreoqrafiya Məktəbini nəinki ölkəmizdə, bütün regionda xoreoqrafiya mərkəzinə çevirmək istəyirdi.
Məktəbdə balet sənətinin tədrisi üçün bütün şərait yaradılmışdı. Məktəbin arxasında hətta teatr binası da inşa edilmişdi. Bu teatr şagirdlərin inkişafı, kiçik yaşlarından səhnəyə alışmaları baxımından olduqca vacib idi. 1988-ci ildən 2006-cı ilə qədər mədəniyyət naziri olan Polad Bülbüloğlunun milli mədəni irsə münasibətinin Bakı Xoreoqrafiya Məktəbinin teatr binasından da yan keçmədiyini iddia edirəm.


1990-cı illərdə ölkədəki gərgin ictimai-siyasi vəziyyətdən şəxsi məqsədləri üçün istifadə edən Polad Bülbüloğlu Bakı Xoreoqrafiya Məktəbinin teatr binasını da varlanmaq hərisliyinə qurban verdi”.

Kamil Şahverdi qeyd edib ki, teatr binasını və onun yerləşdiyi ərazini satmaq üçün Xoreoqrafiya Məktəbinin direktorunun müvafiq sənədləri imzalaması tələb olunurdu. Onun sözlərinə görə, həmin dövrdə məktəbin direktoru olan Rimma Məmmədova belə bir sənədə imza atmaqdan imtina etdiyi üçün vəzifəsindən azad edilib: “O, 1978-ci ildən 1996-cı ilə qədər direktor vəzifəsində çalışmışdı. Rimma Məmmədovanın yerinə Gülnarə Hüseynova direktor təyin olundu. İki il sonra, 1998-ci ildə Gülnarə Hüseynova da bu məsələyə razılıq vermədiyinə görə işdən çıxarıldı. Onun yerinə Kamal Həsənov təyin edildi. İki il sonra, 2000-ci ildə Kamal Həsənov da eyni səbəbdən vəzifəsindən azad olundu. Şəhərin mərkəzində yerləşən çoxmilyonluq ərazini səssiz-küysüz satmaq üçün Bakı Şəhər İcra Hakimiyyətinin başçısı Hacıbala Abutalıbov çətin vəziyyətdə olan Polad Bülbüloğlunun imdadına çatdı”.


Jurnalist iddia edir ki, Hacıbala Abutalıbovun məsləhəti ilə Bakı Xoreoqrafiya Məktəbinə Bakı Şəhər İcra Hakimiyyətində çalışan Nilufər Kərimova direktor təyin olunub: “O bunu belə əsaslandırdı ki, Nilufər Kərimova ‘özümüzünküdür’ və belə işlərdə bişmiş adamdır, kənara da məlumat sızmaz. Beləliklə, xoreoqrafiyaya heç bir aidiyyəti olmayan Nilufər Kərimova məktəbə direktor təyin olundu. 2003-cü ilin dekabrında Heydər Əliyev dünyasını dəyişdikdən sonra mədəniyyət naziri vaxt itirmədən çoxdan düşündüyü planı reallaşdırmağa başladı.


2004-cü ildə Bakı Xoreoqrafiya Məktəbinin teatrının yerləşdiyi ərazi, bina ilə birlikdə “Standart” şirkətlər qrupunun sahibi Heydər Babayevə satıldı. Heydər Babayev teatr binasını sökərək onun yerində 22 mərtəbəli göydələn tikdi.


Məktəbin yaşlı müəllimləri bu mənzərəni göz yaşları içində seyr etmişdilər. Hətta tikinti zamanı Xoreoqrafiya Məktəbinin binasına da ziyan dəymiş, divarlarda çatlar əmələ gəlmişdi. Nilufər Kərimova 2014-cü ilə qədər direktor vəzifəsində çalışdı. Deyilənə görə, teatr binasının ərazi ilə birlikdə satılmasında göstərdiyi xidmətlərə görə ona həmin binadan iki mənzil hədiyyə edilib.


2006-cı ildə mədəniyyət naziri təyin olunan Əbülfəs Qarayev teatrın yerində tikilmiş binanın əvəzinə Xoreoqrafiya Məktəbinin istilik sistemi ilə təmin edilməsi barədə “Standart” şirkətlər qrupu ilə müqavilə imzaladı.


Onu da qeyd edim ki, Polad Bülbüloğlu ilə ailə həyatı qurduğu deyilən Eteri Leonidovna Cəfərova teatrın yerində tikilən binada yaşayır. Deyilənə görə, bu mənzili ona Polad Bülbüloğlu hədiyyə edib”.


Qeyd edək ki, səsləndirilən fikirlər Kamil Şahverdinin iddialarıdır. Musavat.com qarşı tərəfin mövqeyini dərc etməyə hazırdır.musavat.com]]> https://fim.az/medeniyyet/59577-gizlin-ss-yazanlar-bu-madd-il-czalandrla-bilr-aqlama.html https://fim.az/medeniyyet/59577-gizlin-ss-yazanlar-bu-madd-il-czalandrla-bilr-aqlama.html 59577 Thu, 27 Aug 2026 09:00:34 +0400 native-yes

Sosial şəbəkələrdə insanların xəbəri və razılığı olmadan səs yazılarının qeydə alınaraq paylaşılması hallarına rast gəlinir. Bəzən bu cür paylaşımlar şəxsi mübahisələrin ictimailəşdirilməsi, bəzən isə hansısa hadisə ilə bağlı məlumatın yayılması məqsədi daşıyır.

Vətəndaşın səsini icazəsiz yazmaq və paylaşmaq qanunidirmi?

Demokrat.az-a bu barədə açıqlama verən hüquqşünas Babək Umudov bildirib ki, vətəndaşın səsinin onun xəbəri və razılığı olmadan gizli şəkildə yazılması, xüsusilə də həmin səs yazısının sosial şəbəkələrdə və ya mediada paylaşılması hüquqi məsuliyyət yarada bilər:

“Azərbaycan Respublikası Konstitusiyasının 32-ci maddəsinə əsasən, hər kəsin şəxsi həyatının toxunulmazlığı hüququ vardır. Başqa şəxsin şəxsi həyatı barədə məlumatların, o cümlədən səs yazısının onun razılığı olmadan toplanması, saxlanması, istifadəsi və yayılması yolverilməzdir. Bəzi hallarda isə istisnalar mövcuddur. Məsələn, səs yazısının hüquq-mühafizə orqanları tərəfindən məhkəmə qərarı əsasında və ya əməliyyat-axtarış fəaliyyəti çərçivəsində aparılması mümkündür.

Həmçinin şəxsin ictimai yerdə açıq çıxışı zamanı səsləndirdiyi məlumatların qeydə alınması fərqli hüquqi qiymətləndirilə bilər. İcazəsiz səs yazılması və yayılması əməlin xarakterindən və nəticələrindən asılı olaraq cinayət və ya mülki məsuliyyət yarada bilər. Cinayət Məcəlləsinin 156-cı maddəsində şəxsi həyatın toxunulmazlığının pozulmasına görə məsuliyyət nəzərdə tutulur. Əgər səs yazısı şəxsi və ya ailə həyatının sirrini təşkil edən məlumatları əhatə edirsə, əməli törədən şəxs qanunvericiliyə uyğun olaraq cərimə, ictimai işlər, islah işləri və digər cəza növləri ilə üzləşə bilər. Ağırlaşdırıcı hallarda daha ciddi cəza tədbirləri də tətbiq oluna bilər”.

Hüquqşünas əlavə edib ki, bundan başqa, zərərçəkən şəxs mülki qaydada məhkəməyə müraciət edə bilər:

“O, səs yazısının internet resurslarından silinməsini, zəruri hallarda təkzib verilməsini, həmçinin şərəf, ləyaqət və işgüzar nüfuzuna vurulmuş maddi və mənəvi zərərin kompensasiya edilməsini tələb edə bilər. Səs yazısının icazəsiz yayıldığını müəyyən edən şəxs ilk növbədə sübutları toplamalıdır. Bunun üçün paylaşımın edildiyi səhifənin, kanalın və ya profilin linki saxlanmalı, ekran görüntüləri və mümkün olduqda ekran videosu qeydə alınmalıdır. Sübutların notariat qaydasında təsdiqlənməsi də onların sonradan hüquqi prosesdə istifadəsini asanlaşdıra bilər. Daha sonra paylaşımın yerləşdirildiyi sosial şəbəkəyə müraciət edilərək məxfilik hüququnun pozulması əsas gətirilməklə həmin materialın silinməsi tələb oluna bilər. Eyni zamanda, hüquq-mühafizə orqanlarına müraciət etmək mümkündür. Əməldə cinayət tərkibinin olması ehtimal edilirsə, polis orqanlarına, o cümlədən Daxili İşlər Nazirliyinin aidiyyəti qurumlarına və prokurorluğa müraciət edilə bilər. Şəxs həmçinin mənəvi və maddi zərərin ödənilməsi, eləcə də səs yazısının məcburi qaydada silinməsi tələbi ilə məhkəməyə müraciət edə bilər”.]]> https://fim.az/medeniyyet/59591-polad-blbloludan-boand-deyiln-xanm-dand-onun-trafinda-hmi-qadinlar-olub.html https://fim.az/medeniyyet/59591-polad-blbloludan-boand-deyiln-xanm-dand-onun-trafinda-hmi-qadinlar-olub.html 59591 Thu, 27 Aug 2026 07:34:08 +0400 native-yes

“Bu mövzuda heç kəsə cavab vermək, söhbəti uzatmaq istəmirəm. Sadəcə deyirəm ki, biz o yaşda deyilik. 81 yaşlı insan özünə toy etməz”.

Bunu Gununsesi.info-ya açıqlamasında Xalq artisti Polad Bülbüloğludan boşandığı deyilən həyat yoldaşı Gülnarə Şıxəliyeva deyib.

O, həyat yoldaşından ayrılması barədə suala cavabında bunları deyib:

“Səhhətimdə yüngül problemlər olduğu üçün bu aralar mən cəmiyyət içinə çıxa bilmirəm. Hətta bu yaxınlarda övladımın konserti oldu, onda belə iştirak edə bilmədim.

Mən, ümumiyyətlə, heç bir mediaya baxmıram. Biz uşaq deyilik, Polad müəllim də uşaq deyil. Əgər etsə də, gizli edər. 40 ildir mən onu tanıyıram, elə həmişə ətrafında qadınlar olub. Mən sakit və mehriban qadınam, heç vaxt xırda məsələlərə görə ailədə söz-söhbət, qısqanclıq yaratmamışam. Mənim üçün əsas övladlarımı gözəl şəkildə böyüdüb ərsəyə gətirməkdir. Başqa şeylər maraqsızdır. Ona görə də bu mövzuda da heç kəsə cavab vermək, söhbəti uzatmaq istəmirəm”.]]> https://fim.az/medeniyyet/59555-bu-gn-mehriban-liyevann-doum-gndr.html https://fim.az/medeniyyet/59555-bu-gn-mehriban-liyevann-doum-gndr.html 59555 Wed, 26 Aug 2026 09:00:37 +0400 native-yes

Bu gün Azərbaycanın Birinci vitse-prezidenti, ölkənin birinci xanımı Mehriban Əliyevanın doğum günüdür.
Əliyeva Mehriban Arif qızı 1964-cü il avqustun 26-da Bakı şəhərində ziyalı ailəsində anadan olub.

1981-ci ildə Bakı şəhəri 23 №-li orta məktəbi qızıl medalla bitirərək, N.Nərimanov adına Azərbaycan Dövlət Tibb İnstitutunun müalicə-profilaktika fakültəsinə daxil olub. 1988-ci ildə İ.M.Seçenov adına Birinci Moskva Dövlət Tibb İnstitutunu fərqlənmə diplomu ilə bitirib.

1988-1990-cı illərdə İ.M.Seçenov adına Birinci Moskva Dövlət Tibb İnstitutunda "Göz xəstəlikləri" ixtisası üzrə kliniki ordinatura keçib. 1990-1995-ci illər ərzində Moskvada akademik Krasnovun rəhbərliyi altında Göz Xəstəlikləri Elmi-tədqiqat İnstitutunda işləyib.

1995-ci ildə Mehriban Əliyevanın təşəbbüsü ilə hazırda onun rəhbərlik etdiyi Azərbaycan Mədəniyyət Fondu təsis olunub. 1996-cı ildə Mehriban Əliyeva Azərbaycan mədəniyyətinin geniş təbliğ olunması məqsədilə üç dildə (Azərbaycan, ingilis və rus) çap olunan "Azərbaycan - İrs" jurnalını təsis edib.

2002-ci ilin oktyabrın 7-də Azərbaycan Gimnastika Federasiyasının (AGF) prezidenti seçilib. Həmin ildə AGF-nin fəaliyyətinə 4 gimnastika növünün inkişafı daxil idisə, bu gün ölkəmizdə artıq 9 gimnastika növü inkişaf etdirilməkdədir. Gimnastlarımız Olimpiya Oyunlarında iştirak edib, Dünya və Avropa Çempionatlarının mükafatçıları olublar. 2014-cü ildən etibarən isə dünyada nadir idman tikililərindən hesab olunan Milli Gimnastika Arenası gimnastlarımızın məşq etməsi və yarışların keçirilməsi üçün istifadəyə verilib.

Mehriban Əliyeva Azərbaycan xalqının Ümummilli Liderinin zəngin irsinin öyrənilməsi və həmçinin Heydər Əliyevin yaratdığı milli dövlətçilik ideyalarını yeni nəsillərə daim aşılamaq məqsədi ilə yaradılan Heydər Əliyev Fonduna rəhbərlik edir.

2004-cü il avqustun 13-də Azərbaycanın şifahi xalq ədəbiyyatının və musiqi irsinin qorunub saxlanılması və inkişaf etdirilməsi sahəsindəki yorulmaz səylərinə görə Mehriban Əliyeva UNESCO-nun Xoşməramlı səfiri adına layiq görülüb. 2022-ci il noyabrın 15-də isə Xoşməramlı səfir kimi fəaliyyətinə xitam verilməsi üçün UNESCO-nun Baş direktoruna məktub ünvanlayıb.

2004-cü il dekabrın 28-də Mehriban Əliyeva Azərbaycan Respublikası Milli Olimpiya Komitəsinin IV Baş Məclisində MOK-un İcraiyyə Komitəsinə üzv seçilib.

2005-ci ilin martında Mehriban Əliyeva "2004-cü ilin ictimai xadimi" nominasiyası üzrə "Caspian Energy İntegration Award-2005" beynəlxalq mükafatına layiq görülüb.

2005-ci ildə Azərbaycanda keçirilən sosioloji sorğuya əsasən, Mehriban Əliyeva "İlin qadını" adına layiq görülüb.

2005-ci il iyunun 9-da ictimai, mesenatlıq və xeyriyyəçilik fəaliyyətinə görə, təhsil və mədəniyyət müəssisələrinin dəstəklənməsinə, Rusiya və Azərbaycan xalqları arasında dostluğun möhkəmlənməsinə sanballı töhfələrinə görə Rusiyanın "Yüzilliyin mesenatları" Beynəlxalq Xeyriyyə Fondunun "Yaqut Xaç" ordeninə layiq görülüb.

2005-ci ildə "Evtanaziya və təbabətdə humanizm problemi" mövzusunda dissertasiya işi müdafiə edib və fəlsəfə elmləri namizədi alimlik dərəcəsi alıb.

2005-ci il noyabrın 6-da Milli Məclisə keçirilən seçkilərdə namizədliyi Yeni Azərbaycan Partiyası tərəfindən 14 saylı Əzizbəyov (indiki Xəzər) ikinci seçki dairəsindən irəli sürülmüş Mehriban Əliyeva 92.12% (23106 səs) səs toplayaraq deputat seçilib.

Milli Qəhrəman Çingiz Mustafayev Fondu və ANS Şirkətlər Qrupu ölkəmizin təhsil sisteminin inkişafında xidmətlərinə, milli mədəni irsimizin qorunub saxlanılmasına və dünyada təbliğinə, xarici ölkələrdə xalqımızın müsbət imicinin möhkəmlənməsi üçün gördüyü işlərə, bədii gimnastika üzrə 27-ci dünya çempionatının respublikamızda yüksək səviyyədə hazırlanıb keçirilməsinə, genişmiqyaslı xeyriyyəçilik fəaliyyətinə görə Mehriban Əliyevanı "2005-ci ilin adamı" elan edib.

Mehriban Əliyeva mədəni-mənəvi dəyərlərin qorunub saxlanmasına verdiyi töhfələrə görə 2006-cı ilin martında BMT-nin Ümumdünya Əqli Mülkiyyət Təşkilatının (WIPO) qızıl medalına layiq görülüb.

Sivilizasiyalararası dialoq daxil olmaqla, müxtəlif sahələrdə genişmiqyaslı və fədakar fəaliyyətinə, qayğıya ehtiyacı olan uşaqlara diqqətinə, onların yaşayış şəraitinin yaxşılaşmasına, təhsilə, həmçinin islam aləmində görülən işlərə böyük dəstəyinə görə Mehriban Əliyeva 2006-cı il noyabrın 23-də ISESCO-nun Xoşməramlı səfiri adına layiq görülüb.

Dünya Səhiyyə Təşkilatı (WHO) İcraiyyə Komitəsinin 2007-ci il yanvarın 29-da Cenevrədə keçirilən 120-ci sessiyasının yekdil qərarı ilə Mehriban Əliyeva ana, uşaq və ailə sağlamlığının qorunması və möhkəmlənməsi işində müstəsna xidmətlərinə görə bu beynəlxalq təşkilatın mükafatına layiq görülüb.

Genişmiqyaslı xeyriyyəçilik fəaliyyətinə, bəşəriyyətin ali ideallarına xidmət sahəsində yüksək nailiyyətlərinə görə 2007-ci ilin mayında Mehriban Əliyeva "Qızıl ürək" beynəlxalq mükafatına layiq görülüb.

Azərbaycan Respublikasının Prezidentinin 2009-cu il 5 may tarixli sərəncamı ilə Mehriban Əliyeva Azərbaycan Respublikasının ictimai-siyasi və mədəni həyatında səmərəli fəaliyyətinə görə Heydər Əliyev Mükafatı ilə təltif edilib.

2009-cu il sentyabrın 14-də Azərbaycan ilə Polşa arasında dostluq münasibətlərinin inkişafındakı xidmətlərinə görə Mehriban Əliyeva Polşa Respublikasının "Xidmətlərə görə" Böyük Komandor Xaçı ordeni ilə təltif edilib.

2010-cu il fevralın 15-də Mehriban Əliyeva Fransaya münasibətdə göstərdiyi xidmətlərinə və nümayiş etdirdiyi sadiqliyinə görə Fransa Respublikası Prezidentinin Sərəncamı ilə "Şərəf Legionu" ordeninin zabit dərəcəsi ilə təltif edilib.

2010-cu il iyulun 30-da Mehriban Əliyevaya UNESCO-nun "Qızıl Motsart" medalı təqdim edilib.

2010-cu il noyabrın 7-də Milli Məclisə keçirilən seçkilərdə namizədliyi Yeni Azərbaycan Partiyası tərəfindən 14 saylı Xəzər ikinci seçki dairəsindən irəli sürülmüş Mehriban Əliyeva 94,49% (31797 səs) səs toplayaraq deputat seçilib.

2011-ci il iyunun 24-də Mehriban Əliyevaya Krans Montana Forumunun Qızıl medalı, 2012-ci il iyunun 29-da isə "Prix de la Fondation" mükafatı təqdim edilib.

2012-ci il fevralın 13-də Mehriban Əliyeva Rusiya Federasiyasının İ.M.Seçenov adına Birinci Moskva Dövlət Tibb Universitetinin Fəxri professoru adına layiq görülüb.

2012-ci il aprelin 13-də Mehriban Əliyevaya MDB iştirakçısı olan dövlətlərin Humanitar Əməkdaşlıq Şurası (HCC) və MDB iştirakçısı olan ölkələrin Dövlətlərarası Humanitar Əməkdaşlıq Fondu (IHCF) tərəfindən "Birlik Ulduzları" dövlətlərarası mükafatı təqdim edilib.

2012-ci ildə Mehriban Əliyeva "mərhəmətinə, xeyirxahlığına, xalqların rifahı naminə yorulmaz fəaliyyətinə və kazaklara göstərdiyi köməyə görə" Azərbaycan Kazaklar İttifaqı tərəfindən ali "Kazak şöhrəti" ("Kazatskaya slava") mükafatına layiq görülüb.

2012-ci il dekabrın 8-də Avropa Olimpiya Komitəsi Baş Assambleyası 2015-ci ildə I Avropa Oyunlarının Bakıda keçirilməsi haqqında qərar qəbul edib. Birinci Avropa Oyunlarını yüksək səviyyədə keçirmək məqsədi ilə 2013-cü il yanvarın 17-də Təşkilat Komitəsi yaradılıb və onun sədri Mehriban Əliyeva təyin olunub.

2013-cü ilin yanvarında Pakistanın nüfuzlu "Daily Times" qəzeti və Qadın Könüllülər Təşkilatı Mehriban Əliyevanı "Humanizm simvolu – 2012-ci ilin adamı" elan edib.

2013-cü il iyunun 7-də Yeni Azərbaycan Partiyasının sədr müavini vəzifəsinə seçilib.

2013-cü il dekabrın 27-də Mehriban Əliyeva Pakistanın "Şəhid Bənazir Bhutto Qadın Mükəmməlliyi Mükafatı - 2013" mükafatına layiq görülüb.

Fransanın Ərəb Mədəni İrsi Mərkəzi və Misirin "Nefertiti Media Productions" şirkətinin 2013-cü il martın 8-dən 2014-cü il yanvarın 10-dək birgə keçirdiyi sorğunun nəticəsinə görə, Mehriban Əliyeva 2014-cü ilin ən nüfuzlu qadını adına layiq görülüb.

2014-cü ilin mayında Mehriban Əliyeva sivilizasiyalararası dialoqa verdiyi töhfələrə, həmçinin Almaniyada türk dünyasının tanıdılmasına, Azərbaycan-Almaniya əlaqələrinin inkişafındakı xidmətlərinə görə Türk-Alman Dostluq Federasiyasının fəxri mükafatına layiq görülüb.

Azərbaycanın ictimai, sosial və mədəni həyatında fəal iştirakına, cəmiyyətin dinamik inkişafına verdiyi mühüm töhfələrə, Azərbaycan mədəniyyətinin dünyada təbliği sahəsində əvəzsiz xidmətlərinə, həmçinin ümumdünya mədəni irsinin qorunub saxlanması işinə hərtərəfli dəstəyinə, sosial ədalət və humanizm prinsiplərinə sadiqliyinə görə "The Business Year" jurnalı tərəfindən 2014-cü ilin mayında "İlin Birinci Xanımı" mükafatına layiq görülüb.

2014-cü ilin iyununda Olimpiya dəyərlərinin təbliğindəki xidmətlərinə görə Beynəlxalq Olimpiya Akademiyasının "Olympic Excellence" xüsusi fəxri mükafatı ilə təltif olunub.

2014-cü ilin avqustunda "Həştərxan vilayəti qarşısında xidmətlərinə görə" ordeni ilə və İslam mədəni irsinin dünyada geniş təbliği, Azərbaycanda və ölkə hüdudları xaricində nəcib xeyriyyə fəaliyyəti, təhsilə, tibbə verdiyi böyük töhfələrə görə Küveyt Dövlətinin Fəxri diplomu ilə təltif olunub.

2015-ci il fevralın 11-də Pakistan İslam Respublikasının "Hilal-e Pakistan" ali ordeni ilə təltif olunub.

2015-ci il martın 26-da Mehriban Əliyeva Serbiya qarşısında ictimai, mədəni və humanitar sahələrdə xüsusi xidmətlərinə görə Serbiya Respublikasının yüksək dövlət mükafatı – "Sreten" ordeni ilə təltif edilib.

Azərbaycan Respublikasının Prezidenti İlham Əliyevin 2015-ci il 29 iyun tarixli sərəncamı ilə Mehriban Əliyeva Azərbaycan Respublikasında mədəniyyətin, təhsilin, səhiyyənin və idmanın inkişafında səmərəli fəaliyyətinə, Azərbaycan xalqının mədəni irsinin beynəlxalq miqyasda geniş təbliğinə və birinci Avropa Oyunlarının təşkilində böyük xidmətlərinə görə "Heydər Əliyev" ordeni ilə təltif edilib.

2015-ci il noyabrın 1-də Milli Məclisə keçirilən seçkilərdə namizədliyi Yeni Azərbaycan Partiyası tərəfindən 14 saylı Xəzər seçki dairəsindən irəli sürülmüş Mehriban Əliyeva 96,7% (38 029 səs) səs toplayaraq deputat seçilib.

Milli Qəhrəman Çingiz Mustafayev Fondu və ANS Şirkətlər Qrupu "Bakı-2015" birinci Avropa Oyunlarının yüksək səviyyədə təşkili və keçirilməsində oynadığı müstəsna rola, Azərbaycanın müsbət imicinin dünyada tanıdılması istiqamətində göstərdiyi genişmiqyaslı fəaliyyətə, Azərbaycan və dünya mədəniyyətinin qarşılıqlı inteqrasiyası üçün gördüyü işlərə, ölkədə multikulturalizm mühitinin formalaşdırılmasındakı töhfələrə və ardıcıl xeyriyyəçilik fəaliyyətinə görə Mehriban Əliyevanı "2015-ci ilin adamı" elan edib.

2016-cı il yanvarın 21-də Avropada idmanın inkişafında göstərdiyi xüsusi xidmətlərə görə Avropa Olimpiya Komitələrinin İcraiyyə Komitəsinin qərarı ilə Avropa Olimpiya Komitələrinin ən yüksək mükafatı olan Ali Orden Mehriban Əliyevaya təqdim edilib.

2016-cı il martın 6-da Mehriban Əliyeva "Macarıstanın Xidmətlərə görə Komandor Xaçı" ordeni ilə təltif edilib.

2016-cı ildə Bakıda keçirilən Dünya Azərbaycanlılarının IV Qurultayında Dünya Azərbaycanlılarını Əlaqələndirmə Şurasının üzvü seçilib.

2016-cı il sentyabrın 22-də Bolqarıstanın Veliko Tırnovo şəhərinin mədəni irsinin qorunmasındakı xidmətlərinə görə Mehriban Əliyevaya şəhərin fəxri vətəndaşı diplomu və döş nişanı təqdim edilib.

2016-cı il sentyabrın 22-də Bolqarıstanın mədəni irsinin qorunmasına və təşviqinə böyük töhfəsinə, bu işdə fəal iştirakına görə Mehriban Əliyeva Müqəddəs Kiril və Mefodiy adına Veliko Tırnovo Universitetinin fəxri doktoru diplomu ilə təltif olunub.

2017-ci il fevralın 21-də Prezident İlham Əliyevin sərəncamı ilə Mehriban Əliyeva Azərbaycanın Birinci vitse-prezidenti təyin edilib.

Bu təyinatla əlaqədar 6 mart 2017-ci il tarixində V çağırış Azərbaycan Respublikası Milli Məclisinin deputatı Mehriban Əliyevanın deputat səlahiyyətlərinə xitam verilib.

2017-ci il iyunun 2-də Azərbaycan Memarlar İttifaqının fəxri üzvü seçilib. Azərbaycan memarlıq irsinin qorunub saxlanılmasında fəaliyyətinə və bu sahəyə verdiyi töhfələrə görə Mehriban Əliyeva "Akademik Mikayıl Hüseynov" xatirə medalı ilə də təltif olunub.

2017-ci il dekabrın 26-da Rus Pravoslav Kilsəsinə göstərdiyi köməyə və Həştərxan şəhərinin abadlaşdırılmasına qayğısına görə Mehriban Əliyevaya II dərəcəli Müqəddəs Mələksima Knyaginya Olqa ordeni təqdim edilib.

2018-ci il martın 15-də qlobal layihələrin, təhsilin, elmin və mədəniyyətin inkişafına verdiyi töhfələrə görə Nizami Gəncəvi Beynəlxalq Mərkəzinin qızıl medalı Mehriban Əliyevaya təqdim edilib.

2018-ci il iyulun 18-də İtaliya Respublikasının "Xidmətlərə görə" Böyük Xaç Kavaleri ordeni Mehriban Əliyevaya təqdim edilib.

2018-ci il sentyabrın 22-də Mehriban Əliyevaya idman aləmində və "Ədalətli oyunlar"ın təbliğində nümunəvi nailiyyətlərinə görə Beynəlxalq Ədalətli Oyunlar Komitəsinin "Xüsusi xidmətlərə görə" medalı təqdim olunub.

2019-cu il yanvarın 18-də Mehriban Əliyeva dahi bəstəkar, müasir Azərbaycan musiqi sənətinin banisi Üzeyir Hacıbəylinin zəngin irsinin qorunub saxlanılması və gələcək nəsillərə çatdırılmasına verdiyi əvəzsiz töhfələrə görə Azərbaycan Bəstəkarlar İttifaqının təsis etdiyi "Üzeyir Hacıbəyli" fəxri medalı ilə təltif edilib.

2019-cu il avqustun 13-də Mehriban Əliyeva Rusiya Federasiyasının Prezidenti Vladimir Putinin Fərmanı ilə Azərbaycan-Rusiya münasibətlərinin inkişaf etdirilməsi və möhkəmləndirilməsindəki xidmətlərinə görə Rusiyanın "Dostluq" ordeni ilə təltif olunub.

2020-ci il fevralın 22-də mədəniyyətin, o cümlədən Müqəddəs Taxt-Tac təsisatları ilə qarşılıqlı əlaqələrin inkişafına verdiyi töhfələrə görə Mehriban Əliyevaya Papa Cəngavər Ordeninin ən ali dərəcəsi - IX Piy Ordeninin Böyük Xaçı təqdim edilib.

2021-ci il martın 5-də Yeni Azərbaycan Partiyasının sədri İlham Əliyevin Sərəncamı ilə partiya sədrinin birinci müavini təyin edilib.

Mehriban Əliyeva 1983-cü ildə İlham Əliyevlə ailə həyatı qurub.

]]> https://fim.az/gundem/59570-azrbaycann-btn-qzlar-adndan-danmaq-slahiyytini-siz-kim-verib-video.html https://fim.az/gundem/59570-azrbaycann-btn-qzlar-adndan-danmaq-slahiyytini-siz-kim-verib-video.html 59570 Wed, 26 Aug 2026 07:49:02 +0400 native-yes

Patrul.az xəbər verir ki, bir çox vətəndaş tərəfindən redaksiyamıza göndərilən videogörüntüdə “Instagram” sosial şəbəkəsində “jale.alesgerova” adı ilə qeydiyyatdan keçmiş profildə Hajar Heydariyə məxsus videogörüntünün paylaşıldığı görünür.

Görüntülərdə Hajar Heydari məclislərin birində yanında əyləşən bir bəy haqqında sağlıq deyərkən “Azərbaycandakı bütün qızların şotunu bağlayan” ifadəsini işlədir.

Buradan sözümüz Hajar Heydariyədir:

Azərbaycanın bütün qızları adından danışmaq səlahiyyətini sizə kim verib?

Yanınızda əyləşən şəxsi tərifləmək, onun haqqında xoş sözlər söyləmək sizin haqqınızdır. Amma bir şəxsi tərifləmək üçün bütöv bir ölkənin qızlarını eyni düşüncənin, eyni həyat tərzinin və eyni münasibətin sahibi kimi təqdim etmək nə dərəcədə doğrudur?

Təriflədiyiniz bəy yalnız sizin və sizin timsalınızda sizin düşüncədə olan qızların “şotunu” bağlaya bilər. Bunu bütün Azərbaycan qızlarına şamil etmək isə qəbuledilməzdir.

Azərbaycanda öz zəhməti ilə çalışan, təhsil alan, ailəsinə dəstək olan, öz hesabını özü ödəyən, heç kimdən maddi gözləntisi olmayan minlərlə qadın və qız var. Onların hamısını bir cümlənin içərisinə salaraq ümumiləşdirmək düzgün deyil.

Bir insanın şəxsi düşüncəsi, həyat tərzi və çevrəsi bütün Azərbaycan qadınlarının düşüncəsi kimi təqdim edilə bilməz.

Sosial şəbəkələrdə böyük auditoriyaya xitab edən şəxslər işlətdikləri ifadələrə xüsusilə diqqət etməlidirlər. Çünki deyilən söz artıq yalnız həmin məclisdə qalmır, minlərlə insan tərəfindən izlənilir və müzakirə olunur.

Bir söz deyəndə o sözü hamıya şamil etmək olmaz. Öz adından danışmaq olar, öz çevrənin adından danışmaq olar, amma bütün Azərbaycan qızlarının adından danışmaq olmaz.

İctimaiyyət qarşısında söz deyərkən sözün məsuliyyətini də daşımaq lazımdır.

]]> https://fim.az/medeniyyet/59565-alyona-liyeva-mehriban-liyevan-tbrik-etdi.html https://fim.az/medeniyyet/59565-alyona-liyeva-mehriban-liyevan-tbrik-etdi.html 59565 Wed, 26 Aug 2026 06:36:34 +0400 native-yes

Azərbaycan Prezidenti İlham Əliyevin gəlini Alyona Əliyeva Birinci vitse-prezident Mehriban Əliyevanın ad günü ilə bağlı “Instagram” hesabında paylaşım edib.

Paylaşımda deyilir:

“Hörmətli Mehriban xanım, ad gününüz mübarək! Sizə möhkəm cansağlığı, sonsuz xoşbəxtlik və dövlətimizin inkişafı naminə fəaliyyətinizdə daim uğurlar arzulayırıq!”]]>