https://fim.az/ az https://fim.az/iqtisadiyyat/59902-azrbaycan-nefti-il-bal-sevindirici-xbr.html https://fim.az/iqtisadiyyat/59902-azrbaycan-nefti-il-bal-sevindirici-xbr.html 59902 Wed, 16 Sep 2026 06:05:11 +0000 native-yes

Dünya bazarında “Azeri Light” (CIF) markalı neft bahalaşıb.
Azərbaycan neftinin 1 barelə olan qiyməti 0,74 ABŞ dolları və ya 0,58% artaraq 128,03 ABŞ dolları təşkil edib.

Qeyd edək ki, Azərbaycanın builki dövlət büdcəsində bir barel neftin orta qiyməti 65 dollardan götürülüb.]]> https://fim.az/iqtisadiyyat/59897-neft-ehtiyatlar-gzlnilmdn-artd-qiymtlr-endi.html https://fim.az/iqtisadiyyat/59897-neft-ehtiyatlar-gzlnilmdn-artd-qiymtlr-endi.html 59897 Wed, 16 Sep 2026 05:44:58 +0000 native-yes

Neftin qiyməti ABŞ-də xam neft ehtiyatlarının gözlənilməz artması fonunda ucuzlaşıb.

“İnvestorlar Səudiyyə Ərəbistanının Qırmızı dənizə çıxan “Şərq-Qərb” boru kəmərinə hücumdan sonra Yanbu limanında neft yükləmələrini dayandırmasının qlobal tədarükə mümkün təsirlərini qiymətləndirirlər.

“Brent” markalı xam neftin fyuçersləri 0,86% ucuzlaşaraq bir barel üçün 107,82 dollara, ABŞ-nin “West Texas Intermediate” (WTI) markalı neftinin fyuçersləri isə 0,92% azalaraq 104,86 dollara düşüb.

Çərşənbə axşamı hər iki neft markası 3 dollardan çox bahalaşaraq mayın 19-dan bəri ən yüksək səviyyədə qərarlaşıb. Buna Səudiyyə Ərəbistanının Yanbu limanında yükləmələri dayandırması və Avropaya neft tədarükünü azaltması ilə bağlı narahatlıqlar səbəb olub.

Bazar mənbələrinin Amerika Neft İnstitutunun (API) məlumatlarına istinadən verdiyi xəbərə görə, sentyabrın 11-də başa çatan həftədə ABŞ-də xam neft ehtiyatları 7,1 milyon barel artıb. Halbuki analitiklər ehtiyatların təxminən 1,6 milyon barel azalacağını gözləyirdilər.

Eyni dövrdə ABŞ-də benzin və distillat ehtiyatlarının da artdığı bildirilib. “Haitong Futures” analitikləri qeyd ediblər ki, ehtiyatlardakı gözlənilməz artım neft qiymətlərinə təzyiq göstərsə də, ayrı-ayrı regionlarda ehtiyatların artması qlobal xam neft bazarındakı təklif məhdudluğunu aradan qaldırmır.]]> https://fim.az/iqtisadiyyat/59872-xzrin-dibindn-azrbaycana-oradan-avropaya-irvan-da-qoulur.html https://fim.az/iqtisadiyyat/59872-xzrin-dibindn-azrbaycana-oradan-avropaya-irvan-da-qoulur.html 59872 Tue, 15 Sep 2026 16:00:10 +0000 native-yes

Mərkəzi Asiyadan Avropaya uzanacaq yeni elektrik enerjisi marşrutunda Azərbaycan əsas keçid nöqtələrindən birinə çevrilir.

Ermənistanın da Azərbaycan-Türkiyə enerji sisteminə qoşulması nəzərdə tutulur. Bunu reavnşist erməni politoloq açıqlamasında bildirib.

Onun sözlərinə görə, layihəyə artıq Türkmənistan qoşulub, Özbəkistan və Qazaxıstan da burada iştirak edir. Qarşıya qoyulan məqsəd Mərkəzi Asiyada istehsal olunan elektrik enerjisini Xəzər dənizinin dibi ilə çəkiləcək kabel vasitəsilə Azərbaycana, daha sonra Ermənistan və Türkiyə üzərindən Avropaya çatdırmaqdır.

Balasanyanın fikrincə, Avropanın regionda sülhün bərqərar olunmasına və Azərbaycan-Ermənistan münasibətlərinin normallaşdırılmasına bu qədər böyük əhəmiyyət verməsinin səbəblərindən biri də məhz sözügedən enerji layihəsidir.

Politoloq prosesə tənqidi yanaşaraq bunun alternativ deyil, bir enerji mənbəyinin digəri ilə əvəzlənməsi olduğunu bildirib:

“Biz Rusiya qazını Avropanın vədlərinə və Azərbaycan elektrik enerjisinə dəyişirik. Əgər Gürcüstan razı olsaydı, Azərbaycan qazını yenidən Rusiya qazı ilə dəyişməyə başlamazdı”.]]> https://fim.az/iqtisadiyyat/59869-danmaz-mlak-bazarnda-yeni-vziyyt-kiray-bahalar-sat-qiymtlri-is.html https://fim.az/iqtisadiyyat/59869-danmaz-mlak-bazarnda-yeni-vziyyt-kiray-bahalar-sat-qiymtlri-is.html 59869 Tue, 15 Sep 2026 14:00:14 +0000 native-yes

Azərbaycan Qiymətləndiricilər Palatasının (AQP) 2026-cı ilin avqust ayı üzrə hesabladığı daşınmaz əmlak indekslərinə görə, bazarda ayrı-ayrı seqmentlərdə fərqli dinamika formalaşıb.

Belə ki, avqustda mənzil satışında əsasən sabitlik və zəif korreksiya, kirayə bazarında seçici artım, torpaq və fərdi yaşayış evləri seqmentlərində qiymətlərin nisbətən sabit qalması, kommersiya daşınmaz əmlakında isə əvvəlki aylardakı enişdən sonra balanslaşma meyli müşahidə olunub.

AQP-nin qiymətləndirməsinə əsasən, avqust göstəriciləri daşınmaz əmlak bazarında vahid yüksəliş və ya eniş trendinin olmadığını göstərir. Seqmentlər üzrə qiymət davranışı fərqlənir və bazarda qiymətlərin formalaşmasında lokasiya, sahə, sənədləşmə, təmir vəziyyəti və likvidlik kimi amillərin rolu artır. Tikinti xərclərinin artması yeni tikililərdə qiymətlərin aşağı istiqamətdə dəyişmə imkanını müəyyən qədər məhdudlaşdırır. Bu səbəbdən yaxın dövrdə yeni tikili mənzillərdə kəskin ucuzlaşmadan daha çox qiymətlərin sabitləşməsi və ayrı-ayrı layihələr üzrə fərqli dinamikanın formalaşması ehtimalı yüksəkdir.

AQP-nin qənaətinə görə, 2026-cı ilin payız aylarında daşınmaz əmlak bazarında əsas göstəricilərdən biri qiymət dəyişməsindən daha çox likvidlik olacaq. Bazar şərtlərinə uyğun qiymət müəyyən edən satıcıların obyektlərini daha qısa müddətdə reallaşdırması, yüksək qiymət gözləntisi ilə bazara çıxarılan əmlakların isə daha uzun müddət satışda qalması gözlənilir.

Daşınmaz əmlak və qiymətləndirmə üzrə ekspert Ramil Osmanlı Musavat.com-a bildirib ki, tələbə axını ilə əlaqədar olaraq tələbat artıb: “Ucuz mənzillər üzrə təkliflər aşağıdır. Bu isə qiymət artımını şərtləndirən amilə çevrilib. Son iki həftə ərzində kirayə mənzil bazarında 10 faizdən artıq qiymət artımı müşahidə edirik. Artım dinamikası davam edir. Ümumiyyətlə, bu, son bir neçə ildə davam edən bir sıra hüquqi, konseptual proqramların nəticəsi kimi də qiymətləndirilə bilər. Şəhərsalma prosesi sürətləndikcə, köhnə yaşayış fondları sıradan çıxdıqca onun yerində yeni və bahalı mənzil fondu yaranır. Bir tərəfdən də ucuz mənzillər üzrə təkliflər portfeli məhdudlaşır. Belə olan şəraitdə göstəricilərdə qiymət artımı müşahidə olunur. Qiymət artımı qısamüddətli dövrü əhatə edir. Hesab edirəm ki, kirayə mənzil bazarında aktiv qiymət artımı oktyabrın əvvəllərində başa çatacaq. Amma bu o demək deyil ki, artım dinamikası aşağı düşəcək”.

Ekspert qeyd edib ki, satış qiymətlərində ciddi artım müşahidə olunmur: “2026-cı il mənzil bazarında passiv dövr kimi xarakterizə olunur. Passivlik fonunda azalma müşahidə olunmalı idi. Sadəcə bazardakı ümumi tendensiya daha çox yeni tikililərdən formalaşdığı üçün mənzil inhisarçıları qiymət azalmasının qarşısını alır. Nəticədə biz mənzil bazarında stabil dövr müşahidə edirik. İpotekaya yararlı olan istiqamətlərdə nisbi qiymət artımı müşahidə olunur, amma bunu ümumi mənzil bazarı üzrə qiymət artımı kimi xarakterizə oluna bilməz”.]]> https://fim.az/iqtisadiyyat/59829-strateji-valyuta-ehtiyatlarmz-91-milyard-dollara-atr.html https://fim.az/iqtisadiyyat/59829-strateji-valyuta-ehtiyatlarmz-91-milyard-dollara-atr.html 59829 Wed, 09 Sep 2026 07:44:38 +0000 native-yes

Azərbaycanın strateji valyuta ehtiyatları 2026-cı il sentyabrın 1-nə 90 milyard 769,7 milyon ABŞ dolları təşkil edib.

Bu barədə Dövlət Statistika Komitəsi (DSK) məlumat yayıb.

Bildirilib ki, strateji valyuta ehtiyatları ötən ilin müvafiq dövrü ilə müqayisədə 15,7% artıb.

2025-ci ilin yanvar-iyul ayına nisbətdə isə 12,2 % artım qeydə alınıb.]]> https://fim.az/iqtisadiyyat/59795-azrbaycan-neftinin-qiymti-107-dollar-td.html https://fim.az/iqtisadiyyat/59795-azrbaycan-neftinin-qiymti-107-dollar-td.html 59795 Tue, 08 Sep 2026 05:36:34 +0000 native-yes

Dünya bazarında Azərbaycan neftinin qiyməti 107 dolları ötüb.

“ “Azeri Light” markalı Azərbaycan neftinin bir barelinin qiyməti 3,11 ABŞ dolları və ya 2,98% artaraq 107,31 ABŞ dollarına yüksəlib.
Qeyd edək ki, neftimiz bundan əvvəl 104,20 ABŞ dollarına ticarət edilib.

Xatırladaq ki, “Azeri Light”ın ən aşağı qiyməti 2020-ci il aprelin 21-də 15,81 ABŞ dolları, maksimal qiyməti isə 2008-ci ilin iyulunda 149,66 ABŞ dolları təşkil edib.

Builki dövlət büdcəsində “Azeri Light”ın 1 barelinin orta qiyməti 65 ABŞ dollarından hesablanıb.]]> https://fim.az/iqtisadiyyat/59784-fermerlr-byk-dstk-yeni-subsidiya-mbllri-aqland.html https://fim.az/iqtisadiyyat/59784-fermerlr-byk-dstk-yeni-subsidiya-mbllri-aqland.html 59784 Mon, 07 Sep 2026 06:44:51 +0000 native-yes

Aqrar Subsidiya Şurası kənd təsərrüfatında məhsuldarlığın və istehsalın artırılması, müasir suvarma texnologiyalarının tətbiqinin genişləndirilməsi, emal və ixrac yönümlü istehsalın təşviqi, heyvandarlıqda cins tərkibinin yaxşılaşdırılması, eləcə də ölkənin ərzaq təminatının gücləndirilməsi hədəflərinə uyğun olaraq yeni subsidiya mexanizmləri və subsidiya şərtlərində dəyişiklikləri təsdiq edib.
Kənd Təsərrüfatı Nazirliyinə istinadən xəbər verir ki, həmin hədəflər ölkə Prezidentinin 25 may 2026-cı il tarixli sərəncamı ilə təsdiq edilmiş "Kənd təsərrüfatı, balıqçılıq və akvakultura məhsullarının istehsalı və emalı sahələrinin inkişafına dair 2026–2030-cu illər üçün Dövlət Proqramı"nda müəyyən olunub.

Yeni qərarla bitkiçiliklə yanaşı, heyvandarlıq və balıqçılıq sahələrində də bir sıra yeni subsidiyalar tətbiq olunacaq.

Şuranın qərarı ilə taxıl əkinləri üzrə subsidiya məbləğləri suvarma üsulu və istehsalın ixtisaslaşması nəzərə alınmaqla diferensiallaşdırılıb.

Belə ki, Dövlər Proqramına əsasən 22 ixtisaslaşmış rayonda müasir suvarma altında buğda əkininə ənənəvi suvarma və ya dəmyə üsulu ilə aparılan əkinlərdən 2 dəfə artıq, 400 AZN/ha subsidiya ödəniləcək. Ənənəvi suvarma və dəmyə əkini altında olan taxıl sahələri üzrə əkin subsidiyası 200 AZN/ha olaraq müəyyən edilib.

Bundan əlavə müasir suvarma altında olan sahələrdə hər hektara ödənilən əkin subsidiyası kartof və tərəvəzlə yanaşı noxud, lobya və digər paxlalılar üçün 500 manata, bostan bitkiləri üçün isə 310 manata çatdırılıb.

Beləliklə, xüsusilə suya qənaət edən müasir suvarma sistemlərindən istifadə edən fermerlər üçün dövlət dəstəyinin məbləği artırılır.

Dağlıq rayonlarda, habelə Naxçıvan Muxtar Respublikasında aparılan kartof və tərəvəz əkinlərinə ödənilən subsidiya müasir suvarma ilə təmin edilən sahələr üçün hər hektarda 600 manata, digərlər sahələr üçün isə 400 manata çatdırılıb.

Torpaq və su resurslarından daha səmərəli istifadə etmək məqsədilə lazer hamarlama texnologiyasından istifadə edən fermerlərə daha artıq subsidiya tətbiq ediləcək. Bütün suvarılan ərazilərdə bir parseldə azı 5 hektar buğda əkinindən əvvəl sahədə lazer hamarlama tətbiqinin ilk ilində əkin subsidiyası 250 AZN/ha artırılaraq ödəniləcək. Pambıqçılıq rayonlarında azı 5 hektar pambıq əkinindən əvvəl lazer hamarlama tətbiqinin ilk ilində məhsul subsidiyası 50 AZN/ton artırılaraq ödəniləcək.

Lazer hamarlama aparılan sahələr EKTİS-də bəyan ediləcək, sahənin monitorinqində rəqəmsal və süni intellekt həllərindən istifadə olunacaq.

İstixana təsərrüfatlarının modernləşdirilməsi və yüksək texnologiyalı istixanaların yaradılmasının təşviqi məqsədilə istixananın texnoloji səviyyəsinə və örtük materialına uyğun olaraq hər hektar əkinə görə 500 manatdan 5 000 manatadək əkin subsidiyası müəyyən edilib.

Əkin subsidiyası 4-cü nəsil şüşə örtüklü yüksək texnologiyalı istixanalarda 5 000 manat/ha, polikarbonat örtüklü istixanalara 3 000 manat/ha, yüksək keyfiyyətli polietilen örtüklü 4-cü nəsil istixanalara 2 500 manat/ha veriləcək. 3-cü nəsil istixanalarda isə əkin subsidiyası müvafiq olaraq 2 000, 1 500, 1 000 manat/ha, digər polietilen örtüklü istixanalarda isə 500 manat/ha müəyyən edilib.

Şuranın qərarı ilə yüksək əlavə dəyər və ixrac potensialına malik yeni bitkilərin əkininin təşviqi məqsədilə bağçılıq subsidiyalarının əhatə dairəsi genişləndirilib.

Aroniya bağlarının salınmasına görə birdəfəlik 7 500 manat/ha, açıq sahədə efir yağı istehsalı məqsədilə qızılgül əkinlərinə isə 6 000 manat/ha subsidiya veriləcək.

Kiçik (butik) şərabçılığın inkişafı da yeni dövlət dəstəyi istiqamətlərindən biri olacaq. Bu istiqamətdə yerli üzüm sortlarından premium şərab istehsalı, aqroturizmin inkişafı və ixrac yönümlü mikrobrendlərin yaradılması təşviq ediləcək. Təqdim edilən modeldə 5-20 ha olmaqla super-intensiv üzüm bağları üçün 20 000 manat/ha, intensiv üzüm bağları üçün isə 10 000 manat/ha bağçılıq subsidiyası nəzərdə tutulur. 2030-cu ilədək 20 yeni butik şərab evinin yaradılması hədəflənir.

Bağların salınması zamanı fermerlərin subsidiya əldə etməsini asanlaşdırmaq məqsədilə bir sıra mövcud tələblər sadələşdirilib.

Bütün ölkə üzrə bağların salınması zamanı sertifikatlı ting tələbi saxlanılmaqla torpağın elektrik keçiriciliyi – EC və viruslardan azad olma ilə bağlı analiz tələbi aradan qaldırılır. İntensiv texniki və süfrəlik üzüm bağlarına verilən bağçılıq subsidiyası bütün ölkə ərazisinə şamil edilir. İntensiv zeytun bağlarında minimum sahə tələbi 50 hektardan 5 hektara, Naxçıvan MR-də isə bütün bağlar üzrə minimum sahə tələbi 1 hektara endirilir.

Eyni zamanda intensiv püstə bağları üzrə yüksəklik həddi 1000 metrədək artırılır. Qarabağ və Şərqi Zəngəzurda nar üzrə minimum yüksəklik tələbi ləğv edilir, zeytun üzrə maksimal yüksəklik 300 metrədək artırılır, Naxçıvanda isə qoz bağları üzrə minimum yüksəklik tələbi aradan qaldırılır.

Pambıq üzrə məhsul subsidiyası da istifadə olunan suvarma texnologiyasına uyğun diferensiallaşdırılıb. Ənənəvi suvarmada subsidiya 200 manat/ton, sprinkler və pivot suvarmada 215 manat/ton, damcı suvarmada isə 300 manat/ton müəyyən edilib.

Aqrar emal sənayesinin xammal təminatının yaxşılaşdırılması məqsədilə yeni məhsul subsidiyaları tətbiq ediləcək. Emal müəssisəsinə təhvil verilən texniki üzümə 50 manat/ton, zeytuna 30 manat/ton, xurmaya 50 manat/ton və taxta qabıqlı badama 30 manat/ton subsidiya müəyyən edilib.

Efir yağı istehsalı üçün təhvil verilən qızılgül üzrə subsidiya 100 manat/ton, biyan üzrə 10 manat/ton, pivəlik arpa üzrə isə 50 manat/ton təşkil edəcək.

Ərzaqlıq buğda proqramı davam etməklə birlikdə buğda üzrə ixtisaslaşmış 22 rayonda lazer hamarlama tətbiq edilən sahələrdə istehsal edilərək dəyirmanlara təhvil verilən buğdaya görə 40 AZN/ton məhsul subsidiyası ödənilcək. Naxçıvan MR üzrə tədarükçülərə təhvil verilən buğdaya görə 50 AZN/ton məhsul subsidiyası ödəniləcək.

Yerli toxumçuluğun inkişafı məqsədilə super-elit toxum istehsal edən toxumçu fermerlərə əkin subsidiyası yüksək əmsalla ödəniləcək. Yerli super-elit buğda və arpa toxumçularına əkin subsidiyası 470 manat/ha, xarici mənşəli super-elit buğda və arpa toxumçuluğuna isə 300 manat/ha artıq ödəniləcək.

Bununla yanaşı, buğda və arpa üzrə sertifikatlı toxumdan istifadə tələbi 5 hektara endirilib. 2026-2027-ci əkin mövsümündə sertifikatlı toxum istifadə etməyən belə fermerlərin əkin subsidiyası 50 faiz azaldılacaq, 2027-2028-ci əkin mövsümündə isə belə fermerlər üçün subsidiya əmsalı sıfır qəbul ediləcək.

Fermer və aqrar müəssisələrin xarici bazarlara çıxışını asanlaşdırmaq məqsədilə Global G.A.P., FSSC 22000, HACCP, GRASP, BRCGS, FSMA və beynəlxalq orqanik sertifikatların alınması subsidiyalaşdırılacaq.

Sertifikatın növündən asılı olaraq dəstək məbləği 7 000 manatdan 36 000 manatadək, sertifikatların aktiv saxlanılması üçün illik dəstək isə müvafiq məbləğin 10 faizi səviyyəsində müəyyən edilir.

Yeni mexanizmə əsasən müəyyən edilmiş meyarlara cavab verən fermerlər əkin subsidiyasının 30 faizini əvvəlcədən əldə edə biləcəklər. Avans mexanizmi 5-100 hektar əkin sahəsi olan, siyahısı müəyyən edilən yazlıq və payızlıq birillik bitkilər becərən və fermer reytinqi 30-dan yüksək olan təsərrüfatlara şamil ediləcək.

Avans subsidiyası üçün müraciət edən fermerlərin sahələri EKTİS-də bəyan ediləcək, sahənin əkinə hazırlığının monitorinqində rəqəmsal və süni intellekt həllərindən istifadə olunacaq.

Aqrar Subsidiya Şurasının qərarı ilə əkin subsidiyasının alınması üçün sığortalanması tələb olunan bitkilərin siyahısında və onların əkin sahəsinin minimum ölçüsündə dəyişiklik edilib. Belə ki, əsas və təkrar əkin subsidiyasının əldə edilməsi üçün sığortalanmalı olan bitkilərin siyahısına arpa, buğda, çəltik, qarğıdalı ilə yanaşı günəbaxan əlavə edilmiş, əkin sahələrinin minimum ölçüsü isə 7 hektar olaraq müəyyən edilib.

Bağçılıq subsidiyası üçün isə yeni salınmış bağların "Aqrar sığorta haqqında" qanuna müvafiq olaraq azı 3 il müddətinə sığortalanması tələb olunur.

Kənd təsərrüfatı texnikası və texnoloji avadanlıqların alınmasına tətbiq olunan güzəşt mexanizmlərinə də dəyişiklik edilib. Taxıl, pambıqyığan, yemyığan və yempaylayan kombaynlar, lazer hamarlayıcılar, soyuducu anbarlar, taxıl siloları, suvarma hovuzları üçün membranlar və aqrar istehsalda istifadə edilən günəş panelləri üzrə güzəşt tətbiq edilən hissə 50 %-ə qədər artırılır.

Yerli istehsal damcı suvarma sistemlərində güzəşt tətbiq edilən hissə 60 faiz, xarici istehsal sistemlərdə isə 50 faiz olacaq. Kiçik şərabçılıq müəssisələrinin yaradılması üçün avadanlıqlar üzrə güzəşt 60 faiz, istixanalarda istifadə olunan texnoloji avadanlıqlar, habelə yerli istehsal metal konstruksiya və şüşələr üzrə güzəşt 20 faiz həddində müəyyən edilib.

Ölkənin sərhədyanı ərazilərində kənd təsərrüfatı fəaliyyətinin davamlılığının təmin edilməsi üçün əlavə subsidiya mexanizmi tətbiq ediləcək. Siyahısı müəyyən edilmiş sərhədyanı yaşayış məntəqələrində əkinçilik fəaliyyəti ilə məşğul olan fermerlər üçün subsidiya əmsalı respublika üzrə baza əmsalından 0,5 bənd yüksək hesablanacaq.

Akvakultura təsərrüfatlarının istehsal gücünün artırılması və özünütəminetmə səviyyəsinin yaxşılaşdırılması məqsədilə balıq növləri üzrə məhsul subsidiyası tətbiq ediləcək.

Ölkədə istehsal olunan qızılbalıqkimilər və nərəkimilər üzrə məhsul subsidiyası 2000 manat/ton, çəkikimilər və naxakimilər üzrə isə 600 manat/ton təşkil edəcək. Subsidiya EKTİS-də qeydiyyatdan keçmiş təsərrüfatların məhsulu tədarükçülərə rəsmi satış sənədləri ilə təhvil verildiyi halda ödəniləcək.

Naxçıvan Muxtar Respublikasında yerli süfrəlik yumurta istehsalının bərpası məqsədilə qeydiyyatda olan quşçuluq təsərrüfatlarında istehsal edilərək tədarükçülərə satılan hər 1000 ədəd süfrəlik yumurtaya 30 manat məhsul subsidiyası veriləcək.

Ölkədə süd istehsalının artırılması, süd emalı müəssisələrinin yerli xammalla təminatının yaxşılaşdırılması və bu sahədə uçotun təkmilləşdirilməsi məqsədilə süd üzrə yeni məhsul subsidiyası tətbiq ediləcək.

EKTİS-də tədarükçü kimi qeydiyyatdan keçən süd emalı müəssisələrinə və süd toplama məntəqələrinə təhvil verilən soyudulmuş xam südün hər litrinə 7 qəpik, yaxud hər tonuna 70 manat subsidiya veriləcək. Kooperativlər vasitəsilə təhvil verilən süd üzrə subsidiya məbləği əlavə olaraq 20 faiz artırılacaq. Dəstək EKTİS-də bəyan, heyvanların identifikasiyası, sığorta, südün soyudulması və müəyyən edilmiş keyfiyyət tələblərinə əməl olunması şərti ilə tətbiq ediləcək.

Milli at cinslərinin qorunması və sayının artırılması məqsədilə qeydiyyata alınmış "Qarabağ" və "Dilbaz" atlarına illik heyvan subsidiyası tətbiq ediləcək.

2 yaşadək dayçalara 600 manat/baş, 2 yaşdan yuxarı damazlıq dişi atlara 800 manat/baş, damazlıq ayğırlara isə 1000 manat/baş illik subsidiya veriləcək. Heyvanların EKTİS-də qeydiyyatı, elektron çiplənməsi və valideyn mənsubiyyətinin DNT testi ilə təsdiqi subsidiya üçün əsas şərtlərdən olacaq.

1 oktyabr 2026-cı ildən sonra yaradılan intensiv təsərrüfatlarda südlük və südlük-ətlik cins heyvanlara görə 1500 manat/baş, ətlik cinslər üzrə isə 1000 manat/baş heyvan subsidiyası veriləcək.

Mövcud təsərrüfatlarda cins sağmal heyvanlara 500 manat/baş/il, yerli damazlıqdan yetişdirilmiş sağmal heyvanlara 800 manat/baş/il, mələz sağmal heyvanlara isə 200 manat/baş/il heyvan subsidiyası tətbiq olunacaq. Təsərrüfatlarda heyvan subsidiyasından yararlanmaq üçün minimum 50 baş cins və ya minimum 100 baş mələz sağmal heyvan tələbi müəyyən edilib.

İstifadəsində azı 100 ha örüş və ya otlaq sahəsi olan 500 baş və ya daha artıq xırdabuynuzlu heyvan olan təsərrüfatlarda qeydiyyatda olan heyvana görə 4 manat subsidiya veriləcək. Subsidiyanın verilməsində əsas şərt təsərrüfatlara istifadə üçün verilmiş örüş və otlaqlarda münbitliyin və biomüxtəlifliyin artırılmasıdır.

Bu subsidiyaya müraciət edən təsərrüfatların istifadələrinə verilmiş örüş və otlardakı vəziyyət EKTİS-in Torpaqdan istifadə altsistemi və süni intellekt həllərindən istifadə olunmaqla monitorinq ediləcək.

İntensiv kökəltmə təsərrüfatlarının inkişafı və heyvanların daha yüksək çəkidə kəsiminin təşviqi məqsədilə diri çəkisi 600 kiloqram və daha çox olan iribuynuzlu heyvanlara görə hər kq diri çəki üzrə 0,40 manat məhsul subsidiyası veriləcək. Subsidiyanın tətbiqi üçün EKTİS-də bəyan, heyvanın ölkədə doğulması və ya ən azı 6 ay ölkə daxilində kökəldilməsi, identifikasiyası və sığortası, eləcə də qeydiyyatda olan kəsimxanada kəsilməsi tələb olunacaq.

Dəri və yun xammalının emala cəlb edilməsinin təşviqi məqsədilə emal müəssisələrinə təhvil verilmiş iribuynuzlu heyvan dərisinə 3 manat/ədəd, xırdabuynuzlu heyvan dərisinə 0,30 manat/ədəd, yuna isə 0,30 manat/kq məhsul subsidiyası tətbiq ediləcək.

Heyvanların genetik potensialının yüksəldilməsi məqsədilə mövcud süni mayalanma subsidiyası diferensiallaşdırılacaq. Yerli cins heyvanların süni mayalanmasından alınan birinci nəsil buzovlara 75 manat, ikinci və sonrakı nəsillərə 150 manat, yerli damazlıq təsərrüfatların yüksək məhsuldar cins heyvanlarından alınan buzovlara 50 manat, embrion köçürmə nəticəsində alınan buzovlara isə 250 manat subsidiya veriləcək.

Subsidiya şurasının qərarı ilə tətbiq edilən yeni dövlət dəstəkləri Dövlət Proqramında müəyyən edilmiş hədəflərə uyğun olaraq müasir suvarmanın genişləndirilməsinə, yüksək dəyərli məhsulların istehsalına, emal sənayesinin yerli xammalla təminatına, ixrac imkanlarının artırılmasına, kənd təsərrüfatında rəqabətqabiliyyətliliyin yüksəldilməsinə və balıqçılıq və akvakultura sahələrinin inkişaf etdirilməsinə xidmət edəcək.]]> https://fim.az/iqtisadiyyat/59781-azrbaycanda-xrdabuynuzlu-heyvandarla-subsidiya-verilck.html https://fim.az/iqtisadiyyat/59781-azrbaycanda-xrdabuynuzlu-heyvandarla-subsidiya-verilck.html 59781 Mon, 07 Sep 2026 06:21:33 +0000 native-yes

Aqrar Subsidiya Şurasının qərarı ilə Azərbaycanda örüş və otlaqlarda yem bazasının yaxşılaşdırılması məqsədilə xırdabuynuzlu heyvandarlığa subsidiya veriləcək.

Bu barədə Kənd Təsərrüfatı Nazirliyi xəbər verir.

İstifadəsində azı 100 ha örüş və ya otlaq sahəsi olan 500 baş və ya daha artıq xırdabuynuzlu heyvan olan təsərrüfatlarda qeydiyyatda olan heyvana görə 4 manat subsidiya veriləcək. Subsidiyanın verilməsində əsas şərt təsərrüfatlara istifadə üçün verilmiş örüş və otlaqlarda münbitliyin və biomüxtəlifliyin artırılmasıdır.

Bu subsidiyaya müraciət edən təsərrüfatların istifadələrinə verilmiş örüş və otlardakı vəziyyət Elektron Kənd Təsərrüfatı İnformasiya Sistemində (EKTİS) Torpaqdan istifadə altsistemi və süni intellekt həllərindən istifadə olunmaqla monitorinq ediləcək.]]> https://fim.az/iqtisadiyyat/59761-dnya-rzaq-bazarna-2022-ci-il-hval-qaydr-thdidlr-qiymtlrd-ks-olunur.html https://fim.az/iqtisadiyyat/59761-dnya-rzaq-bazarna-2022-ci-il-hval-qaydr-thdidlr-qiymtlrd-ks-olunur.html 59761 Sat, 05 Sep 2026 12:11:02 +0000 native-yes

Qlobal ərzaq qiymətləri avqust ayında 2022-ci ilin sonundan bəri ən yüksək səviyyəyə yüksəlib.

Reuters agentliyi xəbər verir ki, buna Avropa və Asiyadakı əlverişsiz hava şəraiti, eləcə də Qara dənizdəki müharibə səbəb olub. BMT Kənd Təsərrüfatı və Ərzaq Təşkilatının(FAO) Ərzaq Qiymətləri İndeksi avqust ayında iyul ayındakı 130,8 bəndən 2022-ci ilin noyabr ayından bəri ən yüksək həddə - 133,3 bəndə yüksəlib.

FAO-nun baş iqtisadçısı Maksim Torero bildirib ki, "avqust ayında qlobal ərzaq qiymətlərinin artması risk premiyasının ərzaq bazarlarına qayıtdığına dair bir xəbərdarlıqdır: iqlim şokları, geosiyasi gərginliklər və pozulmuş ticarət logistikası hamısı üst-üstə düşür".

Avqust ayında bütün ərzaq kateqoriyaları üzrə - taxıl, bitki yağları, şəkər, ət və süd məhsulları - qiymətlərdə artım olub. Avropada həddindən artıq istilər qarğıdalı və şəkər çuğunduru yığımlarına təsir edib və gözlənilən El Niño Asiyada palma yağı və şəkər istehsalı ilə bağlı narahatlıqları artırıb. Rusiyanın Qara dənizdə artan hücumları Ukraynadan taxıl tədarükünü azaldıb, ABŞ-İran münaqişəsi isə gübrə tədarükünü çətinləşdirir.

FAO həmçinin 2026-cı il üçün qlobal taxıl istehsalı proqnozunu 2,98 milyard tona endirib. Baxmayaraq ki, istehsal həcmi müşahidələr tarixində ikinci rekord olacaq, bu, ötən illə müqayisədə 2 faiz azalma və 2018-ci ildən bəri ən böyük illik azalmadır.]]> https://fim.az/iqtisadiyyat/59745-neftimizin-qiymti-105-dollara-yaxnlad.html https://fim.az/iqtisadiyyat/59745-neftimizin-qiymti-105-dollara-yaxnlad.html 59745 Fri, 04 Sep 2026 06:43:04 +0000 native-yes

Dünya bazarlarında “Azeri Light” (CIF) markalı Azərbaycan nefti bahalaşıb.

“Azərbaycan neftinin 1 barelə olan qiyməti 3,02 dollar və ya 2.96% artaraq 104.98 ABŞ dolları olub.
Qeyd edək ki, ötən gün neftimiz 101,96 ABŞ dollarına ticarət edilib.

Xatırladaq ki, “Azeri Light”ın ən aşağı qiyməti 2020-ci il aprelin 21-də 15,81 ABŞ dolları, maksimal qiyməti isə 2008-ci ilin iyulunda 149,66 ABŞ dolları təşkil edib.

Builki dövlət büdcəsində “Azeri Light”ın 1 barelinin orta qiyməti 65 ABŞ dollarından hesablanıb.]]>