https://fim.az/ hadise - Fakt İnformasiya Mərkəzi true https://fim.az/hadise/59860-bakda-sabah-xaos-gzlnilir-haliy-xbrdarliq.html vasif hadise Mon, 14 Sep 2026 07:21:17 +0000

Bakıda sabah səhər evdən çıxanların işi bir az da çətinləşəcək. Yay tətilinin ardından məktəblərdə dərslərin başlaması ilə paytaxt yollarında avtomobil sıxlığının, metro və avtobuslarda isə sərnişin sayının artacağı gözlənilir.

Sentyabrın 15-də məktəblərin və ali təhsil müəssisələrinin fəaliyyətə başlaması, eyni zamanda insanların işə getməsi səhər saatlarında Bakıda nəqliyyatın hərəkətinə ciddi təsir göstərəcək.

Xüsusilə səhər saatlarında məktəbə gedən şagirdlər, onları aparan valideynlər, universitet tələbələri və işə tələsən vətəndaşların eyni vaxtda yollarda olması əsas küçə və prospektlərdə sıxlığın artmasına səbəb olacaq.

Bu səbəbdən sabah yola çıxacaq vətəndaşların vaxt itirməmək üçün əvvəlcədən hazırlıq görməsi vacibdir.

Gecikməmək üçün nə etmək lazımdır?

Vətəndaşlara səhər saatlarında yola adi günlərdən daha tez çıxmaq tövsiyə olunur. Xüsusilə məktəb və işə gedənlər mümkün qədər səfər vaxtına əlavə 30-40 dəqiqə ehtiyat qoymalıdır.

Avtomobillə hərəkət edənlər yola çıxmazdan əvvəl alternativ marşrutları nəzərdən keçirə və sıxlıq yaranan əsas yollardan yayınmağa çalışa bilərlər.

İctimai nəqliyyatdan istifadə edən sərnişinlər isə dayanacaqlarda və metro stansiyalarında adi günlərdən daha çox sıxlıq ola biləcəyini nəzərə almalıdır. Buna görə də avtobus və metroya çatmaq üçün evdən bir qədər tez çıxmaq gecikmə riskini azaldacaq.

Məktəbə uşaqlarını aparan valideynlərin də səhər saatlarında əlavə vaxt nəzərdə tutması vacibdir. Məktəblərin qarşısında avtomobil sıxlığı yarana biləcəyi üçün uşağı düşürmək və daha sonra işə getmək əvvəlkindən daha çox vaxt tələb edə bilər.

Bundan başqa, ilk dərs günündə məktəblərin yerləşdiyi ərazilərdə piyada hərəkətinin də artacağı gözlənilir. Sürücülər məktəb ətrafında xüsusilə diqqətli olmalı, piyada keçidlərində və məktəb qarşısında sürəti azaltmalıdır.

Bir çox vətəndaş tıxacdan yayınmaq üçün səhər saatlarında taksidən istifadə etməyin daha sürətli olacağını düşünə bilər. Lakin bu, doğru seçim deyil. Çünki taksi də digər avtomobillərlə birlikdə ümumi yolda hərəkət etdiyindən sıxlıq zamanı tıxacda qala bilər.

Bu baxımdan, xüsusilə səhər pik saatlarında metro daha rahat alternativlərdən biri hesab olunur. Avtobusla hərəkət edənlər isə avtobuslar üçün ayrılmış zolaqların olduğu istiqamətlərdə daha az vaxt itirir. Buna görə də vətəndaşların sabah yola çıxmazdan əvvəl gedəcəkləri istiqamətə uyğun olaraq metro və avtobus marşrutlarını nəzərdən keçirməsi tövsiyə olunur.

Qeyd edək ki, sentyabrın 15-dən etibarən paytaxtda nəqliyyat sıxlığının artması yalnız ilk günlə məhdudlaşmayacaq. Növbəti günlərdə də məktəb, universitet və iş qrafiklərinin eyni vaxta düşməsi səhər saatlarında yollarda sıxlığın əsas səbəblərindən biri olacaq./yenisabah]]> true https://fim.az/hadise/59852-bu-12-yolda-txac-var-siyah.html vasif hadise Mon, 14 Sep 2026 05:28:30 +0000

Paytaxtın bəzi yollarında tıxac müşahidə olunur.

Bu barədə Nəqliyyatı İntellektual İdarəetmə Mərkəzi (NİİM) məlumat yayıb.

Hazırda yollardakı vəziyyət:

1. Heydər Əliyev prospekti, əsas yol, mərkəz istiqamətində;

2. Heydər Əliyev prospekti, köməkçi yol, mərkəz istiqamətində;

3. 1-ci Göl kənarı yolu, Ziya Bünyadov prospekti istiqamətində;

4. Ziya Bünyadov prospekti, Müzəffər Nərimanov küçəsi ilə kəsişmədən “20 Yanvar” metro stansiyası istiqamətində;

5. Bakı-Sumqayıt şosesi, “20 Yanvar” metro stansiyası istiqamətində;

6. Babək prospekti, mərkəz istiqamətində;

7. 8 Noyabr prospekti, Süleyman Əhmədov küçəsi ilə kəsişmədən mərkəz istiqamətində;

8. Dənizkənarı küçəsi, Bayraq Meydanının qarşısından “Azneft” dairəsi istiqamətində;

9. Tbilisi prospekti, “20 Yanvar” metro stansiyasından mərkəz istiqamətində;

10. Əbdülvahab Salamzadə küçəsi, Ziya Bünyadov prospekti istiqamətində;

11. Alı Mustafayev küçəsi, Ziya Bünyadov prospekti istiqamətində;

12. Üzeyir Hacıbəyli küçəsi, Azadlıq prospekti ilə kəsişməyə qədər sıxlıq müşahidə olunur.]]> true https://fim.az/hadise/59851-bak-metrosunda-problem-stansiyalarda-izdiham-yaranb-yenilnib.html vasif hadise Mon, 14 Sep 2026 05:20:36 +0000

Metronun "İçərişəhər" stansiyasının giriş sahəsində nasaz qatar xətdən çıxarılıb.

Bu barədə "Bakı Metropoliteni" QSC-dən bildirilib.

Məlumata görə, qısa müddət ərzində Qırmızı xətt üzrə interval bərpa olunub", - məlumatda bildirilib.

***

08:44

Bakı metrosunun bütün istiqamətlərində səhər saatlarında qatarların hərəkətində problem yaranıb.

“Bakı Metropoliteni” QSC-dən bildirilib ki, “İçərişəhər” stansiyasının giriş sahəsində qatarda nasazlıq yaranıb.

Bu səbəbdən köməkçi qatar verilməklə nasaz qatar xətdən çıxarılır. Qısa müddət ərzində Qırmızı xətt üzrə interval bərpa olunacaq.

Yaşıl və Bənövşəyi xətlərdə qatarlar qrafikə uyğun olaraq hərəkət edir, hər hansı təhlükəli və ya ciddi narahatlıq doğuran məsələ yoxdur.

Qurumdan əlavə olunub ki, məsələ ilə bağlı açıqlama veriləcək.

***

08:22

Səhər saatlarında Bakı metrosunun "İçərişəhər" stansiyasının önündə sıxlıq yaranıb.

“Həzi Aslanov”–“İçərişəhər” istiqamətində hərəkət edən qatarların hərəkəti dayanıb.

Nəticədə uzun növbə yaranıb.

Məsələ ilə bağlı Bakı Metropoliteninin QSC-nə sorğu ünvanlanıb.]]> true https://fim.az/hadise/59845-tm-qaydasn-pozdu-srniin-ld-bdypi-dn-xbrdarlq-video.html vasif hadise Sat, 12 Sep 2026 07:33:32 +0000

Ötən gecə Bakı-Qazax avtomagistralının Navahı qəsəbəsi ərazisindən keçən hissəsində ağır yol qəzası baş verib.

Saat 22:00 radələrində Elmir Məmmədlinin idarə etdiyi “Mercedes Vito” markalı avtomobil eyni istiqamətdə hərəkətdə olan “Kamaz” markalı avtomobillə toqquşub.

Qəza nəticəsində minik avtomobilində olan sərnişin - Sayad Qasımova hadisə yerində həyatını itirib. Faktla bağlı araşdırma aparılır.

Baş Dövlət Yol Polisi İdarəsi ötmə qaydalarının pozulması səbəbindən baş verməsi ehtimal olunan sözügedən hadisə ilə əlaqədar bir daha sürücülərə müraciət edərək, onları diqqət çəkilən faciəli faktları sadəcə maraq xatirinə izləməməyə, lazımı nəticə çıxarmağa, təhlükəsizlik qaydalarına, verilən tövsiyələrə qeyd-şərtsiz əməl etməyə çağırıb.

]]> true https://fim.az/hadise/59844-toyota-bak-mrkzinin-mkda-hbs-edildi-610-min-manatlq-frldaq.html vasif hadise Sat, 12 Sep 2026 07:28:44 +0000

“Toyota Bakı Mərkəzi”nin sürücüsü 1986-cı il təvəllüdlü Vüsal Kərimov (soyadlar şərtidir) həbs olunub.

“Qafqazinfo”nun əldə etdiyi məlumata görə, o, tanışı Tamerlan Əliyevin şikayəti əsasında məsuliyyətə cəlb edilib.

Məlum olub ki, Vüsal 2014-cü ildən həmin şirkətdə çalışıb və əlaqələr qurub. O, dostluq münasibətində olduğu Tamerlana birgə iş qurmağı təklif edib. Belə ki, Vüsal həmin şəxsə “Toyota Bakı Mərkəzi”nə Yaponiyadan ölkəmizə müxtəlif avtomobillərin gətirilməsinin sifariş edildiyini, lakin bəzi hallarda müştərilərin sonradan həmin sifarişlərdən imtina etdiyini deyib. Vüsal imtina edilmiş avtomobilləri sərfəli şərtlərlə əldə edib sata biləcəklərini və bu yolla birlikdə gəlir əldə edə biləcəklərini bildirib. Bu yolla Vüsal dostundan 2024-2025-ci illərdə külli miqdarda pul alıb. Lakin sonradan o yoxa çıxıb və aldığı pulları geri qaytarmaqdan imtina edib.

İstintaqla müəyyən edilib ki, Vüsal Tamerlanın 610 min manat pulunu dələduzluq yolu ilə ələ keçirib.

İş üzrə toplanmış materiallar Bakı Ağır Cinayətlər Məhkəməsinə göndərilib. Məhkəmə Vüsal Kərimovu Cinayət Məcəlləsinin 178.4 (Dələduzluq - Xüsusilə külli miqdarda zərər vurmaqla) maddəsi üzrə təqsirli bilib.

O, 10 il azadlıqdan məhrumetmə cəzasına məhkum edilib.]]> true https://fim.az/hadise/59841-hmin-vaxt-baa-ddm-ki-minal-raziy-dmm-video.html vasif hadise Sat, 12 Sep 2026 06:25:03 +0000

Xəbər verdiyimiz kimi, işğaldan azad edilmiş Ağdərə rayonunun Papravənd kəndi ərazisində Tərtər rayon sakini 21 yaşlı Sərxan Rüstəmzadə minalardan təmizlənməmiş ərazidə atla hərəkət edərkən at piyada əleyhinə minaya düşüb.

“O, hadisə barədə AzTV-yə danışıb.

“At məni tulladı və axsaya-axsaya qaçdı. Bilmədim gələ bildi, ya gələ bilmədi, amma qaçdığını gördüm. Mən də düşdüyüm yerdə qaldım, tərpənmədim, bildim ki, minalı əraziyə düşmüşəm. ANAMA-nın əməkdaşlarına xəbər verdim. 4-5 km çətin ərazidə cığır açıb məni çıxardılar”, - S.Rüstəmzadə qeyd edib.

Məlumat üçün bildirək ki, sol diz oynağının əzilməsi, sol baldır nahiyəsinin açıq yaraları diaqnozu təyin edilən pasiyentə zəruri tibbi xidmətlər göstərilib. Vəziyyəti qənaətbəxş qiymətləndirilən şəxs ambulator müalicə üçün evə buraxılıb.

]]> true https://fim.az/hadise/59816-ermnilr-qan-alayr-landan-cbrayla-qdr-otlaqlardan-istifad-edirdik-indi-is.html vasif hadise Wed, 09 Sep 2026 15:30:45 +0000

44 günlük müharibədən sonra Azərbaycanla sərhədin yaxınlaşması Ermənistanın Kornidzor kəndində maldarlıqla məşğul olan sakinlərin həyatına ciddi təsir edib.

Musavat.com xəbər verir ki, Kornidzor kəndində yaşayan ermənilərlə bağlı hazırlanan reportaja görə, kənd sakinlərinin əvvəllər istifadə etdikləri otlaq sahələri artıq onların ixtiyarında deyil. Mal-qaranı alınan yemlə saxlamaq isə kəndlilər üçün baha başa gəlir.

Kənd sakini Meri Akopyanın əvvəllər Laçın ərazisində otarılan çoxsaylı mal-qarasından indi cəmi 3 inək qalıb. Bildirilir ki, kənddə heyvandarlıqla məşğul olan ailələrin əksəriyyətində oxşar vəziyyət yaranıb.

Kənd sakini Nataşa Danielyan bildirib ki, əvvəllər mal-qaranı otarmaqda problem yaşamayıblar:
“Qarabağ işğalımızda olanda mal-qaranı heç bir problem olmadan otarırdıq. İndi isə inəklərimizi satmağa məcbur olduq, çünki onları çölə çıxarmağa qorxurduq. Bizim kənddə olmasa da, qonşu kəndlərdə ətraf yüksəkliklərdə mövqe tutan azərbaycanlıların mal-qaranı apardıqları hallar olub. İnsanlar artıq mal-qara saxlamağa qorxurlar”.

Bu etiraf faktiki olaraq Ermənistanın Azərbaycan ərazilərinin 30 ilə yaxın davam edən işğalından necə iqtisadi məqsədlərlə istifadə etdiyini də göstərir. İşğal illərində Laçın, Kəlbəcər, Cəbrayıl və digər Azərbaycan rayonlarının geniş otlaq və biçənək sahələrindən Ermənistanın sərhədyanı kəndlərinin mal-qarasının saxlanılması üçün istifadə olunurdu. Meşələr və digər təbii sərvətlər də istismar edilirdi.

Bunun miqyası Ermənistan mənbələrinin müharibədən sonra açıqladığı rəqəmlərdə də görünür. Ermənistan tərəfinin rəsmilərinin açıqlamalarında 44 günlük müharibədən sonra onların istifadə etdikləri əkin sahələrinin 75 faizdən çoxunun, otlaq sahələrinin isə 80-85 faizinin əllərindən çıxdığı bildirilirdi. Mal-qaranın sayı da 50 faizdən çox azalmışdı.

Ermənistanın Teğ kəndindən verilən açıqlamalar isə vəziyyətin daha bir maraqlı tərəfini üzə çıxarmışdı. Kənd rəhbərliyi sakinlərin əvvəllər heyvanlarını otarmaq üçün Azərbaycan ərazisindəki Cəbrayıla qədər apardıqlarını açıq etiraf etmişdi. Azərbaycan torpaqları azad edildikdən sonra otlaqsız qalan kənddə mal-qaranın 70 faizinin satıldığı bildirilmişdi.

Beləliklə, Kornidzordakı hazırkı vəziyyət ayrıca bir kəndin problemi deyil. Azərbaycan torpaqlarının işğalı dövründə Laçın, Kəlbəcər, Cəbrayıl və digər rayonların geniş və məhsuldar yaylaq-otlaq sahələrindən istifadə edən təsərrüfatlar həmin imkanlardan məhrum olublar. Azərbaycan Ordusu öz ərazilərinə nəzarət edir və Ermənistan vətəndaşlarının özlərinə məxsus olmayan Azərbaycan torpaqlarında mal-qara otardığı dövr artıq başa çatıb.

Reportajda Kornidzorun digər əsas problemlərindən birinin işsizlik olduğu qeyd edilir. Rəsmi məlumatlara görə, kənddə 1239 sakin qeydiyyatdadır, faktiki yaşayanların sayı isə təxminən 1000 nəfərdir.

Hazırda Kornidzorda yeni böyük məktəb tikilir. Lakin yerli sakinlər kənddə məktəblə yanaşı, iş yerləri yaradacaq zavodun açılmasını daha çox istədiklərini bildirirlər.]]> true https://fim.az/hadise/59833-kid-2-nfrin-ldy-kanat-qzas-il-bal-son-dqiq-aiqlamalari.html vasif hadise Wed, 09 Sep 2026 09:03:01 +0000

Şəkidə yerləşən “Şəki Yaylası” istirahət mərkəzində iki nəfərin ölümü ilə nəticələnən kanat qəzası ciddi suallar yaradıb. İlkin məlumata görə, kanatın trosunun qırılması nəticəsində iki nəfər yüksəklikdən yerə düşərək həyatını itirib. Hadisə ilə bağlı Şəki rayon prokurorluğunda araşdırma aparılır.

Bəs istirahət mərkəzlərində belə qurğuların texniki vəziyyətinə kim nəzarət edir? Kanatın istifadəyə yararlılığı və təhlükəsizlik tələblərinə cavab verməsi mütəmadi yoxlanılırmı? Trosun qırılmasına texniki nasazlıq, istismar qaydalarının pozulması, yoxsa digər amillər səbəb ola bilər?

Təhlükəsizlik eksperti Samir Nəbiyev Musavat.com-a mövzu ilə bağlı fikirlərini bölüşüb:

“Baş vermiş hadisə ilə bağlı prokurorluqda istintaq aparılır. Ona görə də ekspertiza nəticələri olmadan konkret nasazlıq və ya şəxslərin təqsiri barədə qəti fikir bildirmək düzgün deyil. Trosun qırılmasına gəlincə, bu məlumat hadisənin necə baş verdiyini göstərə bilər, amma onun nə üçün baş verdiyi ayrıca araşdırılmalıdır. Kanat sisteminin təhlükəsiz istismarının təşkilinə ilk növbədə qurğunu işlədən müəssisə cavabdehdir. Müəssisə məsul şəxs təyin etməli, bu, hətta daxili əmrlə rəsmiləşdirilməli, təlim keçmiş operatorlar işləməli, texniki xidmət və baxışlar təşkil edilməlidir. Bu, müəssisənin gündəlik nəzarət tədbirləridir”.

Ekspert qeyd edib ki, attraksionların texniki təhlükəsizliyinə dövlət nəzarətini Fövqəladə Hallar Nazirliyinin Sənayedə İşlərin Təhlükəsiz Görülməsinə və Dağ-Mədən Nəzarəti Dövlət Agentliyi həyata keçirir:

“Dövlət yoxlaması müəssisənin gündəlik nəzarət öhdəliyini əvəz etmir. Sadəcə olaraq planlı və ya növbədənkənar dövri yoxlamalar həyata keçirilir. Bu proses zamanı hər hansı qüsur aşkarlanarsa, fəaliyyət dayandırıla və ya məcburi göstəriş verilə bilər. Yoxlamalar zamanı gündəlik baxışları dövri texniki müayinədən fərqləndirmək lazımdır. FHN gündəlik baxışların keçirilməsini tələb edir. Praktiki olaraq bu baxış ziyarətçilər qurğudan istifadə etməzdən əvvəl səriştəli əməkdaş tərəfindən aparılmalı və nəticələri qeydə alınmalıdır. Vizual və ya qeyri-dağıdıcı üsullarla aparılan inspeksiya zamanı hər hansı uyğunsuzluq aşkarlanarsa, istismar dərhal dayandırılmalıdır. FHN-in rəsmi açıqlamasına görə, attraksionlar ən azı 12 aydan bir texniki yoxlamadan keçməlidir. Lakin bu, ildə bir dəfə yoxlamanın kifayət etdiyi anlamına gəlmir. Dünya təcrübəsində tros, kanat, lift və digər qaldırıcı qurğuların ildə minimum bir dəfə yoxlanılması tələb olunur. Təmir, dəyişiklik və hadisədən sonra qurğu yenidən istifadəyə verilməzdən əvvəl əlavə yoxlamalar aparılmalıdır. Müayinə və sınaq proqramı qurğunun növünə uyğun seçilməlidir. Mexanikləşdirilmiş attraksionun texniki pasportu, qeydiyyat və istismara buraxılış sənədləri olmalı, operatorun hazırlığı və attestasiyası təmin edilməlidir. Sənədin mövcudluğu qurğunun hər gün faktiki olaraq saz vəziyyətdə olması demək deyil”.

Samir Nəbiyevə görə, texniki nəzarət yalnız trosla məhdudlaşmamalıdır:

“Dayaqlar, bərkitmə nöqtələri, birləşmələr, əyləc və sərnişini qoruyan sistemlər birlikdə yoxlanılmalıdır. Qeyri-dağıdıcı nəzarət üsulları tətbiq edilməli, aşınmış komponentlər dəyişdirilməlidir. İcazə verilən çəki, sərnişin sayı və hava şəraiti ilə bağlı məhdudiyyətlərə əməl olunmalı, hər istifadədən əvvəl sərnişinin düzgün bərkidilməsi yoxlanılmalıdır. Qəza zamanı qurğunun dayandırılması, təhlükəsiz təxliyə imkanları, hündürlükdən xilasetmə planı, lazımi avadanlıq və xilasetmə dəstəsi olmalıdır. Nasazlıq aşkarlandıqda fəaliyyət dayandırılmalı və təhlükəsizlik təsdiqlənmədən bərpa edilməməlidir. Əsas prinsip budur ki, texniki yoxlama kağız üzərində imza deyil, insan həyatını qoruyan real nəzarət olmalıdır”.]]> true https://fim.az/hadise/59813-iki-nfrin-ldy-istiraht-mrkzi-mhur-i-adamna-mxsus-imi.html vasif hadise Wed, 09 Sep 2026 09:00:32 +0000

Xəbər verildiyi kimi, Şəkinin Baş Kəldək kəndi ərazisində istirahət mərkəzində faciə baş verib.

Rayonda yerləşən "Şəki Yaylası" istirahət mərkəzində kanatın trosunun qırılması nəticəsində iki nəfər dünyasını dəyişib. Onlar Qax rayon Zərnə kənd sakini, 1996-cı il təvəllüdlü Coşqun Ceyhun oğlu Məmmədov, digəri isə onun Bakıdan Şəkiyə istirahətə gələn dostu Ucal Bayramovdur.

Mia.az xəbər verir ki, sözügedən istirahət mərkəzi Masazır qəsəbəsindəki məşhur “Qurtuluş-93” yaşayış kompleksinin və Novxanıdakı “My Beach” istirahət mərkəzinin sahibi Məhərrəm Novruzova məxsusdur.]]> true https://fim.az/hadise/59830-uaq-baasnn-hytindki-aac-binann-stn-ad-video.html vasif hadise Wed, 09 Sep 2026 08:14:26 +0000

Mingəçevir şəhərində ağac yaşayış binasının üstünə aşıb.

“Qafqazinfo” xəbər verir ki, hadisə şəhərin Müslüm Maqomayev küçəsində qeydə alınıb.

Mingəçevir Şəhər Təhsil Sektorunun nəzdində fəaliyyət göstərən 9 saylı uşaq bağçasının həyətindəki irigövdəli şam ağacı kökündən qırılıb və yaxınlıqdakı 3 mərtəbəli binanın üstünə düşüb.

Nəticədə mənzilə ciddi zərər dəyib.

Ev sahibi bildirib ki, əvvəllər bu ağacın təhlükəli olması barədə aidiyyəti qurumlara müraciət etsə də, tədbir görülməyib.

Ərazidən görüntüləri təqdim edirik:

]]>