https://fim.az/ az https://fim.az/cemiyyet/59863-bulvarda-suyun-sthi-tmizlnir.html https://fim.az/cemiyyet/59863-bulvarda-suyun-sthi-tmizlnir.html 59863 Mon, 14 Sep 2026 08:40:03 +0000 native-yes

Çərçivəsində buxtanın Dənizkənarı Milli Park ərazisinə düşən hissəsində suyun müxtəlif üzvi tullantılardan, neft ləkələri və qalıqlardan təmizlənməsi işləri aparılır.
Bu barədə Dənizkənarı Bulvar İdarəsindən bildirilib.

Qeyd edilib ki, tədbirlər Dənizkənarı Bulvar İdarəsi, Ekologiya və Təbii Sərvətlər Nazirliyi və Fövqəladə Hallar Nazirliyinin (FHN) Xəzər Hövzə Qəza-Xilasetmə Xidməti arasında bağlanmış müvafiq müqaviləyə əsasən həyata keçirilir.

İşlər çərçivəsində FHN Xəzər Hövzə Qəza-Xilasetmə Xidməti tərəfindən suyun səthində toplanmış neft ləkələri və müxtəlif tullantılar, sahilyanı ərazilər təmizlənir.

Xəzər dənizində suyun səviyyəsinin aşağı düşməsi və bəzi sahələrdə dayazlaşmanın müşahidə olunması ilə əlaqədar təmizlik işləri zamanı xüsusi qurğu və avadanlıqlardan istifadə edilir.]]> https://fim.az/cemiyyet/59859-son-dqiq-bak-metropoliteni-mlumat-yayd.html https://fim.az/cemiyyet/59859-son-dqiq-bak-metropoliteni-mlumat-yayd.html 59859 Mon, 14 Sep 2026 06:49:37 +0000 native-yes

Bakı metropoliteninin Qırmızı xətti üzrə qatarların hərəkəti intervallara uyğun təmin olunub.

Bu barədə “Bakı Metropoliteni” QSC məlumat yayıb.]]> https://fim.az/cemiyyet/59858-180-min-nfri-sevindirn-qrar-nazirlik-aqlad.html https://fim.az/cemiyyet/59858-180-min-nfri-sevindirn-qrar-nazirlik-aqlad.html 59858 Mon, 14 Sep 2026 06:37:17 +0000 native-yes

Azərbaycanda bu ilin avqust ayında yaşa görə aylıq sosial müavinət alanların sayı 178 498 nəfər olub.
Bu barədə Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fonduna (DSMF) istinadən xəbər verir.

Məlumata görə, onların 39,9 %-ni kişilər, 60,1 %-ni isə qadınlar təşkil edib.]]> https://fim.az/cemiyyet/59855-yol-polisindn-yeni-tdris-ilinin-balanlmas-il-bal-mracit.html https://fim.az/cemiyyet/59855-yol-polisindn-yeni-tdris-ilinin-balanlmas-il-bal-mracit.html 59855 Mon, 14 Sep 2026 05:52:00 +0000 native-yes

Yeni tədris ilinin başlanması ilə bağlı Baş Dövlət Yol Polisi İdarəsi hərəkət iştirakçılarına müraciət edib.
Bu barədə DYPİ-dən məlumat verilib.

Bildirilib ki, tədris prosesinin başlanması ilə yollarda, xüsusilə səhər və axşam saatlarında hərəkət intensivliyinin artması, məktəb, bağça və digər təhsil müəssisələrinin ətrafında sıxlığın yaranması gözlənilir:

"Belə şəraitdə hər bir hərəkət iştirakçısının daha diqqətli və məsuliyyətli davranması vacibdir. Təhsil müəssisələrinin yaxınlığında sürət əvvəlcədən azaldılmalı, piyada keçidlərinə xüsusi diqqət yetirilməli, avtomobillər ikinci cərgədə, piyada keçidlərinin üzərində və hərəkətə maneə yaradan digər yerlərdə saxlanılmamalıdır".

Qeyd edilib ki, valideynlər uşaqları məktəbə gətirib-apararkən avtomobilləri yalnız təhlükəsiz və icazə verilən yerlərdə saxlamalı, onların nəqliyyat vasitəsindən səki istiqamətində düşüb-minməsinə nəzarət etməlidirlər.

Şagirdlər yolu yalnız müəyyən edilmiş yerlərdən keçməli, dayanmış avtomobillərin arasından qəfil yola çıxmamalı, hərəkət zamanı mobil telefon və qulaqlıq kimi diqqəti yayındıran vasitələrdən istifadə etməməlidirlər.

Unutmayaq ki, valideynlərin yol hərəkətində nümayiş etdirdiyi davranış uşaqlar üçün ən təsirli nümunədir. Övladlarımızdan qaydalara əməl etməyi tələb ediriksə, ilk növbədə bunu öz davranışımızla göstərməliyik.

"Baş Dövlət Yol Polisi İdarəsi hər kəsi yeni tədris ilinin ilk günlərindən yollarda diqqətli, səbirli və məsuliyyətli olmağa çağırır. Məktəbə gedən hər bir uşağın təhlükəsizliyi hamımızın ortaq məsuliyyətidir".]]> https://fim.az/cemiyyet/59839-hotel-otaqlarnda-gizli-kamera-kabusu-intim-grntlr-hara-gedir-qalmaqal.html https://fim.az/cemiyyet/59839-hotel-otaqlarnda-gizli-kamera-kabusu-intim-grntlr-hara-gedir-qalmaqal.html 59839 Sat, 12 Sep 2026 10:00:41 +0000 native-yes

Hotel, hostel və kirayə mənzillərdə gizli kameraların aşkarlanması artıq tək-tək insidentlərdən ibarət məsələ deyil.

Gizli çəkiliş avadanlığının qanunsuz istehsalı, satışı, quraşdırılması, görüntülərin internet üzərindən yayılması və kommersiyalaşdırılmasını əhatə edən qara bazar formalaşıb. Çində bu məsələlərlə bağlı qalmaqal yaşanmaqdadır.

Məsələnin miqyası barədə ən ciddi təsdiqlərdən biri Çin Ali Xalq Məhkəməsinin açıqladığı işlərdir. Məhkəmə bildirib ki, bəzi şəxslər hotel və digər yaşayış yerlərində gizli çəkiliş cihazları quraşdırır, görüntüləri internet üzərindən real vaxt rejimində izləmək üçün bağlantılar təqdim edir, çəkilişləri foto və videoya çevirərək satırlar.

Daha maraqlısı isə budur: söhbət yalnız “kamera quraşdırıb maraq üçün izləməkdən” getmir. Məhkəmə materiallarında intim görüntülərin kommersiya məqsədilə çəkilməsi və satılması ayrıca cinayət işi kimi təsbit olunub.

Kameralar necə gizlədilir?

Gizli kameraların üstünlüyü onların adi məişət əşyasına bənzədilə bilməsidir. Çində aparılan araşdırmalarda belə cihazların elektrik rozetkası, router, tüstü detektoru, saat, lampa və digər əşyaların içərisinə yerləşdirildiyi hallar aşkarlanıb.

2019-cu ildə Çinin Şençjen şəhərindəki "Huaqiangbei" elektronika bazarı ilə bağlı araşdırmada gizli kameraların qələm, alışqan, zəngli saat və elektrik rozetkası formasında satıldığı üzə çıxmışdı.
Araşdırma zamanı kameranın yerləşdirildiyi saxta elektrik rozetkasında SD-kart yuvası və enerji bağlantısı da aşkarlanmışdı. Bəzi modellər görüntünü smartfon tətbiqi vasitəsilə real vaxtda ötürə bilirdi.

Başqa bir işdə isə kirayəyə verilən mənzildə Wi-Fi routerinin içərisində kamera aşkar edilmişdi. Ev sahibinin qonaqları gizli şəkildə lentə aldığı müəyyənləşdirilmişdi.

Bu səbəbdən yalnız yataq otağının divarlarını və tavandakı əşyaları yoxlamaq kifayət deyil. Şübhəli görünən, otağa sonradan əlavə edilmiş və ya funksiyası aydın olmayan elektron qurğular da diqqət tələb edir.

Çin məhkəməsinin qərarı: kamera qurub intim görüntüləri satdılar

Çin Ali Xalq Məhkəməsinin açıqladığı konkret iş məsələni daha aydın göstərir.

2021-ci ilin aprelindən 2022-ci ilin yanvarına qədər bir qrup şəxs bir neçə hotel və mehmanxana otağında gizli çəkiliş avadanlığı quraşdırıb.

Onlar müştərilərin intim münasibətlərini lentə alıb, videoları hazırlayaraq ani mesajlaşma proqramları vasitəsilə satışa çıxarıblar.

Məhkəmənin məlumatına görə, qrup bu fəaliyyətdən 290 min yuandan çox, yəni təxminən 40 min ABŞ dollarına yaxın qanunsuz gəlir əldə edib.

İş üzrə beş nəfər müxtəlif müddətlərə - 1 il 6 aydan 10 ilədək azadlıqdan məhrum edilib, həmçinin cərimələnib.

Bu iş gizli kameraların yalnız şəxsi həyata müdaxilə vasitəsi olmadığını, müəyyən hallarda birbaşa gəlir mənbəyinə çevrilən cinayət biznesinin alətinə çevrildiyini göstərir.

Daha bir iş: otaqdakı görüntülərə telefondan canlı baxırdılar

Başqa bir cinayət işində iki şəxs elektron ticarət platformasından gizli çəkiliş cihazları alaraq onları üç hotelin bir neçə otağında quraşdırıb.

Cihazlar həmin otaqların Wi-Fi şəbəkəsinə qoşulub və mobil telefon tətbiqi ilə idarə olunub. Cinayətkarlar otaqlara uzaqdan real vaxt rejimində baxa, əvvəlki görüntüləri izləyə və videoları yükləyə biliblər.

Məhkəmənin açıqlamasında onların otaqda intim münasibət baş verdiyini gördükdə həmin görüntüləri telefonlarına və kompüterlərinə yüklədikləri qeyd olunur.

Bu şəxslərdən biri 1 il 3 ay, digəri isə 1 il müddətinə azadlıqdan məhrum edilib.

Yəni müasir gizli kamera üçün görüntünün yaddaşa yazılması mütləq şərt deyil. Cihaz internetə çıxış əldə edirsə, onu quraşdıran şəxs başqa yerdən otağa baxa bilər.

Bəs bu görüntülər sonra hara gedir?

Çin rəsmilərinin və məhkəmələrinin materiallarında bir neçə istiqamət təsdiqlənir. Görüntülər mesajlaşma proqramları və internet üzərindən satıla bilər. Ali Xalq Məhkəməsinin konkret işində gizli çəkilmiş intim videoların satışından qanunsuz gəlir əldə edildiyi açıq şəkildə göstərilib.

Bəzi cinayətkarlar yalnız videonu sonradan satmır, həm də kameraya internet üzərindən canlı çıxış imkanı yaradırlar. Çin Ali Xalq Məhkəməsi belə hallarda internet bağlantısının digər şəxslərə real vaxt rejimində izləmə imkanı verdiyini açıqlayıb.

Çin hökumətinin 2021-ci ildə apardığı kampaniya zamanı şəxsi görüntülərin qanunsuz alqı-satqısı, gizli çəkiliş texnologiyalarının yayılması və kameraların sındırılması üçün proqramların satılması ayrıca problem kimi göstərilib. Rəsmi məlumatda belə görüntülərin mübadiləsi üçün qapalı qrupların mövcudluğu da qeyd olunurdu.

Gizli görüntülər yalnız satılmaq üçün deyil, başqa cinayətlərin törədilməsi üçün də istifadə oluna bilər. Çin Ali Xalq Məhkəməsi gizli çəkiliş avadanlığından istifadə etməklə bağlı işlər arasında şantajı da qeyd edir.

Burada mühüm məqam odur ki, hər gizli kamera görüntüsünün mütləq şantaj üçün istifadə edildiyini demək olmaz. Belə nəticə yalnız konkret iş üzrə sübutlarla təsdiqlənə bilər.

Çin hökuməti 2021-ci ildə gizli kameralarla bağlı xüsusi kampaniya başladıb.

Çin Kiberməkan Administrasiyasının məlumatına görə, həmin kampaniyada platformalardan gizli çəkiliş, şəxsi görüntülərin qanunsuz satışı və gizli çəkiliş texnologiyalarının öyrədilməsi ilə bağlı 22 mindən çox qanunsuz məlumat silinib, 4000-dən çox hesab və 132 qrup bağlanıb, 1600-dən çox qanunsuz məhsul satışdan çıxarılıb.

Polis isə gizli kameraları sındırmaq və idarə etmək üçün proqramlar hazırlayan və satan şəxslərə, həmçinin gizli dinləmə və çəkiliş avadanlığı istehsal edənlərə qarşı əməliyyatlar keçirib. Rəsmi məlumatda 59 şübhəlinin saxlanıldığı, 25 mindən çox qanunsuz idarə olunan şəbəkə kamerasına giriş hüququnun aşkar edildiyi və 1500-dən çox gizli dinləmə və çəkiliş cihazının götürüldüyü bildirilir.]]> https://fim.az/cemiyyet/59808-aeroport-yolunda-srt-hddi-brpa-edildi-yenilnib.html https://fim.az/cemiyyet/59808-aeroport-yolunda-srt-hddi-brpa-edildi-yenilnib.html 59808 Tue, 08 Sep 2026 07:55:17 +0000 native-yes

Hazırda Bakıda müşahidə edilən yağışlı hava şəraiti ilə əlaqədar olaraq Zığ dairəsi-Hava Limanı yolunda bütün zolaqlar üzrə sürət həddi 20 km/saat endirilib.

Bu barədə Daxili İşlər Nazirliyi Nəqliyyatı İntellektual İdarəetmə Mərkəzi (NİİM) məlumat yayıb.

Bildirilib ki, bununla bağlı Mərkəzin əməkdaşları tərəfindən məlumat sürət tablolarında “sürüşkən yol” işarəsi aktivləşdirilib. Sürücülərdən müəyyən olunan sürət həddinə əməl etmələri xahiş edilir.

***

NİİM-in yaydığı son məlumata görə, yağışlı hava şəraiti ilə əlaqədar olaraq Bakının Zığ dairəsi-Hava Limanı yolunda bəzi zolaqlar üzrə 20 km/saat endirilən sürət həddi bərpa edilərək əvvəlki vəziyyətinə qaytarılıb.]]> https://fim.az/cemiyyet/59807-nazirlik-bu-iilrl-bal-vacib-mlumat-yayd-xbrdarliq-etdi.html https://fim.az/cemiyyet/59807-nazirlik-bu-iilrl-bal-vacib-mlumat-yayd-xbrdarliq-etdi.html 59807 Tue, 08 Sep 2026 07:32:42 +0000 native-yes

Qanunvericiliyə əsasən, işçi ilə işəgötürən arasında bağlanan əmək müqaviləsi onların əmək münasibətlərinin hüquqi əsasını təşkil edir.
Bu barədə Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondundan (DSMF) məlumat verilib.

Bildirilib ki, işçi əmək müqaviləsi ilə çalışdıqda qanunvericiliklə müəyyən edilmiş minimum məbləğdən aşağı olmayan əmək haqqı almaq, sosial sığorta sistemində iştirak edərək gələcək pensiya hüququna malik olmaq, sağlam və təhlükəsiz əmək şəraitində çalışmaq, ödənişli və ödənişsiz məzuniyyətlərdən istifadə etmək, iş vaxtından artıq vaxtda işə cəlb olunduqda əlavə əmək haqqı almaq, icbari tibbi sığorta, işsizlikdən sığorta, istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta olunmaq və s. hüquqlara sahib olur.

“Əmək müqaviləsi ilə işləməyən işçi isə qeyd olunan əmək və gələcək pensiya hüquqlarından məhrum olur. Əmək müqaviləsi Əmək və Əhalinin Sosial Müdafiəsi Nazirliyinin “Əmək və Məşğulluq” altsistemində işçi və işəgötürən tərəfindən e-qaydada imzalandıqda hüquqi qüvvəyə minir”, - nazirliyin məlumatında vurğulanıb.

Qeyd edək ki, Azərbaycan Respublikasının İnsan Hüquqları üzrə Müvəkkili (Ombudsman) tərəfindən 21 avqust - 21 sentyabr tarixləri “Sülh Aylığı” elan edilib. Bununla bağlı edilən müraciətdə insan hüquqlarının müdafiəsinə, hüquqi maarifləndirməyə, ictimai həmrəyliyin və qarşılıqlı etimadın gücləndirilməsinə yönəlmiş hər bir təşəbbüs davamlı sülhə qoyulan sərmayə olduğu bildirilir.]]> https://fim.az/cemiyyet/59785-abranda-hytind-narkotik-trkibli-kol-yetidirn-xs-saxlanlb.html https://fim.az/cemiyyet/59785-abranda-hytind-narkotik-trkibli-kol-yetidirn-xs-saxlanlb.html 59785 Mon, 07 Sep 2026 06:49:07 +0000 native-yes


Şabran Rayon Polis Şöbəsinin əməkdaşlarının keçirdikləri tədbirlərlə narkotik tərkibli bitkiləri qanunsuz olaraq kultivasiya etməkdə şübhəli bilinən 60 yaşlı Sahib İbrahimov saxlanılıb.
Ona məxsus həyətyanı sahəyə baxış zamanı qulluq edilərək yetişdirilən, ümumi çəkisi 10 kiloqram olan narkotik tərkibli kollar aşkarlanıb.

Faktla bağlı cinayət işi başlanılıb, məhkəmənin qərarı ilə S.İbrahimovun barəsində həbs qətimkan tədbiri seçilib.]]> https://fim.az/cemiyyet/59764-lky-brutto-modeli-glir-avtobuslarda-n-dyick.html https://fim.az/cemiyyet/59764-lky-brutto-modeli-glir-avtobuslarda-n-dyick.html 59764 Sat, 05 Sep 2026 06:22:19 +0000 native-yes

Azərbaycanda avtomobil nəqliyyatı ilə müntəzəm sərnişindaşıma sahəsində yeni “brutto müqavilə” modelinin tətbiqinə başlanılıb. Bu barədə Azərbaycan Yerüstü Nəqliyyat Agentliyi (AYNA) məlumat yayıb. Bildirilib ki, Nazirlər Kabinetinin 31 iyul 2026-cı il tarixli 250 nömrəli Qərarı ilə təsdiqlənən “Avtomobil nəqliyyatı ilə müntəzəm sərnişin daşımaları həyata keçirən daşıyıcılar tərəfindən məsafə əsaslı avtomobil nəqliyyatı xidmətinin göstərilməsinə görə ödənilən subsidiyanın hesablanması və ödənilməsi Qaydası”nın tətbiqinə başlanılıb.

Yeni modelə əsasən, daşıyıcılara qət edilən məsafəyə və xidmətin keyfiyyətinə uyğun ödəniş ediləcək. Marşrut üzrə avtobusların sayı, hərəkət intervalı, qət ediləcək məsafə və digər xidmət göstəriciləri əvvəlcədən müəyyənləşdiriləcək, daşıyıcı isə həmin tələblərə uyğun göstərdiyi xidmətə görə ödəniş alacaq. İlkin mərhələdə 130, 205, 211, 500 və 503 nömrəli müntəzəm marşrutlar “brutto müqavilə” sisteminə qoşulub. Tələblərə uyğun olaraq digər marşrutların da mərhələli şəkildə sistemə qoşulması planlaşdırılır.

Bu model Bakının ictimai nəqliyyatı üçün nə vəd edir? Dəyişikliklər daşıyıcılar və sərnişinlər üçün hansısa üstünlük qazandıracaqmı, yoxsa yeni problemlərə yol aça bilər?

Nəqliyyat üzrə ekspert Rauf Ağamirzəyev Musavat.com-a bildirib ki, bu addım ictimai nəqliyyatın yeni keyfiyyət mərhələsinə keçdiyini göstərir: “Maliyyə dayanıqlığı təmin olunduqda, daha keyfiyyətli xidmət üçün əlverişli zəmin yaranır. İllərdir müzakirə olunan bu məsələnin artıq praktiki icrasına başlanılması sevindirici haldır. İlkin mərhələdə, 5 avtobus marşrutu elan olunub və proses mərhələli şəkildə digərlərinə də tətbiq ediləcək. İlk olaraq avtobusların müəyyən edilmiş qrafik üzrə dəqiq fəaliyyətini müşahidə edəcəyik. Növbəti mərhələdə isə günlük, həftəlik və illik bilet paketləri, həmçinin 90 dəqiqəlik pulsuz keçid imkanları tətbiq olunacaq. Bu həllər xüsusilə uzaq məntəqələrdən gələn vətəndaşların nəqliyyat xərclərinin optimallaşdırılmasına xidmət edəcək. Bununla yanaşı, tələbələr və təqaüdçülər üçün güzəştli biletlərin tətbiqi istiqamətində qərarların verilməsini təmin edən institusional alət formalaşıb. Düşünürəm ki, bu qərar həm də daşıyıcı şirkətlərin maliyyə dayanıqlığını dəstəkləyəcək. Yekunda müəyyən edilən tələblərə əməl edən daşıyıcılar sərnişinlərə daha keyfiyyətli xidmət göstərəcək və ümumi marşrut şəbəkəsinin dayanıqlığını təmin edəcəklər".

Ekspert Yasin Mustafayevin fikrincə, bu, birbaşa daşıyıcılar ilə sifarişçi qurum (AYNA) arasındakı münasibətləri əhatə edən bir mexanizmdir: “Bu sistem sərnişinlərə birbaşa olmasa da, dolayısı ilə müsbət təsir göstərəcək. Əvvəl daşıyıcılar sərnişinlərdən topladığı vəsaitlə öz gəlirlərini, xərclərini qarşılayırdılar. Yeni sistemdə – brutto-müqavilə modeli çərçivəsində isə sərnişin daşımalarından əldə olunan ödənişlər doğrudan sifarişçinin (AYNA) hesabına köçürüləcək, daşıyıcılara isə qət etdikləri kilometraj üzrə müəyyən olunmuş məbləğ ödəniləcək. Əsas məqsəd Bakıətrafı kənd və qəsəbələrə sərnişindaşıma xidmətinin keyfiyyətini artırmaqdır. Əvvəllər uzun məsafə, az sərnişin axını və aşağı rentabellilik səbəbindən daşıyıcılar bu marşrutlara avtobus ayırmaqda maraqlı deyildilər. Şəhər mərkəzində isə qısa məsafədə daxili sərnişin dövriyyəsi yüksək olduğundan bu xətlər daha qazanclı idi. Bu vəziyyət mərkəzə daha çox diqqət ayrılmasına, ətraf ərazilərdə isə ciddi nəqliyyat problemlərinin yaranmasına səbəb olurdu. Kilometraj üzrə ödəniş sisteminə keçid daşıyıcıların yanaşmasını kökündən dəyişəcək. Artıq şirkətlər daha çox sərnişin daşımağa deyil, qət olunan məsafəyə diqqət yetirəcəklər. Tıxacın və sıxlığın az, məsafənin isə daha uzun olduğu şəhərətrafı marşrutlar daşıyıcılar üçün daha əlverişli olacaq. Nəticədə, bu dəyişiklik ümumi işin xeyrinə xidmət edərək Bakıətrafı kənd və qəsəbələrdə avtobusların gözləmə intervallarını azaldacaq və nəqliyyat təminatını əhəmiyyətli dərəcədə yaxşılaşdıracaq".]]> https://fim.az/cemiyyet/59735-baknn-bu-rayonunda-15-bina-sklck.html https://fim.az/cemiyyet/59735-baknn-bu-rayonunda-15-bina-sklck.html 59735 Fri, 04 Sep 2026 09:00:14 +0000 native-yes

“Nərimanov rayonunda şəhərsalma və yenidənqurma layihələri çərçivəsində ilkin mərhələdə 15 binanın sökülməsi nəzərdə tutulur”.

Bunu Baku.ws-ə açıqlamasında AQC İdarə Heyətinin sədri, iqtisadçı ekspert Vüqar Oruc bildirib.

AQC sədri əlavə edib ki, söküntülərin dəqiq sayı ilə bağlı tam siyahı hazırda açıqlana bilməz:

“Buna səbəb dövlət proqramı çərçivəsində nəzərdə tutulan layihələrin rayonla tam şəkildə paylaşılmamasıdır. Söküntü və yenidənqurma işlərinin əsasən Nazim Hacıyev küçəsi, Montin, Keşlə, Təbriz küçəsi, Ağa Nemətulla küçəsi, Fətəli xan Xoyski prospekti və Mayakovski küçəsi istiqamətində aparılması nəzərdə tutulur.

İlk növbədə texniki vəziyyəti qənaətbəxş olmayan və qəzalı binaların sökülməsi planlaşdırılır. Bununla yanaşı, həmin ərazilərdə abadlıq və yeni tikinti işlərinin həyata keçirilməsi də nəzərdə tutulur.

Ağa Nemətulla və Təbriz küçələri, eləcə də metro ətrafında artıq müəyyən yenidənqurma işləri həyata keçirilib. Mövcud layihələrin tamamlanmasından sonra rayonun ayrı-ayrı hissələrinin kompleks şəkildə yenidən qurulması planlaşdırılır.

Rayon üzrə aparılacaq işlər Bakı şəhərinin Baş Planı – 2040 çərçivəsində həyata keçiriləcək. İlkin mərhələdə 15 binanın sökülməsi nəzərdə tutulsa da, gələcəkdə prosesin digər əraziləri də əhatə etməsi gözlənilir”.]]>