https://fim.az/ bolge - Fakt İnformasiya Mərkəzi true https://fim.az/bolge/59965-icra-balarna-nvbti-xbrdarliq-sra-kimd.html vasif bolge Fri, 18 Sep 2026 13:32:28 +0400

Azərbaycanda indiyədək onlarla icra başçısı fəaliyyətindəki nöqsanlara, korrupsiya əməllərinə görə ya həbs olunub, ya da vəzifədən azad edilib.

Daha bir belə qərar Yardımlının icra başçısı Ayaz Əsgərovla bağlı verildi və postundan uzaqlaşdırıldı. Həmçinin, Yardımlı rayon İcra Hakimiyyətinin Sosial-iqtisadi inkişafın təhlili və proqnozlaşdırılması şöbəsinin müdir müavini Elçin Mirzəyev və baş məsləhətçi Yaşar Eyvazovun barəsində seçilmiş həbs qətimkan tədbirinin 30 noyabra qədər uzadılmasına məhkəmə tərəfindən qərar çıxarıldı.

Adıçəkilən şəxslərə qarşı Cinayət Məcəlləsinin 311.3.1-ci (Rüşvət alma, qabaqcadan əlbir olan bir qrup şəxs və ya mütəşəkkil dəstə tərəfindən) maddəsi ilə ittiham irəli sürülüb. Göründüyü kimi, ittiham rüşvətdir. Onların qanunsuz torpaq satışı ilə məşğul olduğu bildirilir.

Qeyd edək ki, Prezident icra başçılarına şəffaf işləməyi, xalqa xidməti tapşırıb, qanunsuz hərəkətlərə yol verənlərin isə cəzalandırılacağı barədə xəbərdarlıq edib. Amma hələ də nəticə çıxarmayanlar var.

Niyə İH-lər baş verənlərdən dərs götürmür? Yerli idarəetmə sistemində hansı model tətbiq olunmalıdır ki, məmurlar bir daha qanunsuzluğa yol verməsinlər?

Demokratiya və İnsan Hüquqları Komitəsinin sədri Çingiz Qənizadə Musavat.com-a bildirdib ki, hamı qanun qarşısında bərabərdir.

Onun sözlərinə görə, hər kəs statusundan, vəzifəsindən asılı olmayaraq yol verdiyi qanunsuzluq qarşısında məsuliyyət daşıyır: "Yardımlı rayon İcra Hakimiyyətində aparılan həbslər növbəti dəfə qanun pozuntularından birinin aşkar olunmasıdır. İlk dəfə deyil ki, bölgələrdə qanunsuzluq, rüşvətxorluq halları üzə çıxarılır. Bundan sonra da belə həbslərin olacağını istisna etmirəm. Sadəcə, onu da deməliyəm ki, son illər yerli icra orqanlarının fəaliyyətində müəyyən pozitiv dəyişikliklər müşahidə olunur. Bir sıra icra hakimləri bəzi nəticələr çıxarıb, o cümlədən, nəzarət mexanizmi gücləndirilib. Amma vəzifə səlahiyyətlərindən sui-istifadə edənlər yenə də olacaq. Bundan qaçmaq mümkün deyil”.

Hüquq müdafiəçisi səbəbini insan amili ilə əlaqələndirib: “Harada insan varsa, orada qüsur olur. İkincisi, tamahkarlıq və arxayınçılıq rol oynayır. Həmin məmurlar hesab edirlər ki, etdiklərinə qarşılığında cəzasız qalacaqlar, amma nəticəsi Yardımlı rayon İcra Hakimiyyətində baş verənlər kimi olur. Ona görə də məmurlar cənab prezidentin xəbərdarlığını qulaqlarından sırğa kimi asmalı, cinayət varsa, cəzasının mütləq olacağını bilməlidirlər".

Hüquqşünas hesab edir ki, yerli idarəetmə orqanlarında islahatların davam etdirilməsinə hələ də ehtiyac qalır. Çingiz Qənizadənin fikrincə, İH-lərin ləğvi barədə vaxtaşırı çağırışlar səslənsə də, bu məsələ yalnız qanunvericiliyə dəyişikliklə mümkündür, yəni indi real deyil: “Bu strukturların fəaliyyəti barədə müxtəlif təkliflər eşidilir. Onlardan birinin ASAN xidmət modelinə keçid, digəri isə azad olunan ərazilərə prezidentin nümayəndələrinin təyin olunması kimi, digər bölgələrə də oxşar təyinat olmasıdır. Təbii ki, bütün bu fikirlər təklif olaraq dilə gətirilir, son sözü isə cənab prezident verir. Lakin istənilən halda, vətəndaşların yerli icra hakimiyyətlərindən şikayətləri deməyə əsas verir ki, reformalara zərurət var”.]]> true https://fim.az/bolge/59943-suraxanda-da-abidnin-yerindki-tikinti-dayandrld-icra-hakimiyyti-v-qurumlar-hara-baxrd-video.html vasif bolge Thu, 17 Sep 2026 17:59:31 +0400

Bakının Suraxanı rayonunun Yeni Günəşli qəsəbəsində “Daş abidə” kimi tanınan ərazidə aparılan tikinti ilə bağlı Dövlət Şəhərsalma və Arxitektura Komitəsi yanında Bakı Şəhər Memarlıq və Şəhərsalma Baş İdarəsi tərəfindən araşdırma aparılıb.

Redaksiyanın Dövlət Şəhərsalma və Arxitektura Komitəsinə göndərdiyi sorğuya cavab olaraq bildirilib ki, ərazidə aparılan tikinti işləri şəhərsalma monitorinqi çərçivəsində araşdırılıb.

Monitorinq zamanı müəyyən edilib ki, sözügedən ünvanda yerləşən birmərtəbəli qeyri-yaşayış tikilisi daha əvvəl sökülüb. Bundan sonra isə təxminən 250 kvadratmetr sahədə yeni tikinti işlərinə başlanılıb. Komitənin açıqlamasında ən diqqətçəkən məqam isə həmin ərazidə tikinti işlərinin artıq dayandırılmasıdır.

Qurumun cavabında bildirilir: “Bildiririk ki, sözügedən ərazidə artıq tikinti işləri dayandırılıb, aşkar edilmiş hallarla bağlı rəsmi müraciətlər isə zəruri tədbirlərin görülməsi üçün aidiyyəti üzrə səlahiyyətli dövlət qurumlarına göndərilib”.

Beləliklə, Dövlət Şəhərsalma və Arxitektura Komitəsinin açıqlamasından məlum olur ki, əvvəlki tikili söküldükdən sonra ərazidə təxminən 250 kvadratmetr sahədə yeni tikinti işlərinə başlanılıb və artıq araşdırma çərçivəsində tikinti işləri dayandırılıb.

Bu isə obyektin tikintisinə hansı əsaslarla başlanılması, tikinti ilə bağlı sənədlərin olub-olmaması və işlərin şəhərsalma tələblərinə uyğun həyata keçirilib-keçirilməməsi məsələsini təbii ki, gündəmə gətirir. Qurumun cavabında tikintiyə dair konkret icazə sənədlərinin mövcudluğu barədə məlumat verilməsə də, aşkar edilmiş hallarla bağlı materialların zəruri tədbirlərin görülməsi üçün səlahiyyətli dövlət qurumlarına göndərilməsi diqqət çəkir.

Məsələnin digər diqqətçəkən tərəfi isə tikinti işlərinin rayon ərazisində hansı mərhələdə və hansı qurumların nəzarəti altında aparılmasıdır. Əgər bir ərazidə əvvəlki qeyri-yaşayış tikilisi sökülür, ardınca sahədə yeni tikintiyə başlanılır və sonradan şəhərsalma monitorinqi nəticəsində işlər dayandırılırsa, bu, rayon ərazisində tikinti proseslərinə nəzarət mexanizmlərinin nə dərəcədə effektiv işlədiyi barədə sual yaradır.

Xüsusilə də tikinti işlərinin yalnız müvafiq icazələr və şəhərsalma tələblərinə uyğun şəkildə aparılması vacibdir. Yeni obyektlərin tikintisinə başlanmazdan əvvəl onların hüquqi statusu, torpaqdan istifadə hüququ, tikinti sənədləri və şəhərsalma normalarına uyğunluğu aydın olmalıdır.

Bu baxımdan Suraxanı Rayon İcra Hakimiyyətinin də rayon ərazisində aparılan tikintilərə nəzarət mexanizmlərini gücləndirməsi zərurəti ortaya çıxır. Çünki şəhərsalma monitorinqinin nəticəsində tikintinin dayandırılması və məsələ ilə bağlı materialların aidiyyəti dövlət qurumlarına göndərilməsi onu göstərir ki, ərazidə aparılan tikinti ilə bağlı araşdırılmalı hüquqi və inzibati məsələlər mövcuddur.

Suraxanı rayonundakı bu fakt Bakıda tikinti məsələsində nəzarət və koordinasiya mexanizmlərinin nə dərəcədə effektiv olması məsələsini də yenidən gündəmə gətirir. Bakının müxtəlif rayonlarında, o cümlədən Suraxanı, Abşeron, Sabunçu və digər ərazilərdə yaşayış və qeyri-yaşayış obyektlərinin tikintisi ilə bağlı müxtəlif narazılıqlar və mübahisələr zaman-zaman gündəmə gəlir.

Bu cür halların qarşısının alınması üçün tikinti prosesinin ilkin mərhələsindən etibarən nəzarət mexanizmlərinin işləməsi vacibdir. Əks halda, tikinti başa çatdıqdan sonra qanunauyğunluğun araşdırılması həm sakinlər, həm də dövlət qurumları üçün əlavə problemlər yarada bilər.

Suraxanıda baş verən məlum hadisə isə başqa bir məqamı da göstərir. Tikinti ilə bağlı problemlərin yalnız tikili ortaya çıxdıqdan sonra deyil, tikinti başlamazdan əvvəl müəyyənləşdirilməsi və qarşısının alınması daha effektiv nəzarət mexanizmi tələb edir.

Bu baxımdan rayon icra hakimiyyətlərinin, şəhərsalma üzrə aidiyyəti qurumların və digər səlahiyyətli dövlət strukturlarının öz ərazilərində tikinti proseslərinə nəzarəti gücləndirməsini gündəmə gətirir.bizimesr.media

]]> true https://fim.az/bolge/59914-icra-bas-dama-qalxd-video.html vasif bolge Wed, 16 Sep 2026 14:10:55 +0400

Masallı Rayon İcra Hakimiyyətinin başçısı Araz Əhmədov Köhnə Alvadı kəndində mərasim evinin dam hissəsində aparılan təmir işləri ilə yerində tanış olmaq məqsədilə binanın damına qalxıb.

Rayon rəhbərinin təmir işlərinin gedişinə birbaşa yerində baxış keçirməsi kənd sakinləri tərəfindən təəccüblə qarşılanıb.

Genişarağa səbəb olan video görüntülərdə A.Əhmədov addımını bu şəkildə əsaslandırıb:

"Bu mərasim evi mütəmadi olaraq çoxsaylı insanların toplaşdığı bir məkandır. Mən damda görülən işləri gözümlə görməliyəm və əmin olmalıyam ki, işlər keyfiyyətlə görülür.

Hər hansı xırda bir səhv gələcəkdə insanların həyatı bahasına başa gələ bilər."/yenisabah.az/
]]> true https://fim.az/gundem/59916-da-abid-parknn-yerini-kim-alb-bu-tikintiy-kim-icaz-verib-video.html vasif gundem / bolge Wed, 16 Sep 2026 11:13:37 +0400

Ərazi hasarlanıb, "Daş abidə" parkı yerlə yeksan olunub.

Söhbət Suraxanı rayonu, Yeni Günəşli qəsəbəsi, Fərhad Babayev küçəsində tikilən böyük obyektdən gedir. Həmin ünvanda əvvəllər “Daş abidə”nin yerləşdiyi kiçik park olub. Uzun illər baxımsız vəziyyətdə qalan ərazidə təxminən bir ay əvvəl abadlıq işlərinin aparılacağı bildirilsə də, sonradan burada ictimai-iaşə obyektinin tikintisinə başlanılıb.

Hazırda ərazi hasarlanıb, sürətli tikinti işləri gedir. Tikintinin qarşısında obyektin sifarişçisi, təyinatı və tikintiyə icazə barədə məlumatların əks olunduğu hər hansı lövhə yoxdur. Ərazidə konkret olaraq hansı obyektin tikildiyi də məlum deyil.Məlumata görə, burda avtomobillərin təmiri üçün sexlər, yuxar mərtəbələrdə isə kafe, restoran olacaq.

Sözügedən tikinti ilə bağlı Suraxanı Rayon İcra Hakimiyyətinə, Əmlak Məsələləri Dövlət Xidmətinə sorğular göndərilib.

Lakin material hazırlanarkən qurumlardan sorğulara cavab daxil olmayıb. Digər tərəfdən, ərazidə əvvəllər parkın olması və hazırda həmin sahədə tikinti aparılması ilə bağlı suallar yaranır.

Əcəba, Fərhad Babayev küçəsində “Daş abidə”nin yerləşdiyi parkın ərazisində nə tikilir? Bu tikintiyə hansı qurum tərəfindən icazə verilib?Həmçinin Azərbaycan Respublikası Dövlət Şəhərsalma və Arxitektura Komitəsinin bu tikinti ilə bağlı hər hansı məlumatı və ya əlaqəsi varmı? Məsələ ilə bağlı aidiyyəti qurumların və mövqeyini dərc etməyə hazırıq.bizimesr.media

Videonu təqdim edirik.

]]> true https://fim.az/bolge/59892-yardml-icra-hakimiyytind-mliyyat-hbs-olunanlar-var-eksklziv.html vasif bolge / hadise Tue, 15 Sep 2026 17:40:19 +0400

Yardımlı Rayon İcra Hakimiyyətinin başçısı Ayaz Əsgərovun vəzifəsindən azad edilməsinin səbəbi məlum olub.
Hüquq-mühafizə orqanları bir müddət əvvəl rayonda anti-korrupsiya əməliyyatı keçiriblər.

Nəticədə İcra Hakimiyyətinin Sosial-iqtisadi inkişafın təhlili və proqnozlaşdırılması şöbəsinin müdir müavini Elçin Adil oğlu Mirzəyev və baş məsləhətçi Yaşar Həsənağa oğlu Eyvazov həbs olunublar.

Məlumata görə, onlar qanunsuz torpaq satışında şübhəli bilinirlər. E.Mirzəyev və Y.Eyvazova qarşı vəzifədən sui-istifadə və korrupsiya ittihamları irəli sürülüb.

Hazırda Baş prokuror yanında Korrupsiyaya qarşı Mübarizə Baş İdarəsində cinayət işi istintaq olunur.

Fakt Baş Prokurorluğun Mətbuat xidməti tərəfindən Ölkə.az-a təsdiq edilib.

Faktla bağlı araşdırmalar davam edir.]]> true https://fim.az/gundem/59790-azrbaycan-respublikasnn-prezidenti-cnab-ilham-liyev-mracit.html vasif gundem / bolge Mon, 07 Sep 2026 16:29:32 +0400



Hörmətli cənab Prezident, Sizə Ağdam rayonunda fəaliyyət göstərən “Ayingi” şirkətində usta kimi çalışan şəhid övladı Qurbanov İxtiyar Əlikismət oğlunun vəziyyəti ilə bağlı müraciət edirik. 17 avqust 2026-cı il tarixində iş zamanı hündürlükdən yıxılaraq ağır bədən xəsarətləri almış, qolu sınıb və hal-hazırda da ciddi müalicəyə ehtiyacı var. Hadisədən sonra şirkət rəhbərliyi ona şikayət etməməyi və kömək göstərəcəklərini bildirsə də, indiyədək nə müalicəsi, nə də hüquqları ilə bağlı lazımi tədbirlər görülməyib. Təəssüf ki, uzun müddət keçməsinə baxmayaraq şirkət rəhbərliyi tərəfindən lazım olan dəstək hələ də göstərilmir. Hörmətli cənab Prezident, Sizdən bu hadisənin araşdırılması, təqsirkarların məsuliyyətə cəlb edilməsi, zərərçəkən şəhid övladının müalicəsinin, hüquqlarının və dəyən ziyanın ödənilməsinin təmin olunması üçün aidiyyəti dövlət qurumlarına müvafiq tapşırıqlar verməyinizi xahiş edirik. Ədalətin bərqərar olacağına və müraciətimizin diqqətdə saxlanılacağına inanırıq. Hörmətlə.]]> true https://fim.az/bolge/59699-yasamal-icra-hakimiyyti-aaclarn-mhvi-hesabna-ina-olunan-qanunsuz-tikily-niy-gz-yumur-video.html vasif bolge / gundem Wed, 02 Sep 2026 06:45:47 +0400

D.Bünyadzadə-5 ünvandakı özbaşınalığın qarşısını almağa FÖVQƏLADƏ güc də yetmir

Baku olunan fərdi həyət evləridir. Bu tendensiya uzun illər evsizlikdən əziyyəöt çəkən vətəndaşların birtəhər kirayəçilikdən canını qurtarmaq istəkləri ilə əlaqələndirilir. Mərkəzdən aralı yerlərdə fərdi evlərin tikintisi çox müddət çəkmir və diqqətdən uzaq olur. Lakin fərqli olaraq paytaxtın mərkəzi rayonlarında sıxlığın fonunda qanunsuz inşa olunan tikililər bir qayda olaraq qeyri-yaşayış obyektləridir. Kifayət qədər izdihamlı yerlərdə, göz önündə tikilən bu obyektlərin başa çatdırılması uzun vaxt çəkir. Bir sözlə, aidyyati qurumların belə özbaşınalıqları görməməsi qeyri-mümkündür.

Yasamal rayonunun Yeni Yasamal massivi, D.Bünyadzadə küçəsi – 5 ünvanda çoxmərtəbəli binanın qarşısında, binaya bitişik tikili inşa olunmaqdadır. Tikilinin ilk olaraq nəzəri cəlb edən cəhəti binanın həyətinin torpağının qazılaraq dərinləşdirilməsi və gələcək obyektin əhatə edəcəyi sahənin üstünün dəmir çardağla örtülməsi və binanın birinci mərtəbəsinin pəncərələrini gün işığından məhrum etməsidir. Bundan əlavə, tikilməkdə olan qeyri-yaşayış obyektində və binada gələcəkdə yanğın və ya hansısa başqa fövqəladə hadisə baş verərsə, hilasedicilərin hərəkətinə yer qalmayacaq. Təhlükə vəd edən bu naqislik yerində çəkilişı aparmış əməkdaşlarımızın qeydə aldıqları video-materialda da aşkar görünür.

İnşaat normalarına qətiyyən uyğun gəlməyən bu qanunsuz tikili həm də əvvəllər yerində olmuş ağacların məhv edilməsi hesabına başa gəlmişdir. Sakinlər bildirirlər ki, ərazidə 10-dan çox ağac kəsilmişdir. Məsələ ilə əlaqədar aidiyyəti qurumlara və eləcə də Yasamal Rayon İcra Hakimiyyətinə məktublar göndərsək də, adresatların reaksiyası özünü ləngidir. Sözügedən ünvana daha yaxın olan RİH isə ümumiyyətlə özbaşınalığın qarşısını almağa maraqlı görünmür.

Mövzuya qayıdacağıq.

Təmkin Səbirli
]]> true https://fim.az/gundem/59600-qblnin-icra-bas-sbuhi-abdullayevin-atas-bakda-qanl-insident-trdib.html vasif gundem / bolge Thu, 27 Aug 2026 17:33:32 +0400

Avqustun 26-da saat 18:00 radələrində Bakı şəhərinin Azadlıq prospekti 149 ünvanında yerləşən çay evlərindən birində insident baş verdiyi iddia olunur

Poliqon xəbər verir ki, bu barədə Jurnalist Samir Feyruzov facebook sosial şəbəkə hesabında paylaşım edib.
Hadisə zamanı Qəbələ Rayon İcra Hakimiyyətinin başçısı Səbuhi Abdullayevin atası olduğu bildirilən Məhəmməd Abdullayevin Aqil adlı şəxsin baş nahiyəsinə küt alətlə zərbə endirdiyi iddia edilir.

Məlumata əsasən, hadisə nəticəsində zərərçəkənin baş nahiyəsindən xəsarət alaraq xəstəxanaya yerləşdirildiyi bildirilir.

Hadisə ilə bağlı Məhəmməd Abdullayevin Qəbələ Rayon İcra Hakimiyyətinin başçısı Səbuhi Abdullayevin atası olub-olmadığını dəqiqləşdirmək məqsədilə icra başçısı ilə əlaqə saxlanılıb. Səbuhi Abdullayev məsələni nə təsdiq, nə də təkzib edib.

Poliqon.info]]> true https://fim.az/gundem/59594-ziyddin-liyevl-bal-prezident-mracit-mtn-fotofakt.html vasif gundem / bolge Thu, 27 Aug 2026 08:12:43 +0400

Hər iki MMC de-fakto Quba rayonunun sabiq icra başçısı, hazırda tanınmış iş adamı Ziyəddin Əliyevə məxsusdur. Qeyd etdiyim nəqliyyat vasitəsi üçoxlu olmaqla, maksimum 6m3 betonla yüklənə bilər. Amma, əldə etdiyim məlumata görə, hadisə zamanı 11.5m3 betonla yüklü olub(?) (Yol vərəqinin surəti var.) Eyni zamanda əyləc sistemindədə ciddi problem olub...

Bu sətirlər “Yenixeberorg.com” saytının rəhbəri İlqar Salmanovun Azərbaycan Respublikasının Prezidenti cənab İlham Əliyevə ünvanladığı və FB səhifəsində ictimailəşdirdiyi müraciətində yer alır:

Çox hörmətli cənab Prezident,

Mən-Salmanov İlqar Mirzəcan oğlu-30 ildən artıqdır ki, mətbuatdayam…Müxtəlif media orqanlarında çalışmış, 2003-cü ildən 2015-ci ilə qədər həftəlik nəşr olunan “Yeni xəbər” qəzetinin təsisçi və baş redaktoru olmuşam. Hazırda “Yenixeberorg.com” saytına və “Xəbərmən TV” YouTube kanalına rəhbərlik edirəm. Bütün fəaliyyətim boyu dövləti və milli maraqlara xidməti prioritet hesab etmişəm…

Möhtərəm Prezident, bu müraciətimlə Sizdən xahiş edirəm ki, qaşılaşdığım ağır avtoqəza ilə bağlı ədalətli hüquqi araşdırmanın aparılmasını təmin edəsiniz. Belə ki, bu ilin 31 martında saat 15:00 radələrində mənə məxsus 01-BR-451 Dövlət Nömrə Qeydiyyatlı “Hundai Tucson” avtomobili ilə Sumqayıt- Bakı istiqamətində hərəkətdə olarkən avtomobildə texniki problem yarandı. (“Riyad Ticarət Mərkəzi”nin qarşısında) Təbii olaraq avtomobilimi üçzolaqlı yolun sağdan birinci zolağında saxlayıb, təhlükə işıqlarını (“Avarenni”) yandırıb, yük yerini (“Baqaj”) açaraq, avtomobilin ön hissəsinə keçib, mühərrikə baxış keçirdim. Tam bu zaman 77-JS-362 Dövlət Nömrə Qeydiyyatlı “HOWO” markalı, ağır tonnajlı Betonqarışdıran Nəqliyyat Vasitəsi dolu, işlək vəziyyətdə avtomobilimi arxadan vurdu...Avtomobilimi 20 metr qabağa, məni isə bir az da artıq məsafə olmaqla paralel yola atdı...Kəllə-beyin travması, burun sınığı və s. olmaqla ağır xəsarətlər aldım... (AZ AĞIR dərəcəli) Cərrahi əməliyyat edildim və hələ də müəyyən müalicə prosedurları keçməkdə davam edirəm.

Məlum oldu ki, mənim avtomobilimi və beləliklə də məni vuran nəqliyyat vasitəsi AAYDA-nin “14№-li Xüsusi Təyinatlı Yol İstismarı” MMC-nin xidmətindədir. Sürücü isə Fətəliyev Elşən Şahin oğludur. Bu nəqliyyat vasitəsi “Mühəndis Yol Təmir-Tikinti” MMC-nə məxsusdur və hansısa “razılaşma” ilə “14№-li Xüsusi Təyinatlı Yol İstismarı” MMC-nin xidmətindədir(?)...

Möhtərəm Prezident, hadisədən bugünədək qeyd etdiyim MMC-lərin heç biri tərəfindən nə hadisə ilə, nə də ağır xəsarət alan tərəf kimi mənimlə maraqlanan olmayıb(?)

Mümükn vasitələrlə əldə etdiyim məlumata görə, hər iki MMC de-fakto Quba rayonunun sabiq icra başçısı, hazırda tanınmış iş adamı Ziyəddin Əliyevə məxsusdur. Qeyd etdiyim nəqliyyat vasitəsi üçoxlu olmaqla, maksimum 6m3 betonla yüklənə bilər. Amma, əldə etdiyim məlumata görə, hadisə zamanı 11.5m3 betonla yüklü olub(?) (Yol vərəqinin surəti var.) Eyni zamanda əyləc sistemindədə ciddi problem olub...

Möhtərəm Prezident, Sizdən artıq dərəcədə xahiş edirəm ki, qısaca yaza bildiyim bu hadisənin ədalətli araşdırılmasını və məsul şəxslərlə bağlı müvafiq hüquqi ölçü götürülməsini təmin edəsiniz. Eyni zamanda mənə dəyən mənəvi və maddi zərərin qarşılanmasına da dəstək olasınız.

Ümid edirəm ki, sayənizdə haqq-ədalət öz yerini tapacaq.

Əvvəlcədən minnətdarlığımı bildirirəm.

P.S. İlqar Salmanov “Mediatvaz”a açıqlamasında qarşıdakı günlərdə müraciətdə yer alan MMC-lərlə bağlı məhkəməyə müraciət edəcəyini də bildirdi…

Eyni zamanda şirkətin fəaliyyəti, şirkətə məxsus zavodda istehsalat prosesi zamanı insan ölümləri ilə nəticələnən hadisələr və s. məlumatların dolandığını da dedi. Təbii ki, bu məlumatlar məlum səbəblərdən jurnalist araşdırmasının predmeti olmaqla, geniş yazının meydana çıxmasına əsas ola bilər...










]]> true https://fim.az/bolge/59581-xsusi-nmayndlikdn-evlr-yararszdr-iddiasi-il-bali-aiqlama.html vasif bolge Thu, 27 Aug 2026 06:07:48 +0400

Xankəndi şəhərində, Ağdərə və Xocalı rayonlarında Azərbaycan Prezidentinin xüsusi nümayəndəliyi keçmiş məcburi köçkünlərə verilən evlərin yararsız olması ilə bağlı iddialara münasibət bildirib.
Qurumdan verilən məlumata görə, qayıdış prosesi mərhələli şəkildə davam edir və sakinlər təmir-bərpa olunan yeni mənzillərlə təmin olunurlar.

“Amma təəssüf ki, bəzən bəzi sakinlər sosial platformalarda layihədə nəzərdə tutulmayan tələblər səsləndirib, yaşadıqları mənzilin təmirindən narazılıq edirlər. Bir ildən artıqdır mənzilində yaşayan sakinlər təbii aşınma, yaşayış sahəsindən istifadə nəticəsində yaranan cari təmir ehtiyaclarını, əlavə tikililər, toyuq hini, mal-qara saxlanması üçün tövlə və digər fərdi ehtiyacların dövlət büdcəsindən maliyyələşdirilməsini tələb edirlər. Nümayəndəlik olaraq bildiririk ki, yaşayış sahəsində uzunmüddətli istifadə nəticəsində yaranan cari təmir ehtiyaclarının, şəxsi təsərrüfatın qurulması ilə bağlı işlərin, habelə əlavə yardımçı tikililərin, o cümlədən toyuq hini və digər fərdi təyinatlı obyektlərin dövlət vəsaiti hesabına inşa və ya təmir edilməsi üçün dövlət büdcəsində ayrıca maliyyə təminatı nəzərdə tutulmayıb. Bu da o deməkdir ki, dövlət büdcədində nəzərdə tutulmayan belə xərclərin dövlət hesabına qarşılanması mümkün deyil”, - Xüsusi nümayəndəlikdən qeyd olunub.

Bildirilib ki, dövlət tərəfindən vətəndaşların mənzil və yaşayış şəraiti ilə təmin olunması istiqamətində həyata keçirilən tədbirlər müəyyən edilən dövlət proqramları və təsdiq olunan büdcə vəsaitləri çərçivəsində həyata keçirilir:

“Vətəndaşların mənzillə təmin olunması çərçivəsində təqdim edilmiş yaşayış sahələrinin texniki vəziyyəti ilə bağlı müraciətlərə, qanunvericiliyin tələblərinə uyğun qaydada baxılır. Yaşayış sahəsində tikinti və ya təhvil zamanı mövcud olmuş qüsurlar barədə əsaslandırılmış müraciətlər olduqda, həmin hallar aidiyyatı üzrə araşdırılır. Tikililərin və digər obyektlərin vəziyyəti ayrıca texniki qiymətləndirilə bilər. Əgər tikinti qüsuru və ya zəmanət öhdəliyi ilə bağlı məsələ varsa, aidiyyatı qurum tərəfindən araşdırılır. 1 ildən çox yaşadıqdan sonra “ev yararsızdır” kimi ümumi iddialar konkret fakt və texniki baxışla əsaslandırılmalıdır. Qeyd edək ki, vətəndaşların müraciətlərinə həssaslıqla yanaşılır və yaşayış sahəsinin təhlükəsizliyi, yararlılığı və ya tikinti qüsurları ilə bağlı əsaslandırılmış məsələlər qanunvericiliyin tələblərinə uyğun olaraq araşdırılır”.]]>