Xəbər verdiyimiz kimi, Azərbaycan Prezidenti cənab İlham Əliyev “Baykar Makine” şirkətinin texniki direktoru Selçuk Bayraktara Xarı bülbül simvolunu əks etdirən tablo hədiyyə edib.
Bu simvolu digərlərindən fərqləndirən bir məqamı var. Belə ki, tablonun üzərində ərəbcə yazı var.
Bu sözlər "من صبر ظفر" ( mən səbərə zəfərə) azərbaycancaya tərcümədə "səbir edən, zəfər çalar" deməkdir.
Bu, ərəb atalar sözündən götürülən bir hissədir. Tam mənada isə atalar sözü belədir:
من صبر ظفر ومن تأنى نال ما تمنى
Transliterasiya: Mən səbərə zəfərə və mən tə-ni nalə ma təmənna
Tərcümə: Səbir edən zəfər çalar, zəfər çalan istədiyinə nail olar.
Bu atalar sözü Loğmanla (Quranda onun adına surə var) qaşqabaqlı Əntərin hekayətindən götürülüb.
