http://fim.az/ Fakt İnformasiya Mərkəzi true http://fim.az/dunya/59359-ab-ranla-mharibd-iki-mqsd-gdr-vens.html vasif dunya Fri, 14 Aug 2026 16:00:14 +0000

Vaşinqtonun İranla münaqişədə iki əsas məqsədi var: amerikalılar üçün enerji qiymətlərini aşağı saxlamaq və İranın nüvə silahı əldə etməsinin qarşısını almaq.

Bunu ABŞ-ın vitse-prezidenti J.D. Vens Fox News-a verdiyi müsahibədə deyib. O, ABŞ-ın İranla münaqişədən daha güclü mövqedə çıxacağına əmin olduğunu qeyd edib: "Düşünürəm ki, bu, ABŞ-ı daha güclü mövqedə qoyacaq, çünki İranın nüvə silahı olmayacaq və Hörmüz boğazı Amerika xalqı üçün neft və qaz qiymətlərinin sabit olduğu vəziyyətə qayıdacaq".]]> true http://fim.az/dunya/59360-mhur-eks-prezidentin-qohumu-nazirin-olu-ukraynada-ruslara-qar-dyb-onu-axtarrlar.html vasif dunya Fri, 14 Aug 2026 15:30:54 +0000

ABŞ-nin məşhur Kennedi ailəsinin üzvü Konor Kennedi Ukrayna tərəfində döyüşdüyünə görə Rusiya tərəfindən beynəlxalq axtarışa verilib.

aia.az xəbər verir ki, 32 yaşlı Konor ABŞ-nin səhiyyə və insan xidmətləri naziri Robert Kennedi Jr.-ın oğludur. O, eyni zamanda ABŞ-nin 35-ci prezidenti Con Kennedinin nəvəsi deyil, qardaşı nəvəsidir. Bu səbəbdən başlıqdakı “eks-prezidentin nəvəsi” ifadəsi qohumluq baxımından dəqiq deyil.

Konor Kennedi 2022-ci ildə Rusiyanın Ukraynaya genişmiqyaslı müdaxiləsindən sonra Ukraynanın Beynəlxalq Legionuna qoşulub və Ukrayna qüvvələrinin tərkibində döyüşüb. O, həmin vaxt bu qərarını ailəsinə və dostlarına əvvəlcədən açıqlamadığını bildirmişdi.

Kennedi sonradan Ukraynada döyüşdüyünü ictimai şəkildə təsdiqləyib. O, hətta Ukrayna uğrunda ölməyə hazır olduğunu bildirmiş və digər xarici vətəndaşları da Ukraynaya dəstək verməyə çağırmışdı.

Rusiya tərəfi isə Konor Kennedini “muzdluluq”da ittiham edir. Moskvanın Basmannı Rayon Məhkəməsi onun barəsində qiyabi həbs qərarı çıxarıb və o, beynəlxalq axtarışa verilib.

Rusiya qanunvericiliyinə əsasən, Kennedi irəli sürülən ittiham üzrə təqsirli bilinərsə, onu 7 ildən 10 ilədək həbs cəzası gözləyə bilər.

]]> true http://fim.az/iqtisadiyyat/59361-borc-bataqlna-dmmk-n-qzl-qayda-kredit-gtrnlrin-diqqtin.html vasif iqtisadiyyat Fri, 14 Aug 2026 14:22:43 +0000

Kreditlərdən istifadə edən vətəndaşların sayı artdıqca, kredit müqavilələrinin şərtləri də daha çox diqqət tələb edir. Bəzən insanlar yalnız faiz dərəcəsinə baxaraq qərar verir, lakin əlavə komissiyalar, sığorta, gecikmə şərtləri və digər ödənişlər ümumi borc məbləğini əhəmiyyətli dərəcədə dəyişə bilər.

Kredit götürərkən vətəndaş hansı məqamlara xüsusi diqqət etməlidir?

Bu barədə açıqlama verən iqtisadçı Asif İbrahimov bildirib ki, kredit götürərkən vətəndaşın yalnız illik faiz dərəcəsinə baxması böyük səhvdir:

“Ən önəmli göstərici kreditin vətəndaşa başa gələn ümumi qiymətidir. Yəni vətəndaşın özünə verəcəyi əsas sual bu olmalıdır: 10 min manat kredit götürən şəxs sonda banka neçə manat qaytaracaq? Faizdən əlavə komissiyalar, sığorta, xidmət haqları və digər ödənişlər kreditin real dəyərini əhəmiyyətli dərəcədə artıra bilər. İkinci mühüm məsələ effektiv illik faiz dərəcəsidir. Praktikada da görürük ki, reklamlarda göstərilən nominal faizlə kreditin faktiki maliyyə yükü eyni olmaya bilər. Buna görə vətəndaş bankdan kreditin effektiv faiz dərəcəsini və müqavilə müddətinin sonunda ödəyəcəyi ümumi məbləği yazılı şəkildə tələb etməlidir. Müxtəlif bankların təkliflərini müqayisə edərkən də məhz bu göstəricidən istifadə etmək daha düzgündür. Üçüncü məsələ komissiyalardır. Kreditin verilməsi, hesabın açılması, xidmət, nağdlaşdırma, erkən bağlama və digər əməliyyatlara görə hansısa ödəniş nəzərdə tutulub-tutulmadığı əvvəlcədən bilinməlidir. Bəzən faiz dərəcəsi aşağı göstərilir, lakin əlavə xidmət haqları kreditin faktiki qiymətini yüksəldir. Sığorta məsələsinə də xüsusi diqqət yetirmək lazımdır. Xüsusilə avtomobil və ipoteka kreditlərində sığortanın növü, məbləği, kim tərəfindən ödənildiyi, hansı riskləri əhatə etdiyi və kredit müddəti ərzində ümumi xərcinin nə qədər olduğu aydınlaşdırılmalıdır. Vətəndaş “sığorta tələb olunur” ifadəsi ilə kifayətlənməməli, bunun ona neçə manata başa gələcəyini bilməlidir”.

İqtisadçı əlavə edib ki, digər vacib məsələ gecikmə şərtləridir:

“Kredit ödənişi bir neçə gün gecikdikdə nə baş verir, penya və ya digər maliyyə sanksiyası necə hesablanır, gecikmə kredit tarixçəsinə necə təsir edir – bunlar müqavilədə açıq şəkildə göstərilməlidir. Xüsusilə uzunmüddətli kreditlərdə kiçik gecikmələrin belə zamanla ciddi maliyyə nəticələri yarada biləcəyini nəzərə almaq lazımdır. Vətəndaş erkən ödəniş imkanlarını da əvvəlcədən öyrənməlidir. Kreditin bir hissəsini və ya hamısını vaxtından əvvəl ödədikdə əlavə komissiya tutulurmu, faizlər yenidən hesablanırmı, əsas borc necə azalır? Bunlar müqavilənin mühüm hissəsidir. Gələcəkdə gəliri artan vətəndaş üçün erkən ödəniş imkanı kreditin ümumi xərcini əhəmiyyətli dərəcədə azalda bilər. Ən vacib məsələlərdən biri də aylıq ödənişin gəlirə nisbətidir. Vətəndaş bankın verdiyi maksimum məbləğə görə deyil, öz real ödəmə qabiliyyətinə görə kredit götürməlidir. Əgər ailənin bütün sərbəst gəliri kredit ödənişinə gedirsə, gözlənilməz xərc və ya gəlir itkisi zamanı ciddi problem yarana bilər. Ona görə kredit götürərkən gəlirin bir hissəsi mütləq ehtiyat fondu kimi saxlanmalıdır. Nəhayət, müqaviləni oxumadan imzalamaq olmaz. Bank əməkdaşı şərtləri şifahi izah etsə belə, vətəndaş müqavilədə yazılan bütün bəndləri özü nəzərdən keçirməlidir. Xüsusilə faiz dərəcəsinin dəyişməsi, əlavə ödənişlər, gecikmə, sığorta, erkən bağlanma, təminat və borcun vaxtından əvvəl tələb edilməsi ilə bağlı müddəalar diqqətlə oxunmalıdır. Əsas prinsip isə çox sadədir. Kreditin faizinə yox, kreditin tam qiymətinə baxmaq lazımdır. Vətəndaş kredit götürməzdən əvvəl üç rəqəmi dəqiq bilməlidir. Nə qədər pul alır, ayda nə qədər ödəyəcək və kreditin sonunda ümumilikdə nə qədər pul qaytaracaq. Hazırda Azərbaycan əhalisinin böyük hissəsi biznes krediti yox, istehlak krediti götürür. Yəni məcbur qalıb götürür. Amma istənilən halda bu üç suala aydın cavab yoxdursa, həmin kredit qərarını tələsmədən yenidən nəzərdən keçirmək lazımdır”.//Demokrat.az]]> true http://fim.az/idman/59374-tvente-9-qol-vurub-bakya-qisas-n-glir-qaraba-amansz-hcum-xtti-gzlyir.html vasif idman Fri, 14 Aug 2026 13:47:20 +0000

Avropada sözünü deməyə adət etmiş “Qarabağ” daha bir möhtəşəm gecəyə imza atdı. Ağdamın “atlıları” bu dəfə Kiyev “Dinamo”su qarşısında əsl xarakter nümayiş etdirərək ilk oyundakı 0:1 hesablı məğlubiyyəti Bakıda 2:0-lıq qələbə ilə silib atdı və UEFA Konfrans Liqasının pley-off mərhələsinə vəsiqəni rəsmiləşdirdi.

Əfsanəvi baş məşqçimiz Qurban Qurbanovun komandası yenə Avropa səhnəsində ən çətin məqamlarda necə oynamaq lazım olduğunu göstərdi. “Qarabağ” həm nəticə baxımından geri dönüş etdi, həm də növbəti mərhələ üçün Azərbaycan futbolunun qarşısında yeni bir ümid qapısı açdı. İndi qarşıda daha ciddi, daha böyük və daha məsuliyyətli sınaq var, Niderlandın “Tvente”sini keçmək...

Niderland təmsilçisi III təsnifat mərhələsində DAK 1904-ü ümumi 9:3 hesabı ilə üstələyərək pley-offa yüksəlib. Bu da holland klubunun qol vurmaq bacarığı və daha çox qolla rəqibi üstələmək hədəfinin olduğunu göstərir.

Maraqlıdır ki, “Qarabağ”ın “Tvente” ilə Avropa arenasında hesabı da var. Belə ki, Ağdam klubu 2014/15 mövsümündə bu rəqibi Avropa kuboklarından kənarlaşdırmışdı və tarixində ilk dəfə avrokubokların qruplarına düşmüşdü. O zamandan indiyə qədər “Köhlən atlar”ı hər il avrokubokların qruplarında görmüşük. İndi isə son 12 ildə “Tvente” ilə başlayan tarixi uğur onunla ya davam edə bilər, ya da bitər...

Deməli, qarşıdakı dueldə yalnız pley-off vəsiqəsi deyil, həm də tarixi rəqabətin yeni səhifəsi yazılacaq.

Qeyd edək ki, pley-off mərhələsinin ilk oyunları avqustun 20-də, cavab qarşılaşmaları isə avqustun 27-də keçiriləcək.

“Qarabağ” bu dəfə də Avropanın əsas səhnəsinə gedən yolda növbəti maneəni aşa biləcəkmi? “Tvente” kimi ciddi rəqib qarşısında Qurban Qurbanovun yetirmələrinin hansı üstünlükləri həlledici ola bilər?

Futbol mütəxəssisi Kənan Məstəliyev “Qarabağ”ın “Dinamo” ilə oyununu Musavat.com-a şərh edərkən komandanın qələbəyə layiq olduğunu qeyd edib:

“Ağdam klubunun yeni heyətlə tam uyğunlaşması hələ başa çatmayıb. Ağır qələbə oldu. Komandanın yenilənməsi çox ağır gedir, daşlar hələ yerinə oturmayıb. Xüsusən orta xətdə anlaşma çətinlikləri var idi. Bəzi məqamlarda hətta oyunçularımız bir-birlərinə mane olurdular. Başqa səhvlər də oldu”.

K.Məstəliyevin sözlərinə görə, “Qarabağ”ın oyun fəlsəfəsini daha sürətli və çevik şəkildə qurmaq cəhdi müdafiədə müəyyən problemlərə səbəb olub:

“Oyunu oturtmaq, daha sürətli və çevik oynamaq, pasla çıxmaq istəyimiz müdafiədə də boşluqlara, rəqibin qol epizodlarına gətirib çıxartdı. Ardıcıl ağır matçların yorğunluğunun da təsiri az deyildi”.

Ekspert bütün çatışmazlıqlara baxmayaraq, “Qarabağ”ın “Dinamo”dan daha üstün komanda olduğunu və mərhələni keçməyə layiq tərəfin məhz Ağdam klubu olduğunu vurğulayıb:

“Ancaq bir şey dəqiqdir ki, biz bu rəqibdən daha yaxşı komanda idik, turu keçməyə layiq olan da. Əsas odur ki, qələbə qazandıq. Bu gün bu cür matçlarda vacib olan budur”.

Müsahibimiz sonda “Tvente” oyunu barədə də danışıb:

“Rəqib çox ciddidir. Niderlandın köklü klublarındandır, böyük təcrübəyə malikdirlər, heyətlərində də ulduz futbolçular var. Xüsusilə hücumda çox təhlükəlidirlər. “Dinamo” ilə matçdakı kimi müdafiədə boşluqlar versək, bizi bağışlamayacaqlar, hər iki matçda məğlub edəcəklər. Ona görə daha diqqətli, daha intizamlı olmalıyıq. Düşünürəm ki, keçməyə şansımız var. “Qarabağ” ənənəvi futbolunu oynamalı, topu rəqibə maksimum az verməyə çalışmalıdır. Bu alınsa, qələbəyə ümid etmək olar”.]]> true http://fim.az/hadise/59373-cra-basn-thqir-etdi-hbs-olundu.html vasif hadise Fri, 14 Aug 2026 13:16:30 +0000

Ağcabədi rayonu Şahsevən Təzəkənd kəndində insident 1 nəfərin inzibati qaydada həbs olunması ilə nəticələnib.

Səbəb 1992-ci il təvəllüdlü kənd sakininin ümumi istifadə üçün nəzərdə tutulan yolu bağlaması olub.

Həmin şəxs evinin ön hissəsindən kənd camaatının öz mal-qaralarını aparıb-gətirməsinin onun ailəsinin narahatlığına səbəb olduğunu bildirib və bu şikayətlə kənd icra nümayəndəliyinə müraciət edib, lakin onun xahişi nəzərə alınmayıb.

Bundan sonra 34 yaşlı gənc yolu bağlamaq qərarına gəlib. Bundan sonra onun qanunsuz hərəkəti ilə bağlı polisə müraciət olunub.

Xuliqanlıq əməli törədən şəxs spirtli içkinin təsiri altında kənd sakinlərini, eləcə də Ağcabədinin icra başçısı Rafil Hüseynovu təhqir edib. Polisin qanuni tələbinə məhəl qoymayan şəxs barədə protokol tərtib edilərək baxılması üçün məhkəməyə göndərilib. Ağcabədi Rayon Məhkəməsinin qərarna əsasən, o, 8 gün müddətinə inzibati qaydada həbs edilib.\\xitab24.az-a]]> true http://fim.az/hadise/59375-meyvli-bazarnda-yann-vdeo.html vasif hadise Fri, 14 Aug 2026 12:38:01 +0000


Paytaxtın Qaradağ rayonu ərazisində yerləşən "Meyvəli" Ticarət Mərkəzində yanğın olub.

Hadisə ötən gün baş verib.

Fövqəladə Hallar Nazirliyindən sorğumuza cavab olaraq bildirilib ki, 13 avqust tarixində Qaradağ rayonu, Lökbatan qəsəbəsində plastik yeşiklər yığılmış ərazidə yanğın baş verib və yanğın genişlənməsinə imkan verilmədən FHN qüvvələri tərəfindən qısa müddətdə söndürülüb./Unikal/]]> true http://fim.az/iqtisadiyyat/59372-bak-metrosunda-dyklk-foto.html vasif iqtisadiyyat Fri, 14 Aug 2026 12:25:27 +0000

Bakıda metro xətlərinin ayrılması ilə bağlı nəzərdə tutulan dəyişikliklərə artıq stansiyalarda da hazırlıq görülür. Belə ki, “Dərnəgül” stansiyasında yerləşən elektron lövhələrdə qatarların istiqaməti ilə bağlı yeni məlumatlar əks olunmağa başlayıb.

Lövhələrdə “Dərnəgül – Nizami” istiqaməti göstərilir. Bu, avqustun 15-dən etibarən metroda tətbiq olunacaq yeni hərəkət sxemi ilə bağlıdır.

Beləliklə, “Dərnəgül”, “Azadlıq prospekti”, “Nəsimi”, “Memar Əcəmi”, “20 Yanvar”, “İnşaatçılar” və digər stansiyalardan gələn sərnişinlər artıq birbaşa “28 May” stansiyasına gedə bilməyəcəklər. Qatarlar “Nizami” stansiyasına qədər hərəkət edəcək.

“Nizami”dən sonra “28 May” istiqamətində hərəkət etmək istəyən sərnişinlər alternativ nəqliyyatdan istifadə etməli və ya mövcud keçid imkanlarından yararlanmalıdırlar.

Qeyd edək ki, dəyişiklik Bakı metrosunda Qırmızı və Yaşıl xətlərin ayrılması layihəsi çərçivəsində həyata keçirilir. Layihə nəticəsində xətlərin müstəqil fəaliyyət göstərməsi nəzərdə tutulur. “28 May” və “Cəfər Cabbarlı” stansiyaları isə xətlər arasında əsas keçid məntəqələri olacaq.

Hazırda sərnişinlərin məlumatlandırılması məqsədilə stansiyalarda istiqamət lövhələri də mərhələli şəkildə yenilənir. “İnşaatçılar”da çəkilən görüntüdə yeni istiqamətin artıq lövhədə göstərilməsi diqqət çəkir.

Xatırladaq ki, avqustun 15-dən etibarən “Dərnəgül–Nizami” sahəsində hərəkətin təşkili ilə əlaqədar sərnişinlərin gündəlik marşrutlarında dəyişiklik olacaq.

]]> true http://fim.az/dunya/59371-nazir-trkiy-z-nv-proqramn-inkiaf-etdirck.html vasif dunya Fri, 14 Aug 2026 12:19:30 +0000

Türkiyə nüvə proqramını genişləndirərkən nüvə enerjisi texnologiyalarını müstəqil şəkildə inkişaf etdirən və istifadə edə bilən bir ölkə olmağı hədəfləyir.
“Turkiye Today”ə istinadən xəbər verir ki, bunu Türkiyənin enerji və təbii sərvətlər naziri Alparslan Bayraktar deyib.

"Biz Türkiyəni nüvə enerjisinin bu yeni dövründə öz enerji texnologiyalarından istifadə edə və öz resurslarını istehsal edə bilən bir ölkəyə çevirmək istəyirik. Hesab edirəm ki, Türkiyənin mühəndislik potensialı bunun üçün kifayətdir. Hazırda bu sahədə çox ciddi işlər görülür", nazir Bayraktar qeyd edib.

Enerji müstəqilliyinin Türkiyənin əsas məqsəd olaraq qaldığını deyən nazir bildirib ki, Türkiyə xarici enerji mənbələrindən asılılığına son qoymaq üçün yerli neft və təbii qaz istehsalı, bərpa olunan enerji mənbələri, enerji səmərəliliyi tədbirləri ilə yanaşı, nüvə enerjisini də inkişaf etdirir.]]> true http://fim.az/siyaset/59370-kamran-liyev-in-sfiri-il-grd-fotolar.html vasif siyaset Fri, 14 Aug 2026 12:15:02 +0000

Avqustun 13-də Baş prokuror Kamran Əliyev Çinin Azərbaycandakı fövqəladə və səlahiyyətli səfiri xanım Lu Meyi qəbul edib.

“Baş prokuror Azərbaycanla Çin arasında ənənəvi dostluq və tərəfdaşlıq əlaqələrinə, bütün sahələrdə işgüzar münasibətlərin mövcudluğuna toxunaraq, dövlətlərimizin hüquq-mühafizə orqanları arasında əməkdaşlığı haqqında danışıb.

K.Əliyev qeyd edib ki, Çin uzun illər ərzində müxtəlif beynəlxalq platformalarda Azərbaycanın haqlı mövqeyini və siyasi təşəbbüslərini dəstəkləyib, dövlət başçılarının siyasi iradəsi və mütəmadi təmasları nəticəsində Azərbaycan-Çin münasibətləri son illərdə dinamik inkişaf edərək hərtərəfli strateji tərəfdaşlıq səviyyəsinə yüksəlib.

Xüsusi vurğulanıb ki, Azərbaycan Prezidenti İlham Əliyevin 2025-ci ildə Çinə iki səfəri və həmin ilin aprelində Çin sədri Si Cinpinlə “Azərbaycan Respublikası ilə Çin Xalq Respublikası arasında hərtərəfli strateji tərəfdaşlıq əlaqələrinin qurulması haqqında Birgə Bəyanat”ın imzalanması bunun mühüm göstəricilərindəndir.

Dövlətlərarası münasibətlərin yüksək səviyyəsi Azərbaycan və Çin prokurorluq orqanları arasında əlaqələrin inkişafına da müsbət təsir göstərərək qarşılıqlı maraq doğuran məsələlər üzrə əməkdaşlığın və təcrübə mübadiləsinin genişlənməsinə əlverişli zəmin yaradıb.

Görüş zamanı həmçinin cari ilin aprel ayında Şanxay şəhərində Çinin Ali Xalq Prokurorluğunun Baş prokuroru Yinq Yonqla baş tutmuş görüşün qurumlararası münasibətlərə xüsusi töhvə verdyini də qeyd olunub.

Daha sonra cinayətkarlığın müxtəlif formalarına qarşı mübarizə, praktiki əməkdaşlıq məsələləri, həmçinin, hüquqi və institusional əməkdaşlığın genişləndirilməsi perspektivləri ətrafında fikir mübadiləsi aparılaraq razılıq əldə olunub.

Səmimi qəbula görə təşəkkürünü bildirən səfir Lu Mey ikitərəfli münasibətlərə toxunaraq Çinin Azərbaycanla əlaqələrə böyük önəm verdiyini və iki ölkə arasında münasibətlərin yüksək səviyyədə və müvəffəqiyyətlə inkişaf etdiyini vurğulayıb.

]]> true http://fim.az/dunya/59369-xameneidn-ok-qrarlar-sepah-v-orduda-yeni-komandirlr.html vasif dunya Fri, 14 Aug 2026 11:59:47 +0000

Son günlər yenidən barəsində ziddiyyətli xəbərlər yayılan İranın ali rəhbəri Müctəba Xamenei gözlənilmədən ölkənin ordu, İslam İnqilabı Keşikçiləri Korpusu (SEPAH) və Milli Təhlükəsizlik Ali Şurasında genişmiqyaslı kadr dəyişiklikləri həyata keçirib.

Musavat.com xəbər verir ki, "Regnum"İİA ik baxışdan müxtəlif strukturlarda aparılan adi rotasiya təsiri bağışlayan bu dəyişikliklərin arxasında daha ciddi siyasi və hərbi mesajın dayandığı bildirilib.

Yeni rəhbərlik İranın son bir ildə əldə etdiyi regional təsir imkanlarından geri çəkilmək niyyətində olmadığını və xarici təzyiqlərə qarşı asimmetrik mübarizəni davam etdirəcəyini nümayiş etdirir.

Müctəba Xameneinin əsas addımlarından biri keçmiş SEPAH komandanı Möhsün Rzainin Milli Təhlükəsizlik Ali Şurasının katibi təyin edilməsi olub. Rzai SEPAH və mühafizəkar siyasi dairələrdə böyük nüfuza malik “qırğılarr” qrupunun nümayəndəsi kimi tanınır. Onun Körfəz və Hörmüz boğazı ilə bağlı mövqeyi də sərtliyi ilə seçilir. Yeni katib hesab edir ki, İran bölgədə formalaşmış yeni status-kvonu bütün vasitələrlə, o cümlədən hərbi güclə müdafiə etməlidir.

"Regnum" yazır ki, bu yanaşmanın əsas tərəfdarlarından biri Pezeşkian idi. O, 2024-cü ildə prezident seçkilərində Qərblə iqtisadi və siyasi əlaqələrin yenidən qurulacağı vədi ilə siyasi uğur qazanmışdı.Lakin Müctəba Xamenei bu xəttin güclənməsinin qarşısını almaq qərarına gəlib. Nəticədə Zülqədr vəzifədən tam uzaqlaşdırılmasa da, siyasi məsələlər üzrə müşavir postuna keçirilib və onun real təsir imkanları əhəmiyyətli dərəcədə azaldılıb.Beləliklə, Milli Təhlükəsizlik Ali Şurasında ağırlıq mərkəzi prezident administrasiyasından güc strukturlarına və mühafizəkar dairələrə doğru dəyişib.

Milli Təhlükəsizlik Ali Şurasındakı dəyişikliklərdən sonra hərbi strukturlarda da yeni təyinatlar həyata keçirilib.Ordunun Baş Qərargahına general-mayor Əli Abdollahinin gətirildiyi bildirilir. O, daha əvvəl “Xatəm əl-Ənbiya” mərkəzi qərargahına rəhbərlik edib. Onun müavini isə quru qoşunlarına rəhbərlik etmiş general Əmir Kiyumərs Heydəri təyin olunub.SEPAH-da da rəhbərlik yenilənib. General-mayor Əhməd Vəhidi martın 1-dən faktiki olaraq korpusa rəhbərlik etdikdən sonra baş komandan kimi mövqeyini möhkəmləndirib. Onun müavini isə general Mustafa İzadi olub.İran İnqilab Keşikçilərinin Hərbi-Dəniz Qüvvələrinə də Əli Əzmai rəhbər təyin edilib. O, Qərb ölkələrində İranın Hörmüz boğazında tətbiq etdiyi təzyiq strategiyasının hazırlanmasında iştirak edən hərbçilərdən biri hesab olunur."Bəsic” könüllü qüvvələrinin rəhbərliyinə isə SEPAH-ın kəşfiyyat strukturuna uzun müddət rəhbərlik etmiş Hüseyn Taeb qaytarılıb. Taeb SEPAH daxilində kəşfiyyat, əks-kəşfiyyat və siyasi fəaliyyət sahəsində təcrübəli fiqur kimi tanınır.

Kadr dəyişikliklərinin xarakteri İran rəhbərliyinin mümkün yeni qarşıdurma ssenarilərinə hazırlaşdığını göstərir.Müctəba Xameneinin daxili sabitliyi pozmağa yönəlmiş cəhdlər, silahlı etnik qrupların fəallaşması, kiberhücumlar və kritik infrastrukturun sıradan çıxarılması ehtimalını nəzərə aldığı görünür.Bu səbəbdən yeni rəhbərlik hərbi, kəşfiyyat, kibertəhlükəsizlik və asimmetrik müharibə təcrübəsi olan şəxsləri əsas vəzifələrə gətirir.“Bəsic”ə verilən yeni missiya da bu siyasətin tərkib hissəsi kimi qiymətləndirilir. Müctəba Xamenei bu strukturun yalnız daxili təhlükəsizlik aləti deyil, həm də İran cəmiyyətində milli səfərbərlik və “vətəndaş müdafiəsi” modelinin əsas dayaqlarından birinə çevrilməsini istəyir.]]>