Nərimanov rayon MKTB-nin rəisi Manaf Manafov - Nərimanov rayonunda daha bir ünvanda abadlıq-quruculuq işləri başlanılıb. Nərimanov rayonu, F.Yusifov küçəsi 40, 42, 44 və Uluqbəy küçəsi 106/44A ünvanlarda yerləşən binaların fasadı və dam ortüyü əsaslı təmir edilir, yağış suları axıdan boru və navalçalar dəyişdirilir. Binaların giriş blokları təmir edilir, pilləkənlər aqlay daşla üzlənilir, qapı və pəncərələr yeniləri ilə əvəz olunur.
Sözügedən binaların həyətində kök üstə qurumuş və təhlükəli vəziyyətdə olan ağaclar budanılaraq ərazidən çıxarılıb, qanunsuz hasara alınmış ərazilərin çəpərləri sökülərək, sakinlərin ümumi istifadəsinə verilmişdir. Həmçinin həyətə bardur, tamet daşları və qazon örtüyünün vurulması, sakinlərin asudə vaxtlarının səmərəli təşkili üçün söhbətgah, oturacaqlar və müxtəlif növ uşaq-oyun elementlərinin quraşdırılması, avtomobillərin saxlanılması üçün yerlərin ayrılması və digər işlərin görülməsi nəzərdə tutulub.
