Xüsusi Təyinatlı Qüvvələrdə (XTQ) xidmət edən gizir İlham Əliyev Şuşa şəhərinin işğaldan azad olunması zamanı keçirilən əməliyyatlardan bəhs edib.
XTQ giziri bu barədə Mircavidan Niftullayevin müəllifi olduğu "YouTube" kanalında danışıb:
"Gəlib Şuşaya çatdıq. Döyüş bölmələrimiz komandanlıq tərəfindən yüksək zəka ilə hazırlanan və dünyanı şoka salan planla Şuşa şəhərinə girdi. Düşmən çaş-baş qaldı.
Şuşa Qarabağ ərazisinin alınmaz qalası və zirvəsi idi. Bura alındısa, müharibə artıq bitmiş hesab olunurdu. Bu səbəbdən Ali Baş komandanın qərarı çox doğru idi. Artıq şəhid və yaralı vermədən, bir güllə belə atmadan digər ərazilər bizə qaytarıldı".
